Ɔ̀rɔ̀mùnka reè 1:23 - Bible Dzùùngoo Unicode

²³ Ŋaablà riì na saàn waa, è tɔ̀ nɔɔrɔɔ̀ ɲancinaun ko ge ì ka, nìì reè saàn, nìi yɛ mòdzin bosi ge ì, kɛ̀yn neè, sàn nààlèn ge reè, ko gè nìì reè yè e ger'na e don tsɛ.

Ɔ̀rɔ̀mùnka reè 1:23 ပူးပေါင်းရင်းမြစ်များ

Kɛɛradzin neè faadziɛ 10:12

Shu kun sapɛ na ni tɔ̀ gè ree doùn: sàn nààlèn ge ì ni, gè nìì reè yè e ger'na e don tsɛ, twɛy ni ko kɛ̀yn neè.

Kɛɛradzin neè faadziɛ 17:29

Àwà, mìn ba à dzin ì, à na wù, mùn y'a jàtsi kun ɲɔn ì ka waa. Mòdzian twɛy nìì reè boo e akiri ɲan, yè è lamɔnɔ̀n sɛn'na, warifyɛɛ tàmafa kpàa ka.

Ɔ̀rɔ̀mùnka reè 1:25

Àwà è doò ka Ŋaablà re sààbeen ɲancinaun, yè gè ɲɛunmaà blàbe yè faagoo fa à re, y'à Ɲɛnbaà to, tsoo dzi ɲɛɛn tɔ̀ niì tsɛ kudɛyn. Àmiinà !

Korɛntsika reè jɔ̀naà 12:2

Y'a tɔ̀, ci waatsi riì bwèy ye naà Ŋaablà tɔ waa, ye na shiɔ̀ ɲɔn ì nà, yè ye re jaamabee kuru kun, nìì reè na goomaa waa.

Piyɛrì jɔ̀naà 4:3

Àwà dan, ye nìi fau Ŋaabla tɔ bɛy reè raa sàɔ doùn, tɔ boyi fau. Tɔ̀ riì yɛ: seeybɛybeè, kur'la goo ɲaan neè, dɔ̀ɔ̀kɔ̀ɔ̀nbeè, ɲwɛɛ̀n ɲɔn gereunmaà, mìɛn fa gereunmaà, ko ɲɔ̀n rèè kɔ̀ɔ̀, tɔ̀ niì cɛn.

Goo kpàdèuma rèè 9:20

Àwà, mòdzin niì reè dzyee tou twɛy gooɲaan neè shɔ̀ùn è na san waa, twɛy na nimisa yè làkere dɔn e re jaamabee doùn, yè sèè bo e yɛr'leè si ka gè lamɔnɔunma rèè kpɛyn waa. È na kwey rèè ko ɲɔ̀n rèè kɔ̀ɔ̀ dzii bà waa. Twɛy ɲɔ̀n nìì reè faɔ̀ sɛn'na, ko warifyɛɛ, ko dànɲaan, ko kpàa, ko gɔɔ̀ ka, è na jɛ̀y faa, è na myɛ̀yn faa è to na dzia jìì, è na twɛy kɔ̀ɔ̀ dzii bà waa.