အွန်လိုင်း သမ္မာကျမ်းစာ

« အရင်

နောက်တစ်ခု »

Matsiyù 5:22 - Bible Dzùùngoo Unicode

²² Ŋà, mun nì ci e ra, mòò o moò nà e vunun ta e modzìnsia ka, tɔ wù è kitsi. Mòò riì nà e modzìnsia ɲɛ̀n ci à manan, à wù tɔ̀ yeè kitsi kitsi kunun kur'là mòdzin neè rè. Mòò riì to nà e modzìnsia ɲɛ̀n ci à fàkɔɔn, tɔ wù jààndamaan sàà ka.

အခန်းကိုကြည့်ပါ။ ကော်ပီ

« အရင်

ပြန်တက်သွားပါ။ ⬆

နောက်တစ်ခု »

Matsiyù 5:22
93 ပူးပေါင်းရင်းမြစ်များ

Matsiyù 10:17

Àwà ye e yɛrɛ kaàwɔ mòdzian nà, kàtsu è nà ye wɔ kitsi kunun kuru ì mòdzin ì suun, è to nà ye dɔrɔ e re ŋaablabegba rèè doùn.

အခန်းကိုကြည့်ပါ။

Matsiyù 10:28

Nìì reè dzia mòò vu, yè dàn gɔɔ̀n bàsɔùn bar'la mà, è to na dzia gèsɔn fa xɔɔn nà waa, e maà shi twɛy jɔun waa. Ŋà, nìi dzia gɔɔ̀n ko xɔɔn sa bara jààndamaan doùn, ye shi tɔ̀ rii jɔun.

အခန်းကိုကြည့်ပါ။

Matsiyù 12:24

Tɔ̀ goomaa myɛ̀unmaà Faridziɲɛn rèè rè, yè dzin ci: «A ye nèe jà à kwey rèè kaa boò mòdzian kpɛyn, à y'à faa kwey rèè kùntsii blàa rìì baraka ɲan, tɔ̀ niì kir'là Baalizebulì.

အခန်းကိုကြည့်ပါ။

Matsiyù 17:5

Piyɛrì ni tɔ̀ goomaa nà, ŋaamunun den denkɔɔn sɔn yeè nà è tsyee, ciàn yè bà ni è tsɛ. Vu sɔn yeè bo ŋaamun'na ɲàn tɔ̀un, tɔ̀ yeè dzin ci: «Nèe mun Dzin Kpir'la rìì yɛ nèe, mun nìi kɛ̀niɔ̀n fɔ è bè geren, è bà dzibeu mun na. Ye e toro wɔ à re !»

အခန်းကိုကြည့်ပါ။

Matsiyù 18:21

Tà shɔ̀ùn, Piyɛrì yè e kpɛrɛ̀ Yesù rà, à y'à tey ci: «Tsìfaà, kudɛyn mun mòdzìnsia ye ba dɔ̀ɔn mun gàsin ɲan, à wù min n yɛrɛ to à re, è bè tàrà fɔ jaa fɛ̀rɛ̀n ? Fɔ jaa ɲɛ̀ɛ̀nun gbɛ ?»

အခန်းကိုကြည့်ပါ။

Matsiyù 18:35

Tɔ̀ fau'n kuru soo rà, ye soo sookɔɔn sa ma e tsiì yeè e yɛrɛ to e koòsì dzyee reè rè ko e duɔ̀n sapɛ ka, mun Fà Ŋaablà riì ni jìrànxɔ rɔ̀n, tɔ̀ sa nà ye kun tɔ̀ kuun'n kur'la rìì là.»

အခန်းကိုကြည့်ပါ။

Matsiyù 23:15

Ye Sàrìyà Kaamoo reè ko Faridziɲɛn rèè, byɛnbe ye nìn, duungoofiitsi ì ! Byɛnbe ye nìn, kàtsu ye yè e ɲantsyeere beè dzɔ̀nxɔɔ̀ ko kòòyua sa tsɛ min niì sapɛ, sànko ye yè bà ni mòò sɔn tàrà ba e re dzinɛɛ mòdzin. À to ye dzi tarà nòn, y'a faa fɔ è bà jààndàmàn dòùn dzin, è geren ye tsɛ shìɲaan jaa fii.

