Ɔ̀rɔ̀mùnka reè 1:7 - Bible Dzùùngoo Unicode

⁷ Ye nìì reè sapɛ ni Ɔ̀rɔmùn wɔ̀ rɔ̀n, Ŋaabla yeè bà ye kɛ̀niɔ̀n, è ye kiri e raa, sɛbɛn nee kaɔ ye rìì lè. Arì she, Ŋaablà ɲanwùɔ ko jaanciàn, mùn Fà Ŋaablà ko Tsìfa Yesù Kirisà yè twɛy sìn e ra.

Ɔ̀rɔ̀mùnka reè 1:7 ပူးပေါင်းရင်းမြစ်များ

Matsiyù 5:16

Tɔ̀ soo tsuru, ye sa raa vyevyeè yè bo mòdzian rè, yè bà ni ye faadzii wuu reè jà, yè tsoo dzi ɲɛn ye Fàà tsɛ, tɔ̀ riì ni jìrànxɔ rɔ̀n.»

Yùxanà 20:17

Yesù yè dzin à ra ci: «Maà n kun tsìì to waa, kàtsu mun na teyn be Fà Ŋaablà kpakèrè ŋe waa. Bè neema karàndzin neè rìì kpɛyn, e bè dzin è ra, ci mun ci mun tèyn beè n Faà rè, è bà ye sa Fa. Ɔ̀ɔn, ci mun tèyn beè n ne Ŋaablà re, ye sa re Ŋaablà.»

Kɛɛradzin neè faadziɛ 15:23

È sɛbɛn niì wɔu è suun, tɔ̀ doùn goomaa nì siin nèe ci: «Àwà, mùn neema karàndzin ì, ye nìì reè kun kpɛrɛ mòdzin ì, ye yè bà tsùuŋnà Antsiyɔshì wɔ̀ rɔ̀n ko Siiri jamaan ko Silisi jamaan ɲàn, ɲe kɛɛradzin neè ko mìin ɲɛynamoo kur'là jɔundzin neè, mùn ne tswɛy ni e re.

Kɛɛradzin neè faadziɛ 9:13

Tsìfa Yesù rè goomaa shɔ̀ùn, Ananiyasì yè dzin ci: «Ee Tsìfaà, mun to gooma giri myɛɔ̀n kpir'lee tsɛ dɛ ! À gooɲaan niì sapɛ fau wo re kàràndzin neè rà Yerusalɛmùn, mòò giri tɔ̀ lakɛrɔun mun na.

Ɔ̀rɔ̀mùnka reè 1:6

Ye sa twɛy mòdzin neè sɔn ni, Yesù Kirisà nìì reè kiriɔ.

Ɔ̀rɔ̀mùnka reè 5:1

Tà doùn, ɲɛynaà baraka rɔ̀n, à kpàdè niì fau ci mùn tereòn, tɔ jaancin dɔ̀un mùn ko Ŋaablà fi, mùn Tsìfa Yesù Kirisà baraka rɔ̀n.

Ɔ̀rɔ̀mùnka reè 5:5

Àwà, tɔ̀ sixɔbemaà na mòò màniɛn waa, è ɲɛn à tsɛ, Ŋaablà kɛnbààbee jee jiu mùn dùsùkuan ɲàn à re Dzia baraka rɔ̀n, tɔ̀ niì sìun mùn na.

Ɔ̀rɔ̀mùnka reè 8:28

Mùn y'a tɔ̀ sa, ci goò sapɛ faagoò faa esire, è goowùù fa Ŋaablà kɛnbaa rèè rà, nìì reè sapɛ kiriɔ è kòrò à re goo sɔ̀n byɛunmaà ka.

Ɔ̀rɔ̀mùnka reè 9:25

À tɔ̀ rii deò kɛɛra Ushè rè kìtaabuà doùn nìi yɛ ci: «Nìì re naà mun ne moo ì waa, mun nà twɛy kiri n ne mòò rèè. Nìi to naà kɛ̀niɔ̀n waa, mun nà tɔ̀ kiri kɛ̀niunmaà.»

