Matsiyù 5:3 - Bible Dzùùngoo Unicode

³ «Nìì reè y'à jàa ye gbaɔ̀ Ŋaablà kajaa tsɛ, twɛy raa wùbeu, kàtsu Ŋaablà re Màsàbee twɛy rìì laa.

Matsiyù 5:3 ပူးပေါင်းရင်းမြစ်များ

Matsiyù 11:25

Tɔ̀ waatsia ɲàn, Yesù yè dzin ci: «Mun Fà Ŋaablà, ŋaablaxɔɔ̀ ko dzɔ̀nxɔɔ̀ sa Tsifaà, mun tsoo dzi ɲɛɛn wo tsɛ, kàtsu wo nèe goo rèe rèè mɛnɛun mòdzin akiribla reè ko akiridzi reè mà, wo y'à kpàdè dziinkòòmɛ̀yn neè rà.

Matsiyù 11:6

Àwà mun ma dzi ba mòò o moò sàn nà baan kpàà fyeu, tɔ̀ tsìfa raà wùbeu.»

Matsiyù 13:16

Ŋà nìi ye, ye raà wùbeu, kàtsu ye jaa rèè jɛ̀y faa, ye tor'lèè yè bà myɛ̀yn faa.

Matsiyù 19:14

Yesù ci tɔ̀un ci: «Y'a to dziin nèè yè nà n na, e maà è jɔun shu nàà tsɛ waa. Nìì reè ni è tsuru, Jìrànxɔɔ̀ Màsàbee twɛy rìì laa.»

Matsiyù 24:46

Àwà, tɔ̀ jòòn kùntsiɛ̀ ye seè na, è nà à jà faagoo rèe ra, a ci à dèu à ra nìi tsuru, à raà wùbeu.

Matsiyù 25:34

Tà doùn, nìì reè ni màsà kpir'là sirama sia rè, à nà dzin twɛy rà ci: "Mun Fà Ŋaabla dzwɛ kuɔn ye nìì reè mà, ye nà. Màsà gane riì mabyɛ̀n tsùuŋnà ye re fɔ dziɲaan jɔ̀n bwey, ye nà dɔ̀n mɔn, y'a bà e re shɛn.

Matsiyù 3:2

À dziàn ci: «Ye e tsiì e re gooɲaan nà, ye e re jaamabee fau'n kur'la lakere, kàtsu Jìrànxɔɔ̀ Màsàbee waatsi tsyɛnbeò.»

Matsiyù 8:11

Mun nì ci e ra, mòò giri nà dan kir'la rà, ko bwèydoo rè, yè nà e tsuù yè ɲwɛɛ̀n ɲɔn Ibraximà, ko Ishakà, ko Yàkubà ka Jìrànxɔɔ̀ màsàbee gàne rɔ̀n.

Marikì 10:14

Yesù tɔ̀ goò jàu min niì, è dɔ̀n à kpɛyn. È dzin kàràndzin neè rà ci: «Y'a to dziin nèè yè nà n na, e maà è jɔun shu nàà tsɛ waa. Nìì reè ni è tsuru, Ŋaablà re Màsàbee twɛy rìì laa.

Lukì 11:28

Yesù sa yeè dzin à ra tɔ̀un ci: «À kpɛ̀yn tɔ̀ tsuru, ŋà, nìì reè yè e toro wɔɔ̀ Ŋaablà re goomaa rè, y'à bo e shi tsɛ, twɛy rìì laa wùbeu Ŋaablà re è geren kɔn.»

Lukì 18:14

Yesù yè dzin kɔn ci: «Àwà, mun nì ci e ra, tɔ̀ xɔnsɔɔntsibaà ci e ye sèè tsii doùn waatsi riì bwèy, goo sɔn pɛn naà ni à ko Ŋaablà fi dɛ. Ŋà, nìi Faridziɲɛn kpir'là, tɔ̀ raà na ni e nima nɔ̀n. Àwà, wo mòò o moò y'à yɛrɛ ɲanseen, wo ma nà jàà. Ŋà wo mòò o moò y'à yɛrɛ majàa, wo ɲan nà sen.»

