Ɔ̀rɔ̀mùnka reè 1:10 - Bible Dzùùngoo Unicode

¹⁰ Mun nìi gaa à re kudɛyn n ne màfyɛyn nèè doùn, tɔ̀ rii yɛ è ba à sàò, è nà waatsi wuɔ sɔn ka, min dzi be bo ye kpà.

Ɔ̀rɔ̀mùnka reè 1:10 ပူးပေါင်းရင်းမြစ်များ

Kɛɛradzin neè faadziɛ 18:21

Polì nàu shi tarà è re waatsi riì bwèy, à ci e ye bè, è dzin è ra ci, Ŋaa ye e tsiì à ra, wò nà sèè na, wò yeè nà bo è kpà. Tɔ̀un, è dɔ̀n konkoron blaa doùn mɔn Efɛsì, è dɔ̀n be.

Kɛɛradzin neè faadziɛ 19:21

Twɛy goo rèè sapɛ shɔùn, Ŋaablà re Dzia baraka rɔ̀n, Polì y'à ji e duùn ci wo nà dɔ̀n bo Maseduwanin jamaan ɲàn, wò yeè dɔ̀n bo Akayi jamaan ɲàn, wò yeè bè Yerusalɛmùn. À yè bà na à dèe sa, ci wò wɔumaà shɔ̀ùn mɔn, fɔ wò yeè nà bè Ɔ̀rɔmùn sa.

Kɛɛradzin neè faadziɛ 21:14

Ɲe y'à bo gbau e akir'là tsɛ nìi fa, ɲe tsu na sɔɔ̀n à kpɛyn dɛ, ɲe yè dzin bàsɔùn nì ci: «Arì she, nìi Tsìfaà sàɔ, tɔ̀ yeè fa.»

Ɔ̀rɔ̀mùnka reè 15:29

M'a tɔ̀ min ba nà bè ye re, mun ko Kirisà rè dzwɛ dziitsyɛunmaà nì nà bè.

Korɛntsika reè jɔ̀naà 1:1

Àyìwà mun Polì, mun nìi kiriu Ŋaablà saɔ baraka rɔ̀n, min bà Yesù Kirisà rè kɛɛradzin, ko neema kpiri Sɔsitɛnìn

Korɛntsika reè jɔ̀naà 4:19

Ŋà è ba Tsìfaà sàò, sani dɛyn, mun nà bè ye re mɔn. Min wɔ mɔn, twɛy nìì reè blà e yɛr'le, è dzugoomaa nìi, mun fa à gaa min tɔ̀ tɔ̀ waa, fɔ è dzia nìi fa.

Filipika reè 4:6

E maà vyɛ̀ɛ̀y goo sɔn pɛn na waa. Ŋà goò sapɛ doùn, e magoo ni nìi rà, y'a gaa Ŋaablà re ko màfyɛyn ka, ye baraka sìn à ra.

Tesalonikika reè jɔ̀naà 2:18

È ɲɛn tɔ̀ tsɛ, ɲe sàò na ni ɲe yè bè bo ye kpà, mun Polì yɛ̀r'la y'à jaa gaa jaa soo, fii tsuru fau, ŋà Sùtana ɲe jɔun shuu.

Filemɔ̀n 1:22

Àwà gbà sa lamɔ̀nɔ̀n tsùù n ne, kàtsu à ni mun duùn, ci ye re màfyɛyn nèè baraka rɔ̀n, mun nà bàji, min bè ye re.

Dzyèèsìbee mòdzin neè 13:19

M'a gaa sa, ye Ŋaablà mafyɛ̀n n ne, sànko, min bà ni n kpɛyn tabe seè e re.

Yàkubà 4:15

Àwà sani ye tɔ̀ dè, ye dzin ci: «Mùn Tsìfaà ye e tsiì à ra, mùn jaama ye ba ni, mùn nà nèe tàmafa nèe fa.»