Ɔ̀rɔ̀mùnka reè 1:14 - Bible Dzùùngoo Unicode

¹⁴ Mòdzian sapɛ re tsìi ni mun vu ra. Gɛ̀rɛ̀ki sen ɲɛn kun kpɛrɛ ì tsɛ, mòdzin karaunma ì sen ɲɛn mòdzin karàn bɛy ì tsɛ.

Ɔ̀rɔ̀mùnka reè 1:14 ပူးပေါင်းရင်းမြစ်များ

Matsiyù 11:25

Tɔ̀ waatsia ɲàn, Yesù yè dzin ci: «Mun Fà Ŋaablà, ŋaablaxɔɔ̀ ko dzɔ̀nxɔɔ̀ sa Tsifaà, mun tsoo dzi ɲɛɛn wo tsɛ, kàtsu wo nèe goo rèe rèè mɛnɛun mòdzin akiribla reè ko akiridzi reè mà, wo y'à kpàdè dziinkòòmɛ̀yn neè rà.

Lukì 10:21

Tà waatsi soo ɲàn, Ŋaablà re Dzi Fɛnɛɛ yè Yesù taama dzibe cɛyn. È dzin tɔ̀un ci: «Mun Fà Ŋaablà, ŋaablaxɔɔ̀ ko dzɔ̀nxɔɔ̀ sa Tsifaà, mun tsoo dzi ɲɛɛn wo tsɛ, kàtsu wo nèe goo rèe rèè mɛnɛun mòdzin akiribla reè ko akiridzi reè mà, wo y'à kpàdè dziinkòòmɛ̀yn neè rà. Ɔ̀ɔn mun Fàà, kàtsu, tɔ̀ rii dzibeu wo ra.»

Kɛɛradzin neè faadziɛ 22:21

Tsìfaà yè dzin mun na tɔ̀un ci: "Bo wɔ̀ rèe doùn, a wa, mun nà wo ka bè jeenà kun kpɛrɛ mòdzin ì nì nè."»

Kɛɛradzin neè faadziɛ 28:2

Twɛy wɔ̀ùndzin neè yè ɲe kuun'n kuru wube, fɔ è bè geren. Yè sà blà sɔn wɔ, ci mìn be e ma gɔ̀rɔ̀ mɔn, kàtsu ŋaà na e maaŋnà è nàa, mùnkɛɛ̀ yè bà boò.

Kɛɛradzin neè faadziɛ 28:4

Wɔ̀ùndzin neè myɛɛn dòrounma jàu Polì sià rà, yè dziàn e si ra ci: «A beè nèe kpir'lee jà mòdzìnvubaa rìì. À tsiumaà ko e raà sa kòòyua rà, sààbeen na e tsiì, è bà ni jaamabe fa waa.»

Kɛɛradzin neè faadziɛ 9:15

Ŋà, Tsìfa Yesù yè dzin à ra ci: «Bè, kàtsu mun kpir'lee boo rìì n magoo ra. Mun nà à ka bè jàmàan kpɛrɛ mòdzin ì ko è re màsa reè rè, sànko mun mòò riì, yè tɔ̀ tɔ̀. À y'à to Isirayɛlì mòdzin neè sa yeè mun tɔ̀.

Ɔ̀rɔ̀mùnka reè 1:22

È yè e yɛrɛ baà mòdzin akiribla ì, ŋà è bàu akiribɛy ì.

Ɔ̀rɔ̀mùnka reè 11:25

Àwà neema ì, mun sàò na ni ye to nèe gòndo ree tɔ̀ bɛy tɔ̀ yeè nà bà saabu ye yè e yɛrɛ ja akiritsi ì waa. Tɔ̀ rii yɛ, ci Isirayɛlidzin neè swey dùsùkuan nà xɔbe to, fɔ nìì reè na Dzyèèsìbee mòdzin ì waa, twɛy tsibaa rèè sapɛ dzyeèmaa yè bè tsi dò.

Ɔ̀rɔ̀mùnka reè 12:16

Ye byɛ̀n soo ma. Nìi blà e maà tɔ̀ gaa waa, ŋà nìi majaaŋnà, ye tɔ̀ rii gaa. E maà ba akiritsi ì e yɛrɛ jaa ra waa.

Ɔ̀rɔ̀mùnka reè 13:8

Mòò pɛn ne tsìi mà bà ni e ra, fɔ kɛ̀nbààbee tsìɛ̀ e ko e si fi, kàtsu, mòò riì dzyee rèè kɛ̀ɛn, tɔ sàrìyaa ko e kuru dzii tsyɛun.

