Ɔ̀rɔ̀mùnka reè 1:1 - Bible Dzùùngoo Unicode

¹ Nèe mun Pol'lè sɛbɛn, Yesù Kirisà rè jòn kpir'là. Mun kiriu min bà kɛɛradzin, min bo n si, min Ŋaablà re Kùnàgoo Dziɔ̀ dè.

Ɔ̀rɔ̀mùnka reè 1:1 ပူးပေါင်းရင်းမြစ်များ

Marikì 1:14

Àyìwà Yùxanà kun jiumaà shɔ̀ùn kàsoò doùn, Yesù yè dɔ̀n be Galile mar'lɔùn, è Ŋaablà re Kùnàgoo Dziɔ̀ waajibia faa.

Yùxanà 12:26

Mòò riì ye ba n'a re w'e faagoò fa mun ne, fɔ è gban mun kpɛyn. Tɔ̀ tsuru, mun ye ba ni min niì, mun ne faagoofadzian sa nà bà ni mɔn. Mòò riì ye ba ni faagoò rà mun ne, Fà Ŋaabla nà blà wɔ tɔ̀ ɲan.

Yùxanà 15:15

Mun na ye kir'là faagoofadzin ì dɛ, kàtsu nìi faagoofadzian, tɔ̀ na sɔn tɔɔ̀ e kuntsiɛ̀ rè goo rèè ɲàn waa. Ŋà, mun ye kir'là n dzunwɛynsi ì, kàtsu, mun goo o goo myɛ̀un n Fa Ŋaablà re, mun y'à tou ye yè tɔ̀ sapɛ tɔ.

Yùxanà 15:20

Mun gooma niì dèu ye ra, ye e taa to tɔ̀ re. Mun dziun ye ra ci: "Faagoofadzian na blà e kuntsiɛ̀ mà waa." Yè ba byɛnbe ɲɛun mun tsɛ, è nà byɛnbe ɲɛn ye sa tsɛ. Yè ba mun ne goomaa tou e duùn, è nà ye raà sa to e duùn.

Kɛɛradzin neè faadziɛ 13:9

Tà doùn, nìi Sɔlì, yè bà à kir'là sa, ci Polì, tɔ̀ ɲantsyɛunmaà Ŋaablà re Dzi Fɛnɛɛ rà, è jaà gban to twɛ̀y ɲan goofabaà jaakɔɔ doùn, è dzin à ra ci:

Kɛɛradzin neè faadziɛ 20:24

Mun kpɛ̀yn na sɔɔn n yɛr'la raa jaamabee kpɛyn dɛ, kàtsu, tɔ̀ na gèsɔn pɛn mun ne waa. Mun nìi kaà, Tsìfa Yesù faagoo nìi kɛ̀ɛ̀yfaɔ̀ mun mà, min dzi tɔ̀ fa, m'a vyɛ̀ e daùn. Tɔ̀ rii yɛ, min mòdzian toro kɔ̀ Kùnàgoo Dziɔ̀ rà, Ŋaablà ɲanwùɔ goomaa.

Kɛɛradzin neè faadziɛ 21:40

Kaadzin kuntsii blaa yè tɔ̀ shi sin à ra. Tɔ̀un, Polì tsìiŋma yè to mɔn dɔ̀nmàdziɛ tèynma rèè tsɛ, è si ŋààn jàmaà nà. Tɔ fau min niì, mòdzian sapɛ yeè e ŋɔn nìn kpleu. Tɔ̀un, Polì yè gooma è ka Dzyèèsìbee mòdzin neè rè goomaa ɲàn.

Kɛɛradzin neè faadziɛ 22:21

Tsìfaà yè dzin mun na tɔ̀un ci: "Bo wɔ̀ rèe doùn, a wa, mun nà wo ka bè jeenà kun kpɛrɛ mòdzin ì nì nè."»

Kɛɛradzin neè faadziɛ 22:7

Min bo mɛɛy dzɔn nɔ̀n, m'a myɛ̀n, vu sɔn dziàn mun na ci: "Sɔlì, Sɔlì, feera, wo mun byɛɛn ?"

