အွန်လိုင်း သမ္မာကျမ်းစာ

« အရင်

နောက်တစ်ခု »

Matsiyù 5:10 - Bible Dzùùngoo Unicode

¹⁰ Nìì reè xɔn bìiŋnà terenbee yè bà saabu, twɛy raa wùbeu, kàtsu, Ŋaablà re Màsàbee twɛy rìì laa.

အခန်းကိုကြည့်ပါ။ ကော်ပီ

« အရင်

ပြန်တက်သွားပါ။ ⬆

နောက်တစ်ခု »

Matsiyù 5:10
30 ပူးပေါင်းရင်းမြစ်များ

Matsiyù 10:23

Àwà, yè byɛnbee shì e ra nèe wɔ̀ rèe ɲan, ye vwɛ̀yn be nèe ɲan. Sààben na, mun nì ci e ra, sani ye yè Isirayɛli jamaan wɔ̀ rèè sapɛ dzii tsi dò, Adamà dziàn nà sèè na.

အခန်းကိုကြည့်ပါ။

Matsiyù 19:14

Yesù ci tɔ̀un ci: «Y'a to dziin nèè yè nà n na, e maà è jɔun shu nàà tsɛ waa. Nìì reè ni è tsuru, Jìrànxɔɔ̀ Màsàbee twɛy rìì laa.»

အခန်းကိုကြည့်ပါ။

Tà doùn, nìì reè ni màsà kpir'là sirama sia rè, à nà dzin twɛy rà ci: "Mun Fà Ŋaabla dzwɛ kuɔn ye nìì reè mà, ye nà. Màsà gane riì mabyɛ̀n tsùuŋnà ye re fɔ dziɲaan jɔ̀n bwey, ye nà dɔ̀n mɔn, y'a bà e re shɛn.

အခန်းကိုကြည့်ပါ။

Matsiyù 5:3

«Nìì reè y'à jàa ye gbaɔ̀ Ŋaablà kajaa tsɛ, twɛy raa wùbeu, kàtsu Ŋaablà re Màsàbee twɛy rìì laa.

အခန်းကိုကြည့်ပါ။

Marikì 10:14

Yesù tɔ̀ goò jàu min niì, è dɔ̀n à kpɛyn. È dzin kàràndzin neè rà ci: «Y'a to dziin nèè yè nà n na, e maà è jɔun shu nàà tsɛ waa. Nìì reè ni è tsuru, Ŋaablà re Màsàbee twɛy rìì laa.

အခန်းကိုကြည့်ပါ။

Marikì 10:30

tɔ̀ tsìfa nà twɛy gè rèè tsuru càànmoò mòò tàrà mìin dziɲan ree doùn. À nà gba ì tàrà, è tseyn ko tsina ì tàrà, è na ì tàrà, è dzin ì tàrà, è dzu ì tàrà, è byɛnbe ì sa tarà. Waatsi nakɔɔn doùn, è jaamabe dziù dòbɛɛ tàrà.

အခန်းကိုကြည့်ပါ။

Lukì 21:12

Ŋà, sani twɛy goo rèè sapɛ yeè fa, è nà ye kun, yè ye byɛn cèreoma. È nà bè ye ka ŋaablabegba rèè doùn, yè kitsi kunun ye tsɛ. Yè ye ji kàsoò doùn. È nà bè ye ka màsa ì, ko jàmààntsi ì rè. Tɔ̀ sapɛ nà fa ye ra mun tsoò kamà.

အခန်းကိုကြည့်ပါ။

Lukì 22:29

Tɔ̀ doùn, mun fà Ŋaabla e re Màsàbee labau mun na nìi tsuru, mun sa y'a labau ye ra tà tsuru.

အခန်းကိုကြည့်ပါ။

Lukì 6:20

Tɔ̀ ɲan, Yesù yè e jaà ɲansen, è re kàràndzin neè siin, è dzin è ra ci: «Ye nìì reè gbakɔɔn reè, ye raa wùbeu, kàtsu, ye nìn ni Ŋaablà re màsàbee ɲàn.

အခန်းကိုကြည့်ပါ။

Lukì 6:22

Mòdzian ye ba ye kpɛynbee, yè e nɔn ye re, yè ye ɲɛ̀ɛn, yè ye tsoo ɲaan kir'là Adamà dziàn tsoò kamà, ye raa wùbeu.

အခန်းကိုကြည့်ပါ။

Yùxanà 15:20

Mun gooma niì dèu ye ra, ye e taa to tɔ̀ re. Mun dziun ye ra ci: "Faagoofadzian na blà e kuntsiɛ̀ mà waa." Yè ba byɛnbe ɲɛun mun tsɛ, è nà byɛnbe ɲɛn ye sa tsɛ. Yè ba mun ne goomaa tou e duùn, è nà ye raà sa to e duùn.