အခန်းကိုကြည့်ပါ။

Matsiyù 23:33

È myɛn reè jà ! Fɔnfwɛyn kuru ! Y'a kɛ̀sɛɛ̀ ci ye nà dzi e vwɛyn dzùrù, ye yè e dan gbànbe jààndamaan kitsia rà.

အခန်းကိုကြည့်ပါ။

Matsiyù 25:41

Tà shɔ̀ùn, nìì reè ni Màsà kpir'là ɲɔ̀nmà sì jaa rè, à nà dzin twɛy rà ci: "Ye dangauma rèè, ye bo n tɛyn, ye bè jeenà. Sà dzibɛy riì màbyɛ̀n tsùuŋnà Sànwɔbaa ko e re mɛ̀rɛ̀kɛ rèè rè, ye bè mɔn.

အခန်းကိုကြည့်ပါ။

Matsiyù 26:59

Saaka Jɔundzin neè ko kitsi kunun kuru blàa mòdzian sapɛ na gooma ì nì gaa, è nà dzi nìi bà kùn, yè kitsi mɛɛy Yesù tsɛ, y'à vu.

အခန်းကိုကြည့်ပါ။

Matsiyù 3:17

Vu sɔn yeè bo ŋaablaxɔ rɔ̀n tɔ̀un, tɔ̀ yeè dzin ci: «Min Dzin Kpir'liì kɛ̀niɔ̀n, nèe tɔ̀ rii. À goò dzi mun na fɔ è bè geren.»

အခန်းကိုကြည့်ပါ။

Matsiyù 5:34

Ŋà, mun nì ci e ra, e maà e kɛɛ̀y tsu rii waa. E maà e kɛɛ̀y ŋaablaxɔɔ̀ rà, kàtsu tɔ Ŋaablà re màsà gbaaniɛn nì.

အခန်းကိုကြည့်ပါ။

Matsiyù 5:44

Ŋà, mun nì ci e ra, ye ɲan rèè kɛ̀n. Nìì reè yè e kuun'n kuru ɲaan faa, ye Ŋaablà mafyɛ̀n twɛy rè.

အခန်းကိုကြည့်ပါ။

Marikì 14:55

Saaka Jɔundzin neè, ko kitsi kunun kuru blàa mòdzian sapɛ na gooma ì nì gaa, è nà dzi nìi bà kùn yè kitsi mɛɛy Yesù tsɛ, y'à vu. Ŋà è na kùn gaa gbaɔ̀.

အခန်းကိုကြည့်ပါ။

Marikì 15:1

Àyìwà gbishɛɛ̀mà mur'lɔùn, Saaka Jɔundzin neè, ko bɔɔ rèè, ko Sàrìyà Kaamoo reè, kitsi kunun kur'là mòdzian sapɛ, yè sija fa. Tà shɔ̀ùn, yè Yesù shì, yè b'a ka, yè b'a wɔ jàmààntsi Pilatsì suun.

အခန်းကိုကြည့်ပါ။

Lukì 12:5

Ye wù ye yè shi nìi jɔun, tɔ̀ rii siin: Mùn sa Ŋaablà riì tɔ̀, ci à dzia san wɔ mòò tsɛ, tà shɔ̀ùn, à y'à ji jààndaman, sààben fyan, mun ci à wù ye shi tɔ̀ rii jɔun.

အခန်းကိုကြည့်ပါ။

Lukì 22:66

Àyìwà, jià nàu seey min niì, Dzyèèsìbee mòdzin neè rè kitsi kunun kuru blàa mòdzin neè yè e si ladzyeè. Tɔ̀ na è re bɔɔ rèè, ko Saaka Jɔundzin neè, ko Sàrìyà Kaamoo reè. Tɔ̀un, yè Yesù kiri bè twɛy rè.

အခန်းကိုကြည့်ပါ။

Yùxanà 11:47

Tɔ̀un, Saaka Jɔundzin neè ko Faridziɲɛn rèè yè kitsi kunun kuru blàa mòdzin neè kiri, yè è ladzyeè. Yè dziàn ci: «Mùn nà fee rìì fa ? Kpir'lee tàànmàshɛn kabagooma giri faa dɛ !