Korɛntsika reè jɔ̀naà 1:24

Ŋà, Ŋaabla nìì reè kiriɔ, Dzyèèsìbee mòdzin sen ɲɛn Gɛ̀rɛ̀ki tsɛ, Kirisà Ŋaablà re dzibaabee ko à re akiritsifabee rìì twɛy jaa ra.

Korɛntsika reè jɔ̀naà 16:23

Arì she, mùn Tsìfa Yesù ɲanwùɔ yè bà ni e tsɛ !

Galatsika reè 6:18

Arì she, mùn Tsìfa Yesù Kirisà ɲanwùɔ yè bà ni e tsɛ n neema ì ! Àmiinà !

Efɛsika reè 1:2

Arì she, Ŋaablà ɲanwùɔ ko jaanciàn, mùn Fà Ŋaablà ko Tsìfa Yesù Kirisà yè twɛy sìn e ra.

Efɛsika reè 6:23

Mùn Fà Ŋaablà ko mùn Tsìfa Yesù Kirisà, arì she, twɛy yè jaanciàn, ko kɛ̀nbààbee, ko ɲɛyna sìn neema reè rà !

Filipika reè 1:2

Arì she, Ŋaablà ɲanwùɔ ko jaanciàn, mùn Fà Ŋaablà ko Tsìfa Yesù Kirisà yè twɛy sìn e ra.

Filipika reè 4:13

Mun dzia goò sapɛ fa Kirisà baraka ɲan, tɔ̀ niì fààn siàn mun na.

Filipika reè 4:20

Arì she nɔɔrɔ yè ɲɛn Ŋaablà tsɛ, mùn Fàà, waatsi sen ɲɛn waatsi tsɛ ! Àmiinà !

Filipika reè 4:23

Arì she, Tsìfa Yesù Kirisà ɲanwùɔ yè bà ni e tsɛ !

Kolosika reè 1:2

nèe ɲe re sɛbɛn, è ka Ŋaablà re mòò rèè rè Kolosì wɔ̀ rɔ̀n, neema niì reè ɲɛɔ̀n Kirisà rà. Arì she, mùn Fà Ŋaablà ɲanwùɔ, ko jaanciàn, mùn Fà Ŋaablà yeè twɛy sìn e ra !

Kolosika reè 3:12

Tà doùn, ye nìì reè Ŋaablà jaara bouma rèè, à re mòò rèè ko à re kɛ̀niunma rèè, y'a to màtsuru brisi yè bà ni e ɲan, wùù yeè bà ni e ɲan, màjaa yeè bà ni e ɲan, vununmacin yè bà ni e ɲan, ko mɔ̀ɲɔn.

Kolosika reè 3:15

Arì she Kirisà rè jaanciàn yè kùntsììbee sen e dusùkuan tsɛ, e kiriɔ tɔ̀ niì kamà, ye bà gɔnkungɔ soo. Ye bà goowuutɔbaa ì Ŋaablà kajaa tsɛ !

Tesalonikika reè jɔ̀naà 1:1

Nèe mun Polì, ko Silivɛ̀n, ko Tsìmotè rè sɛbɛn, è ka ye Tesalonikì wɔ̀ɔ̀ ɲɛynamoo kur'là rè, ye nìì reè ni Fà Ŋaablà ɲan, ye yè bà ni Tsìfa Yesù Kirisà ɲàn. Arì she, Ŋaablà ɲanwùɔ ko jaanciàn, twɛy yè bà ni e tsɛ !

Tesalonikika reè jɔ̀naà 1:3

Ye re ɲɛynaà faagoò nìi boò, ko ye re kɛ̀nbààbee faagoò byɛnbee, ye si to xɔ nìi tsɛ, ye yè bà e shiɔ̀ à ra mùn Tsìfa Yesù Kirisà ɲàn, ɲe taa ni tɔ̀ mà kudɛyn mùn Fà Ŋaablà jaa ra.

Tesalonikika reè jɔ̀naà 1:4

Neema reè, Ŋaabla ye nìì reè kɛ̀niɔ̀n, ɲe y'à tɔ̀ ci à ye ɲankɛrɛn bou e jaa ra.

Tesalonikika reè jɔ̀naà 4:7

Àwà Ŋaablà na mùn kiri ci mìn re jaamabee fa noo ɲàn waa, ŋà, ci mùn y'a fa fɛnɛbee doùn.

