Ɔ̀rɔ̀mùnka reè 1:9 - Bible Dzùùngoo Unicode

⁹ Mun faagoò faa Ŋaablà riì rè ko n duɔ̀n sapɛ ka, à Dzin Kpir'la rè Kùnàgoo Dziɔ̀ dèè doùn, tɔ̀ sa mun shɛɛrɛ, ci mun taa ni tsuù ye mà kudɛyn.

Ɔ̀rɔ̀mùnka reè 1:9 ပူးပေါင်းရင်းမြစ်များ

Marikì 1:1

Yesù, Ŋaablà Jaara Moò, [Ŋaablà Dzin Kpir'la], tɔ̀ re Kùnàgoo Dziɔ̀ dziikuan nì siin.

Lukì 18:1

Àyìwà, twɛy goo rèè shɔ̀ùn, Yesù yè nèe gooma ree ka tàlen ban e re kàràndzin neè rè, nìi nà à kpàdè è ra, ci è wù yè bà Ŋaablà mafyɛ̀ɛn kudɛyn, è mà e gɔn vu ja kuraa.

Kɛɛradzin neè faadziɛ 12:5

Piyɛrì dzii tsyeeŋmaà kàsoò rà, kaadzin neè yè bà à kplatsuɔ, ɲɛynamoo kur'là kpɛ̀yn na Ŋaablà mafyɛ̀ɛn à re nìi tsuru, à na à màfyɛ̀ɛn à re tɔ̀ rii tsuru.

Kɛɛradzin neè faadziɛ 19:21

Twɛy goo rèè sapɛ shɔùn, Ŋaablà re Dzia baraka rɔ̀n, Polì y'à ji e duùn ci wo nà dɔ̀n bo Maseduwanin jamaan ɲàn, wò yeè dɔ̀n bo Akayi jamaan ɲàn, wò yeè bè Yerusalɛmùn. À yè bà na à dèe sa, ci wò wɔumaà shɔ̀ùn mɔn, fɔ wò yeè nà bè Ɔ̀rɔmùn sa.

Kɛɛradzin neè faadziɛ 24:14

Sààben fyan, mun kpɛ̀yn nìi tɔ̀, min bà dzia à dè wo ra, tɔ̀ rii yɛ, ci mun goo faa Ŋaablà rii lè, ɲe fà rèè rè Ŋaablàa, min bà Tsìfa Yesù raa shia jìɛ. Ye ci tɔ̀ shia na sààbèn goo waa, ŋà, nìi sapɛ sɛbɛɔ̀n sàrìyaa kìtaabuà doùn, ko kɛɛra reè rè kìtaabu rèè doùn, mun ɲɛɔ̀n tɔ̀ sapɛ ra.

Kɛɛradzin neè faadziɛ 27:23

Àwà, mun Ŋaablà riì raa, min bà faagoò faa à re, tɔ̀ re mɛ̀rɛ̀kɛ sɔn nàu e yɛrɛ kpadè mun na fen nɔ̀n.

Kɛɛradzin neè faadziɛ 3:26

Àwà, a y'a jà Ŋaablà yeè e re faagoofadzin Yesù bàji na, à tɔ̀ fau ye rìì jɔ̀na re ŋe. À y'à ka nau, è nà bà dzwɛ ye mà, ye mòò sɔ̀n sɔ̀nkɔɔn sa yeè sèè bo e re gooɲaan fakɔɔn kpɛyn.»

Ɔ̀rɔ̀mùnka reè 9:1

Kirisà ɲàn, mun sààbeen rìì dèe, mun na doò dèe waa. Ŋaablà re Dzia baraka rɔ̀n, mun akir'là sa mun shɛɛrɛ,

Korɛntsika reè fiiraa 1:23

Ŋaablà ye n shɛɛrɛ. N naà nìi dè, à ma ba sààben min san. A y'a jà mun na be Korɛntsì, mun tɔ̀ fau nì, min ye tààn.

Korɛntsika reè fiiraa 11:31

Tsoo dzi ye ɲɛn Ŋaa tsɛ kudɛyn, mùn Tsìfa Yesù Kirisà Fàà, tɔ̀ y'a tɔ̀ ci mun na doò dèe waa.

Galatsika reè 1:20

Ŋaabla mun shɛɛrɛ, ci mun yɛ nìi sɛbɛn siàn ye ra, à na doo goòmà waa.

Efɛsika reè 6:18

Ye Ŋaablà mafyɛ̀ɛn kudɛyn à re Dzia baraka rɔ̀n, màfyɛ̀yn kaatsià sapɛ ka. E taa yeè bà ni tɔ̀ mà kudɛyn, e ɲan yè bà shiɔ̀ à ra fau'n kur'la sapɛ. Ye màfyɛɛ̀n faa Ŋaablà re mòò rèè sapɛ re.

Filipika reè 1:3

Mun taa ye na ye mà waatsi o waatsi, mun baraka sìan n ne Ŋaablà ra.

Filipika reè 1:4

Mun ne Ŋaabla mafyɛyn nèè sapɛ doùn, kudɛyn mun màfyɛɛ̀n faa ye sapɛ re, min bà à faa ko taamadzibe ka.

Filipika reè 2:22

Y'a tɔ̀, Tsìmotè yè e re sɔ̀bɛ̀nbee kpàdèu nìi tsuru, nìi yɛ è yɛrɛ siun Kùnàgoo Dziɔ̀ faagoo rà mun ka a ci dzin ko fà.

Filipika reè 3:3

A y'a myɛ̀n shɛunma taki reè, tɔ ɲe rìì. Ɲe nìì reè Ŋaablà blabee à re Dzia baraka rɔ̀n, ɲe yè e yɛrɛ blabe Yesù Kirisà ɲàn, ɲe si to na ɲɛɔ̀n e yɛr'leè tsɛ waa.

Tesalonikika reè jɔ̀naà 1:2

Kudɛyn ɲe baraka sìan Ŋaablà ra ye kamà, ɲe yè bà ye sapɛ gooma deè e re Ŋaabla mafyɛyn nèè doùn.

Tesalonikika reè jɔ̀naà 3:10

Fen sen ɲɛn bwèy tsɛ, ɲe ni Ŋaablà mafyɛ̀ɛ̀n nà kudɛyn, è bà ni à to ɲe yè ye sèè jà. Tà tsuru, nìi ye fɔɔn ɲɛynaà doùn, ɲe yè tɔ̀ dzii tsyɛn.

Tesalonikika reè jɔ̀naà 5:17

Kudɛyn ye Ŋaablà mafyɛ̀ɛn !

Tsìmotè jɔ̀naà 2:7

Tɔ̀ rii kamà, Ŋaabla mun bàu waajibifabaa ko kɛɛradzin. È mun bà kun kpɛrɛ mòdzin neè kàrànfa, min ɲɛynaà ko sààbeen kàràn è ra. Mun sààbeen rìì dèe, mun na doò dèe waa.

Tsìmotè fiiraa 1:3

Mun baraka sìan Ŋaablà ra, mun faagoò faa tɔ̀ niì rè ko duunfyɛ ka, a ci mun fàbɔɔ rèè y'à fau nìi tsuru. Kudɛyn wo tsoò ni tsuù mun dzu n ne Ŋaabla mafyɛyn nèè doùn.

Filemɔ̀n 1:4

Kudɛyn mun baraka sìan n ne Ŋaablà ra. Wo tsoò ni tsuù mun dzu n ne Ŋaabla mafyɛyn nèè doùn.