အခန်းကိုကြည့်ပါ။

Yùxanà 15:25

Àwà, tɔ fau nì, sànko, gooma niì sɛbɛɔ̀n è re sàrìyaa kìtaabuà doùn, tɔ̀ yeè bo e shi tsɛ, nìi yɛ ci: "È mun goo xɔbeu e yɛrɛ ma kùn bɛy."»

အခန်းကိုကြည့်ပါ။

Yùxanà 7:20

Jàmaà yè dzin à ra ci: «Wo mòdzin kweykɔɔn. Tsì rii wo gaa ci wo nà wo vu ?»

အခန်းကိုကြည့်ပါ။

Yùxanà 8:48

Dzyèèsìbee mòdzin neè yè dzin Yesù rà ci: «À dzi ni ɲe re, ɲe yè dzin ci wo Samarika, wo yè bà kweykɔɔn.»

အခန်းကိုကြည့်ပါ။

Kɛɛradzin neè faadziɛ 17:18

Twɛ̀yfabaa blà bla swey sa na bàa ni tɔ̀ gàne rɔ̀n. È na twɛy swey kir'là ci epikuriɲɛn rèè, yè bà swey kir'là sitoyisiɲɛn rèè. Twɛy mòdzin neè sa yeè nà e maa, yè goomaa Polì ka. Swey dziàn è ɲan ci: «Nèe jòòn bo kɛyn nèe yè bà ci dzùrù kɔn kɛ ?» Swey yè bà dziàn ci: «À ni a ci à kɔ̀ɔ gè kpɛrɛ ì rìì gooma deè.» È na tɔ̀ dèe, kàtsu, Polì na Yesù rè Kùnàgoo Dziɔ̀ rìì gooma deè, ko fùn nèè sèè kpunaàn goomaa.

အခန်းကိုကြည့်ပါ။

Kɛɛradzin neè faadziɛ 22:30

Kaadzin kuntsii blaa sàò na ni wò y'a tɔ̀, goo rìi Dzyèèsìbee mòdzin neè jàà kun taki taki Pol'là. Tɔ̀ kamà, tɔ̀ raa gbey rɔn, è Saaka Jɔundzin neè, ko Dzyèèsìbee mòdzin neè rè kitsi kunun kur'là mòdzin neè kiri è ladzyeè. À tɔ̀ fau, à to yè bè Polì foro, yè b'a ka, yè b'a tsìì twɛy jaaterema.

အခန်းကိုကြည့်ပါ။

Kɛɛradzin neè faadziɛ 23:1

Polì yè e jaà gban to kitsi kunun kuru blàa mòdzin neè sapɛ ra tɔ̀un, è kòmànà dzin ci: «Àwà n neema ì, è bè suu she dzu, min ne jaamabee shi jiiŋ, a ci Ŋaablà ci è fa nìi tsuru, mun na jààma jà n yɛr'la waa.»

အခန်းကိုကြည့်ပါ။

Kɛɛradzin neè faadziɛ 24:20

Àwà, Dzyèèsìbee mòdzin neè rè kitsi kunun kuru blàa mun kitsiu waatsi riì bwèy, yè ba fìrìgoo nìi jàu mun na, nìì reè yɛ mìin, è dzia tɔ̀ dè m'a myɛ̀n.

အခန်းကိုကြည့်ပါ။

Kɛɛradzin neè faadziɛ 4:15

Kitsi kunun kur'là mòdzin neè y'à jàu tà tsuru min niì, yè dzin, ci yè Piyɛrì ko Yùxanà bo da rɔ̀n ŋe, ci ye yè e si jà.

အခန်းကိုကြည့်ပါ။

Kɛɛradzin neè faadziɛ 5:21

Àwà, mɛ̀rɛ̀kɛɛ̀ nìi dèu kɛɛradzin neè rà, yè tɔ̀ fa. Gbishɛɛ̀mà mur'lɔùn, kɛɛradzin neè yè dɔ̀n be Ŋaablà re gbà blàa fɔɔn rè, yè bè e maa yè mòdzian kàr'na. Kɛɛradzin neè ni mɔn, Saaka Jɔundzin blaa ko e kpɛyn dzin neè yè siin, yè kitsi kunun kur'là mòdzian ko Isirayɛlì bɔɔ rèè ladzyeè gàne soo ɲan. Yè e ladzyèeŋ, yè mòdzin ì ka bè, ci twɛy yè bè kɛɛradzin neè bo na kàsògbaà doùn.