Ɔ̀rɔ̀mùnka reè 16:19

Ye Tsìfaà dzugoomaa shi jiì nìi faa, mòdzian sapɛ tɔ̀ tɔ̀. Tà doùn, ye kàjaa tsɛ, mun taama dzi. Ŋà mun nìi gaa, tɔ̀ rii yɛ ci wùɔ kàjaa tsɛ, ye yè bà akiritsi. Ɲaan kàjaa tsɛ, noo mà bà ni ye kpà waa.

Ɔ̀rɔ̀mùnka reè 8:12

Tɔ̀ tsuru n neema ì, tsìi ni mùn vu ra, ŋà à na gɔɔ̀n raa tsìì waa, nìi yɛ mìn re jaamabee fa a ci gɔɔ̀n ci è fa nìi tsuru waa.

Korɛntsika reè jɔ̀naà 14:11

Tà doùn, kun goòmàà sɔn ye ba dèe mun na nìi dzuun tɔ, à bàa jàci mun tɔnɔn à dèbaà rè, à sa yeè bà tɔnɔn mun ne.

Korɛntsika reè jɔ̀naà 14:16

Àwà wo ye ba baraka sìan Ŋaablà ra a xɔɔn bàsɔùn ka, mòò riì tsùuŋnà dzyee rèè ka jàmaà ɲàn, à na sɔn tɔ à jaa waa, tɔ dzia dzin dzùrù ci «Àmiinà» wo re baraka sìunma shɔ̀ùn, tɔ̀ to y'à tàrà à na à tɔ̀ wo nìi deò waa.

Korɛntsika reè jɔ̀naà 2:13

Ɲe na twɛy goo rèè dèe gooma ì ka, nìi adamàdzin mòdzin ne akiritsifabee kàràn waa, fɔ Ŋaablà re Dzia nìi kàr'na. È ɲɛn à tsɛ, ɲe rìì xɔɔn raa goò dèe xɔɔn raa gooma ì ka.

Korɛntsika reè jɔ̀naà 3:18

Mòò pɛn mà e yɛrɛ san fìrì. Sɔn ye ba e yɛrɛ jaà akiritsi ye ɲan a ci dziɲan raà tsuru, à y'à to è bà fàkɔɔn, è bà ni ba akiritsi sààben na.

Korɛntsika reè fiiraa 10:12

Àwà, nìì reè yè e yɛrɛ goo dèe, à kùùnxɔ̀be na ni ɲe ɲan, ɲe yè e ko twɛy bà soo, tàmafa, ɲe yè e gɔn è ka waa. Yè e baà gè gɔɔn gè riì yè e korò tɔ̀ ka, tɔ akiribɛybe rìì è re.

Korɛntsika reè fiiraa 11:19

Ye nìì reè akiritsi rèè, ye yè e tsiɛ ye akiribɛy reè rè goo rèè mɔ̀ɲɔn.

Kolosika reè 3:11

È ɲɛn tɔ̀ tsɛ, kun kpɛrɛ mòdzin na ni dɛ, Dzyèèsìbee mòdzin to na ni dɛ. Mòdzin shɛunma na ni dɛ, shɛnbɛy to na ni dɛ. Jòòndzin na ni dɛ, mòdzin jaadzii san bɛy to na ni dɛ. Jòn na ni dɛ, xɔrɔn to na ni dɛ. Kirisà rìì gè sapɛ sa, è bà ni mùn sapɛ ɲan.

Tsìmotè fiiraa 2:10

Tɔ̀ rii y'à to mun goò sapɛ ladzyèèmaa tsià n ma, Ŋaablà jaara moo rèè kamà, gè riì ni à to Yesù Kirisà baraka ɲan, twɛy sa yeè tsiuma tàrà, yè nɔɔrɔ dòbɛɛ tàrà.

Tsitè 3:3

È ɲɛn à tsɛ, dan ɲe sa na mòdzin akiribɛy ì, mòdzin mabaunma ì, mòdzin firiuma ì. Ɲe na kur'la goo ɲaan ko dzibee goo kaatsià sapɛ re jòn. Ɲe na ni jaamabee rà ɲanbee ɲàn, ɲe jaàn yè bà na boò gèè sapɛ re. Ɲe kinin naà ni mòò rà dɛ, ɲe goo yè bà na xɔ e si mà.