Tesalonikika reè jɔ̀naà 5:28

Arì she, mùn Tsìfa Yesù Kirisà ɲanwùɔ yè bà ni e tsɛ !

Tesalonikika reè fiiraa 1:2

Arì she, Ŋaablà ɲanwùɔ ko jaanciàn, mùn Fà Ŋaablà ko Tsìfa Yesù Kirisà yè twɛy sìn e ra !

Tesalonikika reè fiiraa 3:16

Arì she, jaanciàn Tsìfaà yɛ̀r'la yè jaanciàn sìn e ra waatsi sapɛ ko fau'n kur'la sapɛ ra. Arì she Tsìfaà yè to e ka.

Tesalonikika reè fiiraa 3:18

Arì she, mùn Tsìfa Yesù Kirisà ɲanwùɔ yè bà ni e sapɛ tsɛ !

Tsìmotè jɔ̀naà 1:2

nèe mun ne sɛbɛn, è sìn wo Tsìmotè rà, mun dzin taki takià, ɲɛynaà baraka rɔ̀n. Arì she, Ŋaablà ɲanwùɔ, ko màtsur'la, ko jaanciàn, Fà Ŋaablà, ko mùn Tsìfa Yesù Kirisà yè twɛy sìn a ra !

Tsìmotè jɔ̀naà 6:2

Nìì reè kùntsii ɲɛynamoo ì, twɛy mà to e kuntsii rèè blàbe bɛy kàtsu yè e si neema ì waa. Ŋà, yè sɔn ni bà e re faagoò tɛ̀y fau'n kuru wuu ra è re, è ɲɛn à tsɛ, è ɲɛynamoo ì rìì ko neema kɛniunma ì, nìì reè yè è re faagoò nàfa tàr'la. A naà goo nìì reè kàràn mòdzian nà e màxɔ̀n à ra, twɛy rìì yɛ.

Tsìmotè fiiraa 1:2

nèe mun ne sɛbɛn, m'a sìn wo Tsìmotè rà, mun dzin kpiri kɛniunmaà. Arì she, Ŋaablà ɲanwùɔ, ko màtsur'la, ko jaanciàn, Fà Ŋaablà, ko mùn Tsìfa Yesù Kirisà yè twɛy sìn a ra !

Tsìmotè fiiraa 4:22

Arì she Tsìfaà yè to a ka, Ŋaablà ɲanwùɔ yè bà ni e tsɛ !

Tsitè 1:4

Nèe mun ne sɛbɛn è sìn wo Tsitè rà, wo rìi mun dzin kpiri taki takì ɲɛynaà baraka ɲan, mùn dzyèeŋnà tɔ̀ niì mà. Arì she, Ŋaablà ɲanwùɔ, ko jaanciàn, Fà Ŋaablà ko mùn Tsibaa Yesù Kirisà yè twɛy sìn a ra.

Filemɔ̀n 1:25

Arì she, mùn Tsìfa Yesù Kirisà ɲanwùɔ yè bà ni e tsɛ !

Filemɔ̀n 1:3

Arì she, Ŋaablà ɲanwùɔ, ko jaanciàn, mùn Fà Ŋaablà ko mùn Tsìfa Yesù Kirisà yè twɛy sìn a ra !

Yàkubà 1:1

Mun Yàkubà, Ŋaablà ko Tsìfa Yesù Kirisà rè jòn kpir'là, nèe mun ne sɛbɛn, m'a ka Isirayɛlidzin neè kun teeŋ fiɛ̀ rè, è gè o ge jee jiɔ̀ dziɲantsiɛ doùn. N ne tswɛy ni è re.

Piyɛrì jɔ̀naà 1:15

Ŋà ye bà mòdzìn fɛnɛ ì e re jaamabee ko e kuru doùn, a ci Ŋaablà riì ye kiriɔ, tɔ̀ sa fɛnɛɔ̀ nìi tsuru.

Yùxanà jɔ̀naà 3:1

À siin, Fà Ŋaabla ɲe kɛ̀niun kɛ̀nìùn'n kur'liì rà, è bè wɔ fɔ ɲe yè kiri à dzin ì ! Ɲe to tɔ̀ rii. Tɔ̀ rii kamà dziɲaan na ɲe tɔ̀ waa, kàtsu dziɲaan na à tsu tɔ waa.

