Matsiyù 6:19 - Bible Dzùùngoo Unicode

¹⁹ E maà nàforo ladzyèè tsùù e re dzɔ̀nxɔɔ̀ tsɛ waa. Dzɔ̀nxɔɔ̀ tsɛ, daa rèè ko kpɛ̀ɛkpɛɛ̀ baragoò faa, shɔn rèè sa yeè bà dzii rèè kɛɛ̀, yè gè rèè sen.

Matsiyù 6:19 ပူးပေါင်းရင်းမြစ်များ

Matsiyù 19:21

Yesù yè dzin à ra ci: «E ba ni à re a dzii yè tsyɛn taki, b'à suun ge reè sapɛ gɔɔ, a ɲɛɛn sìn gbakɔɔn reè rà. Tɔ̀ tsuru, nàforo bla nà bà ni wo re jìrànxɔɔ̀ doùn. Tà shɔ̀ùn, e nà a gban mun kpɛyn.»

Matsiyù 6:20

Ŋà, ye nàforo ladzyèè tsùù e re jìrànxɔ rɔ̀n nì. Daa ko kpɛ̀ɛkpɛɛ̀ na ni mɔn, yè baragoò fa waa. Shɔn ì to na ni mɔn, yè bà ni dzii kɛɛy, yè ge ì sen waa.

Lukì 12:21

Tà shɔ̀ùn, Yesù yè dzin kɔn ci: «Mòò riì nàfor'la ladzyee e yɛr'le dziɲantsiɛ doùn, tɔ̀ y'a tàrà gèsɔn pɛn na ni à re Ŋaablà re, tɔ̀ tsìfa raà sa ni tɔ̀ gètsià raà rìì tsuru.»

Lukì 12:33

Ye e suun ge reè gɔɔ, ye gbakɔɔn reè kɔ̀ à ɲɛɛn nà. Ye nàfòrò marama lamɔnɔ̀n tsùù, nìi na dzia bara waa. Ye nàforo marà tsùù e yɛrɛ jɔun gbey, nàfor'liì na dzia dò waa, shɔn ì fa dzi à tàrà shɔn, daa ì tsu to fa dzi dɔn à ɲan mɔn.

Lukì 12:39

Ye yɛ̀r'la sa y'a tɔ̀, ci gbàtsià ye ba na à tɔ̀, ci shɔɔ̀n nà nà waatsi riì, à fa e tsiì è ɲɛn è cìi dɛ ! À fa à to shɔɔ̀n yè nà wò re gbàà kɛɛy dɛ ?

Lukì 18:22

Àwà, Yesù tà myɛ̀un min niì, è dzin kpir'la rà ci: «Goo soo wo fɔɔn ŋe. B'à suun ge reè sapɛ gɔɔ, a ɲɛɛn tanan gbakɔɔn reè rà. Tɔ̀ tsuru, nàforo bla nà bà ni wo re jìrànxɔɔ̀ doùn. Tà shɔ̀ùn, e nà a gban mun kpɛyn.»

Lukì 18:24

Yesù y'à tɔ̀u kpir'la rà ci à taama ŋununbeu tɔ̀ tsuru min niì, è dzin ci: «Gè ni nìì reè suun, twɛy dɔn ɲan Ŋaablà re Màsàbee doùn dɛ !

Tsìmotè jɔ̀naà 6:17

Nèe dziɲan ree gètsi rèè, à dè màxɔbe twɛy rà, ci è mà e yɛrɛ blabe waa, è mà e si ɲɛn gè dòràmaà tsɛ waa. Ŋà yè e si ɲɛn Ŋaablà rii tsɛ, tɔ̀ riì gè sapɛ siàn mùn na giri, m'a dzibe bo.

Dzyèèsìbee mòdzin neè 13:5

E maà ɲɛɛn kɛ̀n, fɔ tɔ̀ yeè bè bà e re jaamabee kùngɔ waa. Nìi ni e suun, y'a to tɔ̀ yeè e jaa cɛn, kàtsu, Ŋaablà yɛr'la dziun ci: «Mun fa n si bo jà wo dzuun kuraa. Fyeu, n fa n bon wɔ jà wo ra waa.»