အခန်းကိုကြည့်ပါ။

Kɛɛradzin neè faadziɛ 5:27

È bèu è kir'na tɔ̀ tsuru, yè nà dɔ̀n è ka kitsikununma nɔ̀n. Tɔ̀un, Saaka Jɔundzin blaa yè dzin è ra ci:

အခန်းကိုကြည့်ပါ။

Kɛɛradzin neè faadziɛ 6:12

Tɔ dèu tɔ̀ tsuru, yè mòdzian, ko bɔɔ rèè ko Sàrìyà Kaamoo reè sa pi son ji Etsiyɛnìn kpɛyn. Yè bè e mɛɛy à tsɛ tɔ̀un, y'à kun dɔ̀n be fààn na kitsi kunun kuru blàa mòdzin neè rè.

အခန်းကိုကြည့်ပါ။

Kɛɛradzin neè faadziɛ 6:15

Tɔ̀un, kitsi kunun kur'là mòdzin neè sapɛ jaà gban touma yè to Etsiyɛnìn nà. Etsiyɛnìn jaakɔɔ doòn siinkɔɔn è re, à na ni, à ci è jaa ni mɛ̀rɛ̀kɛ rìì là.

အခန်းကိုကြည့်ပါ။

Kɛɛradzin neè faadziɛ 7:37

Tɔ̀ Musa tsoo soo rìì dziun kɔn Dzyèèsìbee mòdzin neè rà nèe tsuru ci: "Ŋaablà nà mun tsuru kɛɛra baji na ye re, è bo ye re mòdzìnbè saan ɲàn."

အခန်းကိုကြည့်ပါ။

Ɔ̀rɔ̀mùnka reè 12:10

Ye e si kɛ̀n, a ci neema ì wù yè e si kɛ̀n nìi tsuru. Ye e si dàn blàbee kàjaa tsɛ.

အခန်းကိုကြည့်ပါ။

Korɛntsika reè jɔ̀naà 6:10

ko shɔn rèè, ko wàsà bɛy reè, ko dɔ̀ɔ̀kɔɔn reè, ko ɲɛ̀yn fa reè, ko jàànfà moo rèè, twɛy nìn na ni Ŋaablà re màsàbee ɲàn waa.

အခန်းကိုကြည့်ပါ။

Korɛntsika reè jɔ̀naà 6:6

Ŋà è bè wɔ fɔ neemaa sɔn yeè e neemasi kitsia, à to na min kpɛrɛ fɔ ɲɛynabɛy reè bììn !

အခန်းကိုကြည့်ပါ။

Tesalonikika reè jɔ̀naà 4:6

Mòo mà dɔ̀n mòò gàsin ɲan, mòò to mà mɛɛy mòò tsɛ tɔ̀ goò doùn. È ɲɛn à tsɛ, Tsìfaà nà tɔ̀ sapɛ tsiì sàrà, a ci ɲe y'à dè fyɛu ye ra nìi tsuru nòn.

အခန်းကိုကြည့်ပါ။

Tsitè 3:2

È mà mòò pɛn tsoo bara, yè kaà jɔun bo, yè bà mòdzin vunun ma dzi ì, kudɛyn è vunun mà yè bà ciɔn mòdzian sapɛ ka.

အခန်းကိုကြည့်ပါ။

Dzyèèsìbee mòdzin neè 12:25

Tà doùn, ye e yɛrɛ kun, mòò riì goomaa ye ka, e maà e nɔn tɔ̀ re goomaa lamyɛɛ̀n mà waa. Dan dan, mòò riì yè e sarau mòdzian nà Ŋaablà re goomaa ka dzɔ̀nxɔɔ̀ tsɛ, è na e tsiì yè e toro wɔ tɔ̀ re waa. Tɔ̀un, è na e tsi byɛnbee rà waa. Tɔ̀ ye ba twɛy tàrau, nìi goomaa ɲe ka è bo fɔ jìrànxɔɔ̀ doùn doun mɔn, ɲe ye e bon wɔ tɔ̀ raa goomaa nà, ɲe nà dzi tsi dzùrù ?

