Matsiyù 9:2 - Bible Dzùùngoo Unicode

² À bèu dzi mɔn, yè kpiri murùkuuma sɔn sen na à re, tɔ ɲɛɔ̀n ɲaange tsɛ. Yesù y'à jàu ci twɛy mòdzin neè ɲɛun wò ra tà tsuru min niì, è dzin mùrùkù kpir'là rà ci: «Maà a duungoo do waa n dzin, wo re gooɲaantsiɛ mɛɛy bou wo vu ra.»

Matsiyù 9:2 ပူးပေါင်းရင်းမြစ်များ

Matsiyù 14:27

Tɔ̀ nɔ̀nkɔɔrɔn, Yesù yè gooma è ka ci: «Ye e akir'là tsùù, à mun nì. E maà shi waa.»

Matsiyù 4:24

À tsoò yè bo, è dzi Siiri jamaan min niì sapɛ. Tɔ̀un, yè nàa ɲìnìnkɔɔn sapɛ ka à re, à yè è cɛrɛmabeè, ɲìnìnkɔɔn kaatsià sapɛ, ko tɔɔrɔkɔɔn kaatsià sapɛ: kweykɔɔn reè, ko kìnìnkìnìnsànkɔɔn reè, ko mùrùku reè.

Matsiyù 6:12

Mùn ne fìrìgoo rèè tsìɛ̀ mɛɛy bo mùn vu ra, a ci nìì reè goo faa ɲe ra, ɲe sa tɔ̀ tsìɛ̀ mɛɛy boò twɛy mà nìi tsuru.

Matsiyù 8:10

Àwà, Yesù twɛy gooma reè myɛ̀un min niì, è ji à dzii tsɛ. Tɔ̀un, nìì reè gbaɔn à kpɛyn, è dzin twɛy rà ci: «Sààben na, mun nì ci e ra, arì Isirayɛlidzin neè ɲàn, mun na mòò jà ŋe, nèe ɲɛyna brìsi rèe kaatsi ni nìi ɲàn waa.

Matsiyù 8:16

Tɔ̀ ɲɛ̀rɛɛ̀ rɔ̀n, yè nà kweykɔɔn giri ka à re. Yesù rè goomaa baraka rɔ̀n, è kwey rèè kaa bo twɛy kweykɔɔn reè kpɛyn, è ɲìnìnkɔɔn sapɛ cɛrɛmabe.

Matsiyù 9:22

Yesù yè e jaa kereu à y'à jà min niì, è dzin ci: «Maà a duungoo do waa n dzin taan, wo ɲɛunmaà mun na tɔ wo cɛrɛmabeu.» Tɔ̀ waatsi rɔn ko e sa, taàn yè cɛrɛmabe.

Matsiyù 9:5

Àwà min ye tey ɔ, e dzin ci: "Wo re gooɲaantsiɛ mɛɛy bou wo vu ra", tà ko "Fù e jìì", kɛ̀n ni de dzi twɛy fiɛ̀ ɲàn ?

Matsiyù 9:6

Àwà, ye nà à tɔ̀, ci à dzi ni Adamà dziàn nà, è gooɲaantsiɛ mɛɛy bo mòò vu ra dzɔ̀nxɔɔ̀ tsɛ.» Tɔ̀un, Yesù yè dzin mùrùkù kpir'là rà ci: «Fù, a re ɲìnìnkɔ̀ɔ̀n seen gèè sen, e b'à re tsii !»

Marikì 1:32

Àyìwà, ɲɛ̀rɛɛ̀rà nàu wɔ, bwèè tɔrɔunma shɔ̀ùn, ɲìnìnkɔɔn ge o ge ni, ko kweykɔɔn ge o ge ni, yè bè twɛy sapɛ ka Yesù rè.

Marikì 10:49

Yesù yè e tsiì tɔ̀un è dzin ci: «Y'a kiri na.» Y'à kiri, yè dzin à ra ci: «A akiri tsùù, e fù, à wo kir'là.»

Marikì 5:34

Yesù yè dzin à ra ci: «N dzin taan, wo ɲɛunmaà mun na, tɔ wo cɛrɛmabeu. Bè, Ŋaa yè b'à ko xɛɛrɛ tsi, à y'à cɛrɛma to.»

Marikì 6:50

Àwà è sapɛ y'a jàu, è akiri na tsuù waa. Tɔ̀ nɔ̀nkɔɔrɔn, Yesù sa yeè gooma è ka ci: «Ye e akir'là tsùù, à mun nì. E maà shi waa.»

Yùxanà 16:33

Àwà, mun tɔ̀ dèu ye ra rii, sànko ye yè jaancin tàrà, è ye to mun ɲan. Ye nà e byɛɛn goo giri jà dziɲan doùn, ŋà, ye e maxɔbe, kàtsu, mun dziu dziɲan gooɲaan nà nòn.»

Yùxanà 2:25

À naà wɔɔ̀ mòò yè nà mòò gooma de à ra waa, kàtsu mòdzin duungoo nìi, à yɛ̀r'la naà fìriɔ̀ tɔ̀ mà waa.

Yùxanà 21:5

Yesù yè e vu bo è ra, è dzin è ra tɔ̀un ci: «N dzunwɛynsi ì, jià sɔn kuunma ni ye re o ?» Kàràndzin neè ci: «Ɔ̀ɔɔn.»

Kɛɛradzin neè faadziɛ 14:9

Sii sɔn see, Polì nàu bà mòdzian toro kɔ̀ɔ Kùnàgoo Dziɔ̀ rà, tɔ̀ kpir'la sa na ni, è bà e toro wɔ tsùuŋnà à re goomaa rè. Polì nàu à kààwɔ, tɔ̀ y'a siin to, à y'à jà, ci kpir'la ɲɛɔ̀n à ra, ci wò dzia cɛrɛmabe.

Kɛɛradzin neè faadziɛ 19:12

È bè wɔ, fɔ vya nìì reè ko mùnshɔɔrɔ niì reè dzyɛɔ̀n Pol'là, mòdzian twɛy seen, yè bè è dzyɛɛn e re ɲìnìnkɔɔn reè rà, yè cɛrɛmabeè. Kweykɔɔn reè, twɛy raa kwey rèè yè boò twɛy kpɛyn.

Kɛɛradzin neè faadziɛ 23:11

Tɔ̀ fen nɔ̀n, Tsìfaà yè e yɛrɛ kpadè Pol'là, è dzin à ra ci: «A kuùn xɔbe ! Wo mun shɛɛrɛbe fau Yerusalɛmùn mìin nìi tsuru, fɔ wo yè b'a fa tɔ̀ tsuru kɔn Ɔ̀rɔmùn.»

Ɔ̀rɔ̀mùnka reè 5:11

À na tɔ̀ bàsɔùn waa, Ŋaabla ɲe wàsau mùn Tsìfa Yesù Kirisà yè bà saabu, tɔ̀ niì baraka ɲan dòònuùn, ɲe ko Ŋaablà fia lamɔ̀nɔun.

Yàkubà 2:18

Àwà sɔn dzia dzin ci: «Ɲɛynaà ni wo re, faadziɛ yè bà ni mun ne.» Tà doùn, a re ɲɛynaà kpàdè n na, faadzii mà bà ni à ɲan waa, mun sa nà faadziɛ ka n naà kpàdè wo ra.