အခန်းကိုကြည့်ပါ။

Kɛɛradzin neè faadziɛ 5:40

È byɛ̀un tɔ̀ mà, yè kɛɛradzin neè sèè kiri dɔ̀n e shɔùn. È nàu wɔ, yè è dɔrɔ sɛɛn ka, yè dzin è ra, ci ye mà à myɛ̀n, ci è goomau Yesù tsoo ka dɛ. Tà shɔ̀ùn, yè kòmànà è bàji, ci yè bèe.

အခန်းကိုကြည့်ပါ။

Kɛɛradzin neè faadziɛ 8:1

Nìi Sɔlì, tɔ̀ sa kpɛ̀ynto yè e tsiiŋ Etsiyɛnìn vua rà. È sen tɔ̀ jisee rà, yè byɛnbe xɔù mɛɛy ɲɛynamoo kur'là tsɛ Yerusalɛmùn wɔ̀ɔ̀ min niì sapɛ. Tɔ̀un, è sapɛ yeè vwɛ̀yn jee Yude mar'la, ko Samari mar'la ɲàn. Kɛɛradzin neè bàsɔùn nì yè to.

အခန်းကိုကြည့်ပါ။

Korɛntsika reè fiiraa 4:17

Àwà ɲe re nèe waatsi ree byɛnbee, tɔ̀ ŋɔn fyɛn è bà dɔ̀n boò. À nɔɔrɔ ko nɔɔrɔ rìì mà byɛn tsùɔ ɲe re, dò na ni nìi mà waa.

အခန်းကိုကြည့်ပါ။

Filipika reè 1:28

E maà à to e ɲan rèè yè e baàbaa kàjaa pɛn tsɛ ye shi waa. Tɔ nà à kpàdè è ra, ci è ni e bar'la gè doùn, ye yè bà ni e tsià gè doùn, tɔ̀ niì boo Ŋaablà re.

အခန်းကိုကြည့်ပါ။

Tsìmotè fiiraa 2:12

Mùn sàn gbaunma ye to à kpɛyn, mùn nà màsàbee fa ko à ka. Mùn to ye e dziira tsɛ à ra, à sa nà e dziira tsɛ mùn nà.

အခန်းကိုကြည့်ပါ။

Tsìmotè fiiraa 3:11

Goo xɔ xɔù nìì reè ko byɛnbe niì reè sapɛ mun tàrau Antsiyɔshì ko Ikoniyɔmùn ko Lisìrì wɔ̀ rèè ɲàn, twɛy yè bà à tɛ̀y. Tɔ̀ goo xɔù kɛ̀n ni ci mun na à tsi n ma ! Ŋà Tsìfaà mun tsi bou tɔ̀ sapɛ ɲan.

အခန်းကိုကြည့်ပါ။

Yàkubà 1:12

Àwà, mòò riì byɛnbee tsià e ma e sɔn màsiinkɔɔn waatsi rɔn, tɔ̀ tsìfa raà wùbeu. À raà wùbeu, kàtsu à sɔ̀n màsiin dòumaà shɔ̀ùn, Ŋaabla nìi làyiri seòn e kɛnbaa rèè rè, tɔ̀ yeè bà jaamabe dziù dòbɛɛ màsà baanflaa, à nà tɔ̀ tàrà.

အခန်းကိုကြည့်ပါ။

Yàkubà 5:11

Àwà, nìì reè yè e mɔɲɔun, yè byɛnbee tsi e ma, mùn ci twɛy raa wùbeu. Yɔbù yè e mɔɲɔun nìi tsuru è byɛnbee tsi e ma, ye tɔ̀ goomaa myɛ̀un. Tsìfaà nàu nìi fa à re à latanma nɔ̀n, ye tɔ̀ sa tɔ. Tɔ fau, kàtsu wùù ni Tsìfaà ɲàn fɔ è bè geren, è bà màtsur'la.

အခန်းကိုကြည့်ပါ။

Yùxanà jɔ̀naà 3:12

N mà bà a ci Kayinìn tsuru waa, tɔ̀ niì bàu ɲan Sùtan'naa, è tseyn kpir'la vu. Feera à y'à vu ? Kàtsu à faadziɛ na ɲaan, tseyn kpirimaa raà yè bà na tereòn.

အခန်းကိုကြည့်ပါ။

Goo kpàdèuma rèè 2:10

Byɛnbe niì nà wo tàrà, maà shi tɔ̀ jɔun waa. Sànwɔbaà nà ye swey ji kàso doùn, è bà ni ye dzuun bo. Tà doùn, ye nà bwèy tsyeùn byɛnbe fa. Bà vusootsi è bè suu fɔ saàn dzu. Tà tsuru, mun nà jaamabee màsà baanflaa sìn wo ra.

အခန်းကိုကြည့်ပါ။

ကြှနျုပျတို့နောကျလိုကျပါ:

ပံ့ပိုးပေးထားသော လင့်ခ်များ

ကြော်ငြာတွေ

Matsiyù 5:10 - Bible Dzùùngoo Unicode

Matsiyù 5:1030 ပူးပေါင်းရင်းမြစ်များ

Matsiyù 5:10
30 ပူးပေါင်းရင်းမြစ်များ