Lukì 22:29

Tɔ̀ doùn, mun fà Ŋaabla e re Màsàbee labau mun na nìi tsuru, mun sa y'a labau ye ra tà tsuru.

Lukì 22:30

Tɔ̀ kamà, ye nà ɲwɛɛ̀n ɲɔn, ye yè e min mun ka n ne màsàbee gàne rɔ̀n. Ye to nà bà tsùuŋnà màsà gbaaniin ì tsɛ, ye yè kitsia kùnùn Isirayɛlì fàdzìn kuru teeŋ fiɛ̀ mòdzin neè tsɛ.»

Lukì 4:18

«Mùn Tsìfa Ŋaablà re Dzia ni mun ɲan. Tɔ̀ rii y'à to è mun bo, ci mun yè nà gbakɔɔn reè toro kɔ̀ Kùnàgoo Dziɔ̀ rà. À mun ka naɔ, ci min nà byɛnkɔɔn reè laba goòmà dè è ra, min jaana reè jaa dzii san goòmà dè twɛy rà, nìì reè xɔn bìiŋnà, min twɛy bo vi ra.

Yùxanà 20:29

Yesù yè dzin à ra ci: «Wo mun jàu nìi fa, tɔ̀ rii wo ɲɛun mun na. Nìì reè na mun jaɔ̀ waa, è to ɲɛun mun na, twɛy raa wùbeu.»

Yàkubà 1:10

Neema riì to gètsi tɔ̀ sa yeè e taamadzibe e majàaŋmaà doùn, kàtsu, à nà dɔ̀n bo vunkan tsuru.

Yàkubà 1:12

Àwà, mòò riì byɛnbee tsià e ma e sɔn màsiinkɔɔn waatsi rɔn, tɔ̀ tsìfa raà wùbeu. À raà wùbeu, kàtsu à sɔ̀n màsiin dòumaà shɔ̀ùn, Ŋaabla nìi làyiri seòn e kɛnbaa rèè rè, tɔ̀ yeè bà jaamabe dziù dòbɛɛ màsà baanflaa, à nà tɔ̀ tàrà.

Yàkubà 2:5

N neema ì, mun ye nìì reè kɛ̀niɔ̀n fɔ è bè geren, ye e toro wɔ. Dziɲan dzin nèè nìì reè jàa gbakɔɔn, Ŋaabla twɛy ɲankɛrɛɔ̀n rìì, yè bà gètsi ɲɛynaà kàjaa tsɛ, tà ko è re màsàbe riì làyiri seòn e kɛnbaa rèè rè, yè tɔ̀ tàrà shɛn.

Goo kpàdèuma rèè 19:9

Tà doùn, mɛ̀rɛ̀kɛɛ̀ yè dzin mun na ci: «À sɛbɛn ci: nìì reè kiriɔ sààtòmòìriɛ rè kɔnɲɔn goo ɲwɛɛ̀n nà, twɛy raa wùbeu !» È dzin mun na kɔn ci: «Twɛy gooma reè Ŋaablà re gooma taki taki reè rìì.»

Goo kpàdèuma rèè 22:14

Nìì reè yè e re vya rèè fòò fyɛɛ̀, yè bà ni dzi jaamabee gɔɔ̀ dzian sɔn tarà ɲɔn, yè dɔ̀n wɔ̀ɔ̀ doùn à dɔ̀nmàdzii reè rà, twɛy raa wùbeu !

Goo kpàdèuma rèè 3:17

Wo ci wo gètsi, ci wo nàforo taraɔ̀, ci wo màgoo na ni gèsɔn pɛn na waa. Wo to na à tɔ̀, ci wo màtsùrùkɔɔn, byɛnkɔɔn, gbakɔɔn, jaana, ko màxɔ̀ɔ̀ma waa.