Matsiyù 8:26 - Bible Dzùùngoo Unicode

²⁶ Yesù yè kpunan, è dzin è ra ci: «Fee y'à to ye yè bà shia nèe tsuru ? Ye ɲɛunmaà dzyɛ̀n Ŋaablà ra dɛ !» À fùu tɔ̀un, è cerè fyɛɛn ko yuà sa tsɛ, twɛy sa yeè e maɲɛn tɛ, màànkaan sapɛ yeè dò.

Matsiyù 8:26 ပူးပေါင်းရင်းမြစ်များ

Matsiyù 16:8

Yesù yè è duùn naà tɔ̀u nìi fa, è dzin ci: «Ye fee rìì kɛ̀sɛɛ̀ e duùn ? Ŋà ye ɲan ɲɛynaà dzyɛ̀n dɛ ! Feera y'a kɛ̀sɛɛ̀, ci ye na buru seòn nìi fa, ci à tɔ̀ rii ?

Matsiyù 17:20

Yesù ci è ra ci: «Ye re ɲɛynaà dzyɛ̀nbee rìì kamà, ye na dzi waa. Sààben na, mun nì ci e ra, ɲɛyna ye ba na ni ye ɲan, nìi blàbee kaanindzian boò, ye na dzia dzin nèe jèn nèe ra ci: "Bo a shɔùn e bè nuu," à to na nà bo e shɔùn n dzi. Goo sɔn pɛn fa ni ye jan waa.»

Matsiyù 6:30

Tɔ̀ jòon nɔ̀n vuàn, Ŋaablà ye ba tɔ̀ màwɔɔ̀ tɔ̀ tsuru wùùruùn she, tɔ̀ y'a tàrà gbey ko e sa, à nà maa sa rɔ̀n, Ŋaablà fa ye màwɔ è geren tɔ̀ tsɛ peu ɔ ? Ye ɲan ɲɛynaà dzyɛ̀n dɛ !

Matsiyù 8:27

È ji mòdzian dzii tsɛ. È ci: «Nèe mòdzin kaatsi kɛ̀n ? Arì fyɛɛn ko yuà sa y'a re dèumaà myɛ̀ɛn, y'à shi jiì.»

Lukì 4:35

Kwey nìi gbaɔn kpir'lee kpɛyn, Yesù sa yeè e cerè tɔ̀ tsɛ kɔn, è dzin ci: «A dziɛ̀ tsyee, e bo kpir'la kpɛyn !» Yesù tà dèu min niì, kwey rèe yè kpir'la sen mɛɛy dzɔn nɔ̀n è sapɛ jaa ra, è bo à kpɛyn. Ŋà, gèsɔn na fa à ra waa.

Ɔ̀rɔ̀mùnka reè 4:20

Ŋaabla tɔ̀ làyir'lìi seun à rè, à na e ciri tɔ̀ tsɛ, è to ɲɛn bɛy à ra waa. Ŋà ɲɛynaà fààn ni wɔu à ɲan, è nɔɔrɔ ɲɛn Ŋaa tsɛ.

Goo kpàdèuma rèè 10:2

Sɛbɛniin na kuɔn à suun, tɔ̀ dzii yè bà saɔn. È sirama saan tsùù kòòyua tsɛ tɔ̀un, è ɲɔ̀nmà saan tsùù dzɔ̀nxɔɔ̀ tsɛ.