Matsiyù 6:16 - Bible Dzùùngoo Unicode

¹⁶ Àwà, e ye sun wɔ, e maà e jaakɔrɔun kùùn, a ci mòdzin duungoofiitsi rèè y'à faa nìi tsuru waa. Twɛy yè e jaakɔrɔun ŋununbee, sànko, mòdzian y'à tɔ̀, ci ye sun wɔɔ. Sààben na, mun nì ci e ra, è raa bàràjia, è tɔ̀ tàrau nòn.

Matsiyù 6:16 ပူးပေါင်းရင်းမြစ်များ

Matsiyù 6:1

Yesù yè dzin kɔn ci: «Ye e yɛrɛ kaàwɔ, e re Ŋaabla shi jiɛ mà nà bà mòdzian jaara raa waa. Ye bà ni Ŋaabla shià jìì, ci mòdzian nì yè ye jà, bàràji pɛn na ni tɔ̀ ɲan ye Fà Ŋaablà re waa, tɔ̀ riì ni jìrànxɔ rɔ̀n.

Matsiyù 6:2

E ba nà gbakɔɔn reè kɔ̀ gè rà, maà tɔ̀ bà vuru fyɛɛ goo, sànko mòdzian sapɛ y'a ja waa. Duungoofiitsi rèè rìì tɔ̀ faa ŋaablabegba rèè doùn, ko shi reè rè. È tɔ̀ faa, sànko mòdzian yè blà wɔ ye ɲan. Sààben na, mun nì ci e ra, twɛy yè e raa bàràjia tàrau nòn.

Matsiyù 6:5

Àwà, ye ba nà Ŋaablà mafyɛ̀n, e maà bà a ci duungoofiitsi rèè waa. Nìi dzi twɛy rà, tɔ̀ rii yɛ, yè tsiì ŋaablabegba rèè doùn, tà ko shidaa reè rà, yè Ŋaablà mafyɛ̀ɛn, sànko mòdzian yè ye jà. Sààben na, mun nì ci e ra, twɛy yè e raa bàràjia tàrau nòn.

Marikì 2:18

Àyìwà Yùxanà rè kàràndzin neè ko Faridziɲɛn rèè rè kàràndzin neè na suàn wɔɔ̀. Sii sɔn see, è to suàn nà, swey yè Yesù tey ci: «Feera Yùxanà rè kàràndzin neè, ko Faridziɲɛn rèè rè kàràndzin neè suàn wɔɔ̀, wo raa rèè to na wɔɔ̀ waa ?»

Lukì 18:12

Shikun soo doùn, mun bwèy fii sun nì wɔɔ̀, mun to ye gè o ge tàrà, mun y'à sapɛ yaà boò."

Lukì 2:37

Tà shɔ̀ùn, tɔ̀ kpir'la yè dò, à y'à to. Tɔ̀un, Anì yè to e soone, à sìà yè bè wɔ fɔ jii cɛɛ̀n ko dzin nààlen. Kudɛyn, à na ni Ŋaablà re gbà blàa fɔɔn doùn. Feèn ko bwèè sa, à na goo faa Ŋaablà re, nìi yɛ, à suàn wɔɔ̀, è bà Ŋaablà mafyɛ̀ɛn.

Kɛɛradzin neè faadziɛ 10:30

Kɔrɔnayì yè dzin ci: «À bwèy nààlen yɛ she, nèe waatsi ree yɛ̀r'la ɲàn, mun na ni n ne gàne rɔ̀n, min bà na ɲɛ̀rɛɛ̀ rɔ̀n Ŋaabla mafyɛɛ̀n faa. Tà doùn, mun yè nà bàràma, min kpiri sɔn tsiiŋma jà n jaaterema, à mà vya reè fyɛɔ tɛrɛ tɛrɛ, yè bà den deèn.

Kɛɛradzin neè faadziɛ 14:23

Tà doùn, Polì ko Barinabasì yè mòdzin ì bo twɛy wɔ̀ rèè ɲɛynamoo kur'là soo soo sapɛ doùn, yè è tsùù ba è re bɔɔ ì. Tɔ̀ faumaà shɔ̀ùn, yè sun wɔ yè Ŋaabla mafyɛyn fa twɛy bɔɔ rèè rè, yè kòmànà è kɛ̀ɛ̀yfa Tsìfaà mà, è ɲɛun tɔ̀ niì rà.

Korɛntsika reè jɔ̀naà 7:5

Tà doùn, e maà e si xɔ̀n waa. E dzia byɛ̀n à mà nì ye waatsi to Ŋaabla mafyɛɛ̀n kamà. Tà shɔ̀ùn e dzia sèè e si ma, gè riì ni à to e ma nà gba e yɛrɛ dzuun, tɔ̀ ye bà saabu Sùtana yè e dzuun bo waa.

Korɛntsika reè fiiraa 11:27

Faagoo ɲaɔ̀n ko byɛnbee, jiseejaàrà giri, dzuà ko mìnoò, sun wɔ giri, mùnkɛɛ̀ ko vyabɛybeè,

Korɛntsika reè fiiraa 6:5

Mùn y'a kpàdèe banbwey goo reè doùn, kàsò dòùn jì goo reè, màànkàn fù goo reè, faagoo ɲaùn nèè, cììbɛ̀ybeè, dzuà.