Kɛɛradzin neè faadziɛ 26:1

Àyìwà, màsà kpiri Agiripà yè dzin Pol'là tɔ̀un ci: «Goomaa ni wo re. Nìi ni wo re, wo y'à dè a re goò ɲàn, a dzia tɔ̀ dè.» Polì yè e sià fù tɔ̀un, è dzin e re goò ɲàn nèe tsuru ci:

Kɛɛradzin neè faadziɛ 26:14

Ɲe sapɛ yeè bo mɛɛy dzɔn nɔ̀n. Min vu sɔn myɛn, tɔ dziàn mun na ɲe re kungoòmà ɲàn ci: "Sɔlì, Sɔlì, feera, wo yè bà mun byɛɛn ? Wo yè bà ni dzi shɔ dzii swɛyswɛɛ̀ tan, tɔ dziì xɔ wo ra."

Kɛɛradzin neè faadziɛ 27:23

Àwà, mun Ŋaablà riì raa, min bà faagoò faa à re, tɔ̀ re mɛ̀rɛ̀kɛ sɔn nàu e yɛrɛ kpadè mun na fen nɔ̀n.

Kɛɛradzin neè faadziɛ 9:15

Ŋà, Tsìfa Yesù yè dzin à ra ci: «Bè, kàtsu mun kpir'lee boo rìì n magoo ra. Mun nà à ka bè jàmàan kpɛrɛ mòdzin ì ko è re màsa reè rè, sànko mun mòò riì, yè tɔ̀ tɔ̀. À y'à to Isirayɛlì mòdzin neè sa yeè mun tɔ̀.

Ɔ̀rɔ̀mùnka reè 1:16

Àwà Kùnàgoo Dziɔ̀ seey na ni mun na waa, kàtsu à Ŋaablà re dzibaabe rii, sànko nìì reè sapɛ ɲɛɛn Ŋaablà ra, yè dzi tsi. È jɔ̀n Dzyèèsìbee mòdzin neè tsɛ, è suu kun kpɛrɛ mòdzin neè rà.

Ɔ̀rɔ̀mùnka reè 1:5

À baraka rɔ̀n, mùn y'à ɲanwùɔ tàrau, min bà kɛɛradzin, min bà ni wɔ kuan mòdzian sapɛ ra à tsoò kamà, yè ɲɛyna fa à ra, y'à dèvuà shi jiì.

Ɔ̀rɔ̀mùnka reè 1:9

Mun faagoò faa Ŋaablà riì rè ko n duɔ̀n sapɛ ka, à Dzin Kpir'la rè Kùnàgoo Dziɔ̀ dèè doùn, tɔ̀ sa mun shɛɛrɛ, ci mun taa ni tsuù ye mà kudɛyn.

Ɔ̀rɔ̀mùnka reè 11:13

Àyìwà dòònuùn, ye nìì reè kun kpɛrɛ mòdzin neè, mun goomaa ye rìì là. Mun goomaa ye rìì là, è ɲɛn à tsɛ mun kun kpɛrɛ mòdzin neè raa kɛɛradzian, mun to blà wɔɔ̀ n ne faagoò ɲàn.

Ɔ̀rɔ̀mùnka reè 15:16

È ɲɛn à tsɛ, à mun bàu Yesù Kirisà rè faagoofadzin kun kpɛrɛ mòdzin neè rè, è mun bo ji n si e re Kùnàgoo dziɔ̀ faagoò kamà, gè riì ni à to kun kpɛrɛ mòdzin neè yè bà kwɛ̀yge, nìi dzi Ŋaablà ra, è bà fɛnɛɔ̀ Ŋaablà re Dzia baraka rɔ̀n.

Ɔ̀rɔ̀mùnka reè 15:29

M'a tɔ̀ min ba nà bè ye re, mun ko Kirisà rè dzwɛ dziitsyɛunmaà nì nà bè.

Ɔ̀rɔ̀mùnka reè 16:18

È ɲɛn a tsɛ, twɛy mòdzìn tsu rèè na faagoò faa Kirisà, mùn Tsìfaà rè waa, ŋà y'à faa e yɛr'la doòn rìì lè. È dzugoomaa tsiinbee ko e re nanmara goòmà rèè saabu rɔ̀n, è mòdzin kunsɔ̀ɔ̀ma reè sàn fìr'la.

Ɔ̀rɔ̀mùnka reè 16:25

Mìn tsoo dzi ɲɛn Ŋaa tsɛ ! À dzi ni à ra è fààn sin ye ra ɲɛynaà doùn, è kòrò Kùnàgoo Dziɔ̀ ka, mun tɔ̀ niì dèe, Yesù Kirisà raa kùnàgoo goomaa. È kòrò gòndo ka tɔ̀ niì na mɛnɛn tsùuŋnà fɔ gbìyaarà, è bà kpàdèu.

Korɛntsika reè jɔ̀naà 1:1

Àyìwà mun Polì, mun nìi kiriu Ŋaablà saɔ baraka rɔ̀n, min bà Yesù Kirisà rè kɛɛradzin, ko neema kpiri Sɔsitɛnìn

Korɛntsika reè jɔ̀naà 9:1

Mun xɔrɔnama na ni gbɛ ? Mun na kɛɛradzin gbɛ ? Mun na Yesù, mùn Tsìfaà jà ɔ̀ ? Ye na mun ne faagoò fyɛ̀ Tsìfaà ɲàn ɔ̀n ?

Korɛntsika reè fiiraa 1:1

Àyìwà mun Polì, Yesù Kirisà rè kɛɛradzian Ŋaablà saɔ baraka rɔ̀n, ko neema kpiri Tsìmotè, nèe sɛbɛn nee sìan ye Ŋaablà re ɲɛynamoo kur'là rà Korɛntsì wɔ̀ rɔ̀n, ko nìì reè sapɛ y'a raa Akayi mar'la min niì sapɛ.

Korɛntsika reè fiiraa 11:5

Mun to y'à jàa ci ye twɛy nìì reè jàtsi kuàn kɛɛradzin bla ì, è na gereon mun tsɛ kàjaa pɛn tsɛ.

Korɛntsika reè fiiraa 11:7

Mun nàu Ŋaablà re Kùnàgoo Dziù rìi dè ye ra maana, min n majàà, min ye ɲansen, tɔ bàu gooɲaan fauma mun ne gbɛ ?

Korɛntsika reè fiiraa 12:11

Mun bàuma yɛ akiribɛy, ye rìì to mun jiu à ra, è ɲɛn à tsɛ, ye rìì na wù ye yè mun goo dè, kàtsu arì mun kɛ̀nsɛɛn ma ba gèsɔn pɛn, twɛy kɛɛradzin bla reè na gereon mun tsɛ kàjaa pɛn tsɛ waa.

Korɛntsika reè fiiraa 2:12

Àyìwà, min bè wɔ Torowasì wɔ̀ rɔ̀n tɔ̀un, ci mun nà Kirisà rè Kùnàgoo Dziɔ̀ dè. Mun wɔu mɔn, min b'a jà Tsìfaà dziɛ san jiɔ̀ mun ne mɔn.

Korɛntsika reè fiiraa 4:5

Àwà ɲe na e yɛrɛ gooma deè waa, fɔ Yesù Kirisà, Tsìfaà. Ŋà nìi ɲe, ɲe ci ɲe ye re faagoofadzin ì nì, Yesù kamà.

Galatsika reè 1:1

Àwà mun Polì, mun bàu kɛɛradzin. À na adamàdzin mòdzin ì nè kɛɛradzinbe waa, à to na boo adamàdzin mòdzin ɲan waa, fɔ Yesù Kirisà ko Fà Ŋaablà, tɔ̀ niì y'à kpunan bou fùn nèè fi.

Efɛsika reè 1:1

Mun Poli, Yesù Kirisà rè kɛɛradzian Ŋaablà saɔ baraka rɔ̀n, nèe mun ne sɛbɛn è sìn Ŋaablà re mòò rèè rà Efɛsì wɔ̀ rɔ̀n, nìì reè ɲɛɔ̀n Yesù Kirisà rà.

Efɛsika reè 1:13

Àwà Kirisà rìì ɲàn sa, ye sààbeen goomaa myɛ̀un, nìi ye tsià Kùnàgoo Dziɔ̀ goomaa. Wò rii sa ɲan kɔn ye ɲɛyna fau, Ŋaablà to yè tàànmàshɛn tsuù ye tsɛ, à re Dzi Fɛnɛɛ tàànmàshɛɛn, à na tɔ̀ niì làyiri seòn.

Efɛsika reè 4:11

Wò rii swey bou yè bà kɛɛradzin ì, swey yè bà kɛɛra ì, swey yè bà kùnàgòòdzìùdebaa ì, swey yè bà kplatsuubaa ì ko kààmoo ì.

Filipika reè 1:1

Mun Polì ko Tsìmotè, Yesù Kirisà rè faagoofadzin neè, nèe ɲe re sɛbɛn, è ka Ŋaablà re mòò rèè rè, nìì reè ni Yesù Kirisà ɲàn Filipi wɔ̀ rɔ̀n, è ka ɲɛynamoo kur'là kààwɔbaa rèè ko à goojaabo reè rè.

Filipika reè 2:11

Nɛɛ̀n sapɛ to y'à dè, ci Yesù Kirisà rìì Tsìfaà, è nɔɔrɔ ɲɛn Fà Ŋaablà tsɛ.

Kolosika reè 1:1

Mun Polì, Yesù Kirisà rè kɛɛradzian Ŋaablà saɔ baraka rɔ̀n, ko neema kpiri Tsìmotè,

Kolosika reè 1:25

Mun bàu tɔ̀ ɲɛynamoo kur'là rìì lè faagoofabaa, è kòrò Ŋaabla faagoo rìi kɛ̀ɛ̀yfaɔ̀ mun mà ye kàjaa tsɛ, nìi yɛ min Ŋaablà re goomaa dè, m'a dzii tsyɛn.

Tesalonikika reè jɔ̀naà 2:2

Y'a tɔ̀ sa, ci ɲe byɛunmaà ko ɲe kuun'n kuru ɲaan faumaà shɔ̀ùn Filipi wɔ̀ rɔ̀n, Ŋaabla akiritsuu siun ɲe ra, ɲe yè dzi à re Kùnàgoo Dziɔ̀ dè ye ra, kaa gir'là ko e raà sa ɲe ka.

Tesalonikika reè jɔ̀naà 2:8

ye goojaa na ni ɲe vunun tsɛ tà tsuru. À na ni niu'n kur'la, fɔ ɲe naà n'a re ɲe yè dàn Ŋaablà re Kùnàgoo Dziɔ̀ bàsɔùn dèè mà ye ra waa, ŋà ɲe yè e re jaamabee sìn sìùn'n kur'la sapɛ ra ye kamà, kàtsu ɲe ye kɛ̀niun fɔ è be geren.

Tesalonikika reè jɔ̀naà 2:9

Àwà neema reè, ye taa ni ɲe re faagoo xɔɔ̀ ko ɲe re byɛnbee rè. Ɲe faagoò fau feèn ko bwèè sa, ɲe mà nà bà ye sɔn ne seyn waa, ɲe yè Ŋaablà re Kùnàgoo Dziɔ̀ dè ye ra.

Tsìmotè jɔ̀naà 1:1

Mun Polì, Yesù Kirisà rè kɛɛradzian è kòrò mùn Tsibaa Ŋaablà devuà ka, ko Yesù Kirisà, mùn si xɔ tɔ̀ niì tsɛ,

Tsìmotè jɔ̀naà 2:7

Tɔ̀ rii kamà, Ŋaabla mun bàu waajibifabaa ko kɛɛradzin. È mun bà kun kpɛrɛ mòdzin neè kàrànfa, min ɲɛynaà ko sààbeen kàràn è ra. Mun sààbeen rìì dèe, mun na doò dèe waa.

Tsìmotè fiiraa 1:11

Tɔ̀ Kùnàgoo Dziɔ̀ rìì kamà, Ŋaabla mun bàu waajibifabaa ko kɛɛradzin, ko kàrànfa.

Tsitè 1:1

Mun Polì, Ŋaablà re jòn kpir'là ko Yesù Kirisà rè kɛɛradzian, Ŋaablà mun kaɔ, mun y'à jaara moo rèè wɔ ɲɛynaà tsɛ, tà ko yè sààbeen tɔ̀ è kòrò Ŋaablà jɔun shiɲaanbeè ka.

Dzyèèsìbee mòdzin neè 5:4

Àwà, mòò pɛn na dzia Saaka Jɔundzinbee blàbee ɲɛn e yɛrɛ tsɛ waa, Ŋaablà rii mòò kir'là, à y'à bà Saaka Jɔundzin, a ci à Arunà kiriu nìi tsuru dan.

Dzyèèsìbee mòdzin neè 7:26

Tà doùn, mùn màgoo na ni Saaka Jɔundzin niì kaatsi ra taki, tɔ Yesù rìì. À fɛnɛɔ̀, jààma na n'a na, à na gooɲaan pɛn fa ja, à sen bou gooɲaan fa reè ɲàn, è sen teyn fɔ ŋaablaxɔɔ̀ dààn rà.

Yàkubà 1:1

Mun Yàkubà, Ŋaablà ko Tsìfa Yesù Kirisà rè jòn kpir'là, nèe mun ne sɛbɛn, m'a ka Isirayɛlidzin neè kun teeŋ fiɛ̀ rè, è gè o ge jee jiɔ̀ dziɲantsiɛ doùn. N ne tswɛy ni è re.

Piyɛrì jɔ̀naà 4:17

Àwà kitsia dziikun bwèy wɔu, à to jɔ̀ɔn Ŋaablà re gbàdòùndzin neè rìì tsɛ. À to ye ba jɔ̀ɔn ɲe rìì tsɛ, nìì reè na e tsiiŋnà yè ɲɛn Ŋaablà re Kùnàgoo Dziɔ̀ goomaa nà, twɛy raà nà e latan dzùrù ?

Piyɛrì fiiraa 1:1

Mun Shimɔn Piyɛrì, Yesù Kirisà rè jòn kpir'la ko a re kɛɛradzian, nèe mun ne sɛbɛn, è sìn mòdzin ì nà, ɲe ko nìì reè sa ɲɛyna soo tàrau nìi kpaxɔ, mùn ne Ŋaablà ko mùn Tsibaa Yesù Kirisà rè terenbee baraka ɲan.

Yudè 1:1

Mun Yudè, Yesù Kirisà rè jòn kpir'la, ko Yàkubà keresia, nèe mun ne sɛbɛn, è sìn Fà Ŋaablà re mòdzin kiriuma rèè rà, à twɛ̀y nìì reè kɛ̀niɔ̀n, è bà è màrà tsùuŋnà Yesù Kirisà rè.

Goo kpàdèuma rèè 1:1

Àyìwà, nèe Yesù Kirisà rè goo kpàdèuma, Ŋaabla nìi wɔu à suun, è bà ni à kpàdè e re jòn nèè rà, nìi nà fa sani dɛyn. Tà doùn, Yesù sa yeè e re mɛ̀rɛ̀kɛɛ̀ ka e re jòn kpiri Yùxanà rè, à y'à goò rèè kpàdè tɔ̀ ra.

Goo kpàdèuma rèè 22:6

Mɛ̀rɛ̀kɛɛ̀ yè dzin mun na kɔn ci: «Nèe gooma ree reè fyɛɔ, yè bà sààbèn goòmà ì. Goo nìi nà fa sani dɛyn, mùn Tsìfa Ŋaablà riì yè e re kɛɛra reè akiri kɔ̀ɔ, tɔ̀ yeè e re mɛ̀rɛ̀kɛɛ̀ ka nau, è nà tɔ̀ kpàdè e re jòn nèè rà.»

Goo kpàdèuma rèè 22:9

È dzin mun na ci: «Ayi, m'a tɔ̀ fa waa ! Mun sa wo faagoofasià sɔn ni, wo neema kɛɛra reè kòòsi, ko nèe kìtaabu rèe gooma reè màràbaa rèè kòòsi. Ŋaablà rii blàbe !»