အခန်းကိုကြည့်ပါ။

Dzyèèsìbee mòdzin neè 5:9

Àwà, twɛy goo rèè y'à bàu mòdzin dziitsyɛunma. Tà tsuru, nìì reè y'à dzugoomaa blàbee, à bàu twɛy tsibaa kudɛyn.

အခန်းကိုကြည့်ပါ။

Yàkubà 2:20

Mòdzin akiribɛy, wo na à tɔ̀ ci faadziɛ ma ba ni ɲɛynaà ɲàn ci à goo maana ɔ ?

အခန်းကိုကြည့်ပါ။

Yàkubà 3:6

Nɛɛ̀n sa sà rìì. À tsyɛɔ̀n ɲaan nà. À ni mùn gɔɔ̀n gàne rèè fi, è bà mùn gɔɔ̀n ko e kur'la sapɛ noo. À mùn ne jaamabee sapɛ dzua ko sà ka, sà rìi boo jààndamaan yɛ̀r'la doùn.

အခန်းကိုကြည့်ပါ။

Piyɛrì jɔ̀naà 2:23

À ɲɛ̀nkɔɔn doùn, à na e tsiì sàrà ɲɛ̀yn ka. À byɛnkɔɔn doùn, à na e jaa xe bo mòò rà. È raa goò tou Ŋaablà suun, tɔ̀ riì kitsia kùnùn ter'na.

အခန်းကိုကြည့်ပါ။

Piyɛrì jɔ̀naà 3:9

E maà ɲaan ka ɲaan sarà, e to mà ɲɛ̀yn ka ɲɛ̀yn sarà. Ŋà ye dzwɛ rìì ji, è ɲɛn à tsɛ ye kiriɔ tɔ̀ rii là, nìi yɛ ye yè dzwɛɛ̀ tàrà shɛn.

အခန်းကိုကြည့်ပါ။

Yùxanà jɔ̀naà 2:9

Mòò riì ci wo ni vyevyeè ɲàn, tɔ̀ to y'à tàrà è neemaa kpɛynbee, tɔ ni tsitsiɛ̀ ɲàn arì she.

အခန်းကိုကြည့်ပါ။

Yùxanà jɔ̀naà 3:10

Nèe kàjaa ree rìì y'à toò Ŋaablà dzin nèè ko Sànwɔbaà dzin nèè yè tɔ̀ bo e si ɲan: mòò o moò na terenbee shi jiɛ, ko mòò o moò na e neemasia kɛ̀ɛn waa, tɔ̀ na Ŋaablà raa waa.

အခန်းကိုကြည့်ပါ။

Yùxanà jɔ̀naà 5:16

Sɔn y'a jà wò neemaa sɔn gooɲaan faa, nìi na naà san ka mòò mà waa, è Ŋaablà mafyɛ̀n à re. Tɔ̀ tsuru, Ŋaabla nà jaamabee sìn tɔ̀ neemaa nà. Nìì reè gooɲaan faa, gooɲaan niì na naà san ka mòò mà waa, à twɛy rìì gooma dekɔɔn. Gooɲaan sɔn ni, tɔ nàa san ka mòò mà. N na dzin màfyɛyn yè fa tɔ̀ rii là waa.

အခန်းကိုကြည့်ပါ။

Yudè 1:9

Tɔ̀ to y'à tàrà, arì Mìnkayilù, mɛ̀rɛ̀kɛ rèè kùntsii blàa, waatsi riì bwèy tà ko Sànwɔbaà na e si sɔ̀ɔn yè ba e si sɔ̀swɛɛ̀ Musà fùàn tsɛ, à na e kuùn xɔbe è kitsi kunun à tsɛ, à y'à tsoo bara gooma ì ka waa. À dziun ni bàsɔùn ci: «Tsìfaà y'à koron !»

အခန်းကိုကြည့်ပါ။

Goo kpàdèuma rèè 20:14

Àwà, saàn ko fùn nèè tàà sa yeè maa sà blà rɔn tɔ̀un. Sà blàa, tɔ̀ rii saàn fiiraa.

အခန်းကိုကြည့်ပါ။

ကြှနျုပျတို့နောကျလိုကျပါ:

ပံ့ပိုးပေးထားသော လင့်ခ်များ

ကြော်ငြာတွေ

ကြော်ငြာတွေ