Yùxanà fiiraa 1:3

Àwà Ŋaablà ɲanwùɔ ko màtsur'la, ko jaanciàn, è bo Fà Ŋaablà ko Yesù Kirisà, Fà Ŋaablà Dzin Kpir'la rè, twɛy nà bà ni mùn ne, è ɲɛn sààbeen ko kɛ̀nbààbee tsɛ.

Goo kpàdèuma rèè 2:1

«Àwà ɲɛynamoo kur'lìi ni Efɛsì wɔ̀ rɔ̀n, sɛbɛn ka tɔ̀ mɛ̀rɛ̀kɛɛ̀ rè, a dè ci: "Swɛyn ɲɛ̀ɛ̀nuàn ni nìi sirama sia doùn, è bà jìɛ fìtsìnà ge sɛnuma ɲɛɛ̀nuàn fi, tɔ nìi dèe, tɔ̀ rii siin:

Goo kpàdèuma rèè 2:12

Àwà, ɲɛynamoo kur'lìi ni Pɛrigamùn wɔ̀ rɔ̀n, sɛbɛn ka tɔ̀ mɛ̀rɛ̀kɛɛ̀ rè, a dè ci: «Kaamunun dzii fii dzii dziɔ̀ ni mòò riì suun, tɔ nìi dèe, tɔ̀ rii siin:

Goo kpàdèuma rèè 2:18

Àwà, ɲɛynamoo kur'lìi ni Tsiyatsirì wɔ̀ rɔ̀n, sɛbɛn ka tɔ̀ mɛ̀rɛ̀kɛɛ̀ rè, a dè ci: «Ŋaablà Dzin Kpir'liì jaa rèè ni a ci sàden, à sàn nèè yè bà ni a ci dànɲàn myɛɛn maninin, tɔ nìi dèe, tɔ̀ rii siin:

Goo kpàdèuma rèè 2:29

Ŋaablà re Dzia nìi dèe ɲɛynamoo kur'lèè rà, toro ì ye ba ni mòò riì rè è bà è ka myɛ̀yn faa, è toro wɔ cɛyn, à y'à myɛ̀n.»

Goo kpàdèuma rèè 2:8

Àwà, ɲɛynamoo kur'lìi ni Simirinìn wɔ̀ rɔ̀n, sɛbɛn ka tɔ̀ mɛ̀rɛ̀kɛɛ̀ rè, a dè ci: «Mòo riì Jɔ̀naà è bà Lataan, nìi saun è sèè è jaamabe fa kɔn, tɔ nìi dèe, tɔ̀ rii siin:

Goo kpàdèuma rèè 22:21

Arì she, Tsìfa Yesù yè e ɲanwùɔ kpàdè e sapɛ ra !

Goo kpàdèuma rèè 3:14

Àwà, ɲɛynamoo kur'lìi ni Lawodzisè wɔ̀ rɔ̀n, sɛbɛn ka tɔ̀ mɛ̀rɛ̀kɛɛ̀ rè, a dè ci: «Nìi kir'là Àmiinà, shɛɛrɛ vusootsi taki takìà, Ŋaablà re gè ɲɛunma rèè sapɛ dzunbomaà, tɔ nìi dèe, tɔ̀ rii siin:

Goo kpàdèuma rèè 3:22

Ŋaablà re Dzia nìi dèe ɲɛynamoo kur'lèè rà, toro ì ye ba ni mòò riì rè è bà è ka myɛ̀yn faa, è toro wɔ cɛyn, à y'à myɛ̀n !»

Goo kpàdèuma rèè 3:7

Àwà, ɲɛynamoo kur'lìi ni Filadɛlifì wɔ̀ rɔ̀n, sɛbɛn ka tɔ̀ mɛ̀rɛ̀kɛɛ̀ rè, a dè ci: «Nìi fɛnɛɔ̀, è bà taki takià, màsà kpiri Dawudà rè nèèdzian ni nìi suun, à ye dziɛ̀ san mòò pɛn na dzia à tsyee, à to y'a tsyee, mòò pɛn na dzia à san, tɔ nìi dèe, tɔ̀ rii siin: