Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Piyɛrì fiiraa 2:3 - Bible Dzùùngoo Unicode

3 È re ɲɛyn goo ɲanbee kamà, è nà ye bà durukun, e re doo kar'neè ka. Fɔ waatsi gbaan è kitsia ni sààn, è bar'la dàn to na gbàn dɛ.

အခန်းကိုကြည့်ပါ။ ကော်ပီ




Piyɛrì fiiraa 2:3
43 ပူးပေါင်းရင်းမြစ်များ  

[Ye Sàrìyà Kaamoo reè ko Faridziɲɛn rèè, byɛnbe ye nìn, duungoofiitsi ì ! Byɛnbe ye nìn, kàtsu ye fùnshɔ̀ùntaan rèè suun gee sapɛ tsià è ra, ye to ye ba Ŋaabla mafyɛɛ̀n faa tɔ̀un, ye tɔ̀ fa toò fur'lu sànko ye yè tɔ̀ ka e yɛrɛ kpadè. Tɔ̀ kamà kitsi riì nà mɛɛy ye tsɛ, tɔ nà xɔbe fɔ è bè geren.]


Àwà, mun nì ci e ra, à nà sàrìyaa kùnùn tabe tabe, à yè è dzià sìn è ra. Tà doùn ɔn, Adamà dziàn ye na nà sii rìi sèè o, à nà nà mòò jà dzɔ̀nxɔɔ̀ tsɛ ŋe, nìi ɲɛɔ̀n Ŋaablà ra ɔ ?»


Tɔ̀un, yè e maa yè Yesù kààwɔɔ̀. Àwà, yè siin tɔ̀un, yè nanmara moo ì ka à kpɛyn. Tà tsuru twɛy ye be wɔ, yè e yɛrɛ ba mòdzin cereoma ì, gè riì ni à to yè dzi myɛ̀ɛ̀n ɲɛn à jɔun, y'à kun e dzugoomaa sɔn ka. Tɔ̀ ye fa, è nà dzi à wɔ fàan suun, tɔ̀ yeè sàrìyaa vwɛ̀yn à tsɛ.


Àwà, Yesù ni tɔ̀ goomaa nà, jàma sɔn yeè nà e kungɔ bo. Yesù rè kɛɛradzin teeŋ fiɛ̀ ɲàn, nìi tsoo na Yudasì, tɔ̀ rii na e ji naɔ jàmaà jɔun. È nàu wɔ Yesù ì tsɛ min niì, Yudà yè e kpɛrɛ̀ Yesù rà, ci wo nà à tswà a ci mòò yè e dzunwɛynsi tswaà nìi tsuru.


È dzin màsàkèrè gɔɔ reè rà ci: «Ye nèe sapɛ bo mìin ! E maà n Faà rè gbàà bà duru fama dɛ !»


È ɲɛn a tsɛ, twɛy mòdzìn tsu rèè na faagoò faa Kirisà, mùn Tsìfaà rè waa, ŋà y'à faa e yɛr'la doòn rìì lè. È dzugoomaa tsiinbee ko e re nanmara goòmà rèè saabu rɔ̀n, è mòdzin kunsɔ̀ɔ̀ma reè sàn fìr'la.


Mòò giri ni, twɛy Ŋaablà re Goomaa baɔ̀ durukun. Ɲe na ni a ci twɛy waa. Ɲe goomaa fyɛɔ rìì tsɛ. Ɲe tɔ̀ faa è bo Ŋaablà rii lè, Ŋaablà jaa ra, ko Kirisà ɲàn.


Ye sa y'a tɔ̀ ci ɲe na gooma ì dè jà nìì reè mòdzìn mànììn goòmà ì, à ŋɛ̀nɛ̀ɲan to na ja jà ɲe ɲan, ɲe yè mòò ɲɔn. Ŋaabla ɲe shɛɛrɛ.


Mòdzian nà bà dziàn waatsi riì bwèy ci: «Jaancin ni ! Làànfyɛ ni», tɔ̀ rii bwèy, baragoò nà e gbla è tsɛ, a ci ɲìnìnbe jia tàan don kunkɔɔn tsɛ nìi tsuru. È fa e tsi waa.


À mà bà mììnfabaa waa, à to mà bà mòdzin vunun ɲan waa. Ŋà è bà mòdzin vunun ma dzi, kaa na dzi à ra waa, à to na ɲɛɛn kɛ̀niɔ̀n waa.


Tɔ̀ soo tsuru, ɲɛynamoo kur'là goojaabo reè sa wù yè bà mòdzìn sɔbɛn ì, è na gooma fii debaa ì waa, è na mììn faa waa, è to na tàrà faa nanmarama waa.


ko sɔ̀swɛy xɔù dòbɛy mòdzin akiri barauma ì ko e si fi, sààbeen na ni è ɲan waa, è to yè bà Ŋaablà jɔun shiɲaanbeè jàa tɔ̀nɔ̀n tàrà shi.


Twɛy mòdzin neè dzii rèè tsyee. È tsun'nèè swey ko e kuru kunànbaan ko goo ì ka, nìì na wù è kàràn mòò rà waa, yè nanmara ge tsi.


Àwà ɲɛynamoo kur'là kààwɔbaà wù è bà mòdzin, jààma na ni nìi rà waa, è ɲɛn à tsɛ, wò rii Ŋaablà re gbàà goojaabobaa. À mà bà mòdzin nìi blà e yɛr'le waa, nìi vunùn ɲan waa, nìi mììnfabaa waa, nìi kaafabaa waa, nìi to na tàrà faa nanmarama waa.


À bàu sàn nà baan kpàà, kpàà riì mòò mɛɛ̀.» Yè san nà baan à ra, kàtsu yè e nɔɔ̀n Ŋaablà re Goomaa shi jiɛ̀ mà. Tɔ̀ rii sa na latsigɛ̀ tsùuŋnà è kàjaa tsɛ.


Ŋaablà re sààkur'lìi kɛ̀ɛ̀yfaɔ̀ e ma, ye tɔ̀ kɔ̀ ɲwɛyn, y'a kààwɔ. E maà à fa a ci à yè e ma fààn waa, ŋà y'a fa rii ci à dzi ye ra, a ci Ŋaablà ci è fa nìi tsuru. E maà à bà tɔ̀nɔ̀n gàà shi nanmara ni nìi ɲàn waa, ŋà y'a bà e dusùkùn nà goo.


Ɲe na e gban mòdzin ì kɛ̀sɛmà raa sina cee goòmà ì kpɛyn ɲe yè mùn Tsìfa Yesù Kirisà rè dzibaabee ko à nàa gooma de ye ra dɛ, ŋà, ɲe yɛ̀r'la jaadzin ni ɲɛun à blàbee mà.


Àwà kɛɛra doo de reè fùu Ŋaablà re mòò rèè fi nìì tsuru dan, tɔ̀ soo tsuru, kààmoo doo de reè sa nà fù ye fi, nìì reè nà karan ì dɔ̀n ye sàn dzuun, nìi reè doò, yè bà baragoò faa. À nà bè wɔ fɔ yè e nɔn Kùntsiɛ̀ rè, tɔ̀ niì yè è kùngɔ màbou, è to nà e bar'la jaa ka e yɛr'la tabe.


Tɔ̀ y'a kpàdèe ci nìì reè shia Ŋaablà jɔun, Tsìfaà twɛy tsiu'n kuru tɔ e byɛɛn goo rèè rà, è bà terenbɛy reè to tsùuŋnà, è bà ni è byɛn kitsia jisee sii sèè.


È raa barau ! È ɲɛn à tsɛ, è Kayinìn dɔ̀n shià seun, ɲɛyn goo yè bà saabu, yè e san fìrì a ci Bàlaamùn. È màbaunmaà doùn a ci Korè raà tsuru, è barau.


è bà ni kitsia kùnùn mòdzian sapɛ tsɛ. Nìì reè na shia Ŋaablà jɔun waa, è kitsi mɛɛy twɛy sapɛ tsɛ e faadzii ɲaan neè kamà, tà ko Ŋaablà jɔun shiɲaanbɛybeè doùn, twɛy gooɲaan fa reè gooma xɔù gè o ge dèu.»


Kudɛyn ŋùnùnŋùnùn vu na do jàa ye rìì dzu e re jaamabee kamà, è taama to na dzi. È yɛ̀r'leè kur'la goo ɲaan neè rìì yè kuru kuɔn, gooma bla blaa yè bà ni è dzu. Yè nɛɛ̀n wɔɔ̀ mòdzian dzuun e yɛr'la nàfaà kamà.


È ɲɛn à tsɛ, mòdzìn ì dɔɔ̀n ye sàn dzuun, nìì reè na shia Ŋaablà jɔun waa, Ŋaablà re Goomaa nìì reè kitsi goo deò nòn, fɔ dan. Twɛy mòdzìn neè ɲe re Ŋaablà ɲanwùɔ goò lakere baɔ̀ seeybɛybe goo, yè bà e dziira tsɛɛ̀ Yesù Kirisà rà, mùn Kùntsii soo pee ko mùn Tsìfaà.


Sodomùn, ko Gomɔrɔ̀n ko e dziire wɔ rèè sa tɔ̀ goò tsuru fau. È ɲànmɔ̀ɔ̀be fau, nìi yɛ kpiri ko kpiri gaa. Tà tsuru, sà dzibɛɛ byɛnbee bàu è nìn, è ka mòdzian sapɛ latsi.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