Matsiyù 6:20 - Bible Dzùùngoo Unicode

²⁰ Ŋà, ye nàforo ladzyèè tsùù e re jìrànxɔ rɔ̀n nì. Daa ko kpɛ̀ɛkpɛɛ̀ na ni mɔn, yè baragoò fa waa. Shɔn ì to na ni mɔn, yè bà ni dzii kɛɛy, yè ge ì sen waa.

Matsiyù 6:20 ပူးပေါင်းရင်းမြစ်များ

Matsiyù 19:21

Yesù yè dzin à ra ci: «E ba ni à re a dzii yè tsyɛn taki, b'à suun ge reè sapɛ gɔɔ, a ɲɛɛn sìn gbakɔɔn reè rà. Tɔ̀ tsuru, nàforo bla nà bà ni wo re jìrànxɔɔ̀ doùn. Tà shɔ̀ùn, e nà a gban mun kpɛyn.»

Matsiyù 6:19

E maà nàforo ladzyèè tsùù e re dzɔ̀nxɔɔ̀ tsɛ waa. Dzɔ̀nxɔɔ̀ tsɛ, daa rèè ko kpɛ̀ɛkpɛɛ̀ baragoò faa, shɔn rèè sa yeè bà dzii rèè kɛɛ̀, yè gè rèè sen.

Marikì 10:21

Yesù y'à siin to kɛ̀nbààbe ka tɔ̀un, è dzin à ra ci: «Goo soo wo fɔɔn ŋe. B'à suun ge reè sapɛ gɔɔ, a ɲɛɛn sìn gbakɔɔn reè rà. Tɔ̀ tsuru, nàforo bla nà bà ni wo re jìrànxɔɔ̀ doùn. Tà shɔ̀ùn, e nà a gban mun kpɛyn.»

Lukì 12:33

Ye e suun ge reè gɔɔ, ye gbakɔɔn reè kɔ̀ à ɲɛɛn nà. Ye nàfòrò marama lamɔnɔ̀n tsùù, nìi na dzia bara waa. Ye nàforo marà tsùù e yɛrɛ jɔun gbey, nàfor'liì na dzia dò waa, shɔn ì fa dzi à tàrà shɔn, daa ì tsu to fa dzi dɔn à ɲan mɔn.

Lukì 18:22

Àwà, Yesù tà myɛ̀un min niì, è dzin kpir'la rà ci: «Goo soo wo fɔɔn ŋe. B'à suun ge reè sapɛ gɔɔ, a ɲɛɛn tanan gbakɔɔn reè rà. Tɔ̀ tsuru, nàforo bla nà bà ni wo re jìrànxɔɔ̀ doùn. Tà shɔ̀ùn, e nà a gban mun kpɛyn.»

Tsìmotè jɔ̀naà 6:17

Nèe dziɲan ree gètsi rèè, à dè màxɔbe twɛy rà, ci è mà e yɛrɛ blabe waa, è mà e si ɲɛn gè dòràmaà tsɛ waa. Ŋà yè e si ɲɛn Ŋaablà rii tsɛ, tɔ̀ riì gè sapɛ siàn mùn na giri, m'a dzibe bo.

Tsìmotè jɔ̀naà 6:19

Tà tsuru è nà nàforo ladzyèè tsùù gàne gban gban ɲan e jɔun gbey, yè bà ni jaamabe takia tàrà.

Dzyèèsìbee mòdzin neè 10:34

Ɔ̀ɔn, kàsòdzin neè raa byɛnbee, ye tɔ̀ fau twɛy ka. Nìi to bàu ye suun ge reè tsiumaà, ye taama dzibeu tɔ̀ ra, kàtsu y'a tɔ̀ ci ye gè tàraɔ̀ nìì tsuru na ni waa, dò to na ni à mà waa.

Dzyèèsìbee mòdzin neè 11:26

Musà y'à jàu, ci e seey Ŋaablà Jaara Modzìàn rè seey doùn, tɔ̀ nàfaà blà è geren Misiran jamaan nàfor'la sapɛ dzyeèma tsɛ. Sàr'lìi nà tàrà bònè, à jaa na ni tsuù tɔ̀ rii là.

Yàkubà 2:5

N neema ì, mun ye nìì reè kɛ̀niɔ̀n fɔ è bè geren, ye e toro wɔ. Dziɲan dzin nèè nìì reè jàa gbakɔɔn, Ŋaabla twɛy ɲankɛrɛɔ̀n rìì, yè bà gètsi ɲɛynaà kàjaa tsɛ, tà ko è re màsàbe riì làyiri seòn e kɛnbaa rèè rè, yè tɔ̀ tàrà shɛn.

Piyɛrì jɔ̀naà 1:4

È bà shɛn, nìi lamɔ̀nɔ̀n tsùuŋnà, à na fyeerà, à na noora, à na fɔr'la, è bà màrà tsùuŋnà ye re jìrànxɔɔ̀ doùn.

Piyɛrì jɔ̀naà 5:4

Tà tsuru, sàà kplàtsuu reè kùntsiɛ ye na sii rìi sèè, ye nà màsà baanfla nɔɔrɔmaa tarà, nìi na bar'la waa.

Goo kpàdèuma rèè 2:9

Mun wo byɛɛn goò ko wo re gbaa tɔ̀. Ŋà, wo gètsi. Nìì reè dziàn ci ye Dzyèèsìbee mòdzin ì, à to na sààben waa, twɛy tsoo bara goòmà nìì reè dèe wo tsɛ, mun tɔ̀ tɔ̀. È Sùtan'naa blàbè gbaà mòdzin neè rìì.