Matsiyù 5:30 - Bible Dzùùngoo Unicode

³⁰ Sani a sirama sia to yè bà ni ba saabu e gooɲaantsii tarà, à kùnùn bo, a maa jeenà. E fɔn a gɔɔ̀n gàne soo ɲan, tɔ fyan a ko e kur'la yè bè jààndaman.

Matsiyù 5:30 ပူးပေါင်းရင်းမြစ်များ

Matsiyù 11:6

Àwà mun ma dzi ba mòò o moò sàn nà baan kpàà fyeu, tɔ̀ tsìfa raà wùbeu.»

Matsiyù 13:21

Ŋà à jiɛ̀ na gbaɔn è ɲan nìi fa waa, è toò à tsɛ waatsi dɛɛnin bàsɔùn nì doùn. Goo xɔù ye è ji nìi tsuru, tàmafa mòdzian yè fù è kpɛyn gooma ree kamà, tɔ̀ yeè è sèè bouma à kpɛyn.

Matsiyù 16:23

Yesù yè e jaa kere, è dzin Piyɛr'là ci: «Bo n tɛyn, e bè jɔun, Sùtànà modzìn ! Wo mun sàn nà baan kpàà rii. Wo nìi kɛ̀sɛɛ̀, tɔ̀ ko Ŋaablà raà na soo waa, à mòdzin ì kɛ̀sɛu'n kur'li.»

Matsiyù 17:27

Tà ko e sa ra, mìn dzin ci mùn mà mòdzin nee reè ɲìnìn goo fa, bè yu blàa rà, e duleen ji. A naà ji jɔna niì kun, à sɔ̀ɔ̀n bo a dzu san. Wo nà ɲɛyn ja mɔn. E tɔ̀ ɲɛɛn sen, a raà ko mun naà sa sarà à ka.»

Matsiyù 18:8

A sià tàmafa a saàn ye ba bàa tsoo à y'à dɔn gooɲaan ɲan, à tsyɛ bo a ra, a maa jeenà. A ko a si sɔɔ̀n, tàmafa a san sɔɔ̀n yè gbey tarà, tɔ fyan, sani a ko a si fiɛ̀, tàmafa a san fiɛ̀ yè bè maa sà dzibɛy rɔn.

Matsiyù 22:13

Màsà kpir'là yè dzin faagoofadzin neè rà tɔ̀un ci: "Y'a si rèè ko à sàn nèè shì, y'a maa da rɔ̀n tsitsiɛ̀ rà. Gɛyn boo, ko ɲiun taa rìì nà bà ni mɔn."

Matsiyù 25:20

Sɛnu kunun nuàn sìun nìi ra, tɔ̀ yeè e kpɛrɛ̀ e raà tsuru nùn kpɛrɛ ka, è dzin ci: "Tsìfaà, wo kunun nun nì sìun mun na, ŋà m'a tsuru nùn kpɛrɛ tàrau, à yɛ nèe."

Matsiyù 26:31

Tà doùn, Yesù yè dzin kàràndzin neè rà ci: «Fen nèe ɲan, ye sapɛ nà vwɛ̀yn min bà saabu. Tɔ nà fa, kàtsu à sɛbɛɔ̀n Ŋaablà re Goomaa doùn ci: Mun nà sàà kplàtsuubaà vu, sàà rèè sapɛ to nà jee.»

Matsiyù 5:22

Ŋà, mun nì ci e ra, mòò o moò nà e vunun ta e modzìnsia ka, tɔ wù è kitsi. Mòò riì nà e modzìnsia ɲɛ̀n ci à manan, à wù tɔ̀ yeè kitsi kitsi kunun kur'là mòdzin neè rè. Mòò riì to nà e modzìnsia ɲɛ̀n ci à fàkɔɔn, tɔ wù jààndamaan sàà ka.

Matsiyù 5:29

Àwà, sani a sirama sia rè jaadzian yè bà saabu e gooɲaantsii tarà, à kwey bo, a maa jeenà. E fɔn a gɔɔ̀n gàne soo ɲan, tɔ fyan a ko e kur'la yè bè jààndaman.

Marikì 9:43

A sià ye ba bàa tsoo à y'à dɔn gooɲaan ɲan, à kùnùn bo a ra. Tɔ̀ fa, kàtsu a ko a si sɔɔ̀n yè bè dɔ̀n jaamabe dziù dòbɛɛ ɲàn, tɔ fyan, sani a ko a si fiɛ̀ yè bè maa jààndamaan doùn, sà dzibɛy rɔn. [

Lukì 12:5

Ye wù ye yè shi nìi jɔun, tɔ̀ rii siin: Mùn sa Ŋaablà riì tɔ̀, ci à dzia san wɔ mòò tsɛ, tà shɔ̀ùn, à y'à ji jààndaman, sààben fyan, mun ci à wù ye shi tɔ̀ rii jɔun.

Lukì 17:2

Yè ba zhi kpaa bla shiɔ̀ a vu ra, yè b'à maa kòòyu rɔn tɔ̀ ka, tɔ fyan, e bà tsoo tà goò yè twɛy dziinkòòmɛ̀yn neè tsuru mòò sɔn tàrà.

Ɔ̀rɔ̀mùnka reè 9:33

Tɔ fau, a ci à yɛ sɛbɛɔ̀n nìi tsuru Ŋaablà re Goomaa doùn ci: «À yɛ, mun nà kpàà tsuù Siyɔ̀n jɔun, sàn nà baan kpàà, mòdzìn mɛɛ kpàà. Mòò riì nà ɲɛn à ra, tɔ̀ fa seey fyeu.»

Korɛntsika reè jɔ̀naà 8:13

Tɔ̀ kamà, sani ɲwɛyn yè bà mun neemaa mɛɛ̀ saabu, min shu ɲɔɔn jà m'a to mɔn peu, mun mà nà n neemaa mɛɛy waa.

Galatsika reè 5:11

Àwà mun, n neema ì, min bà na shimaangoo rìì waajibi faa arì she, fee na byɛnbe ɲɛn kun mun tsɛ kɔn ? Tà doùn, gbaàn gɔɔ̀, tɔ̀ niì sàn nà baan kpàa, tɔ̀ kùn naà ni dɛ.

Piyɛrì jɔ̀naà 2:8

À bàu sàn nà baan kpàà, kpàà riì mòò mɛɛ̀.» Yè san nà baan à ra, kàtsu yè e nɔɔ̀n Ŋaablà re Goomaa shi jiɛ̀ mà. Tɔ̀ rii sa na latsigɛ̀ tsùuŋnà è kàjaa tsɛ.