အွန်လိုင်း သမ္မာကျမ်းစာ

« အရင်

နောက်တစ်ခု »

Matsiyù 4:23 - Bible Dzùùngoo Unicode

²³ Àwà, Yesù na tsyeere beè Galile mar'la min niì sapɛ, è mòdzian kàràn beè è re ŋaablabegba rèè doùn. À Ŋaablà re Màsàbee kùnàgoo dziɔ̀ dè beè, è mòdzian rè ɲìn'nèè kuan sapɛ cɛrɛmabeè, ko è byɛnma rèè sapɛ, jàmaà fi.

အခန်းကိုကြည့်ပါ။ ကော်ပီ

« အရင်

ပြန်တက်သွားပါ။ ⬆

နောက်တစ်ခု »

Matsiyù 4:23
46 ပူးပေါင်းရင်းမြစ်များ

Matsiyù 11:5

Ye bè dzin à ra ci: «Jaana reè jɛ̀y faa, mùrùku reè jìɛ, byèèma reè cɛrɛmabeè, yè fɛnɛbe, torokper'neè myɛ̀yn faa, fùn nèè sèè kpunaàn, Kùnàgoo Dziɔ̀ yè bà dèe gbakɔɔn reè rà.

အခန်းကိုကြည့်ပါ။

Matsiyù 12:9

Tà shɔ̀ùn, Yesù yè bo mɔn, è dɔ̀n be è re ŋaablabegbaà doùn.

အခန်းကိုကြည့်ပါ။

Matsiyù 13:19

"Shìmàndzin neè bèu tɔrɔn shi dzii niì rè, mòdzin neè swey ni tɔ̀ shi dziɛ rìì tsuru. È Ŋaablà re Màsàbee goomaa myɛ̀ɛn, ŋà è na à dzin seen waa. È nìi myɛɔ̀n, Sùtana nàa tɔ̀ bo è duùn.

အခန်းကိုကြည့်ပါ။

Matsiyù 13:54

À lamɔ̀nɔun wɔ̀ nìi ɲàn, è bè mɔn, è bè mòdzian kàr'na è re ŋaablabegbaà doùn. À re kàr'nà ji ɲaanfaa suun mòdzian dzii tsɛ, fɔ è bè wɔ yè teè faa ci: «Nèe yè bà nèe akiriblabe rèe boo min ? È bà kabagoo goo reè faa dzi tarau dzùrù ?

အခန်းကိုကြည့်ပါ။

Matsiyù 14:14

À bèu bo konkor'na doùn min niì, è jàma brìsi jà. Àwà è ɲììɲii y'à kun. Tɔ̀un è ɲan ɲìnìnkɔɔn reè, è twɛy cɛrɛmabe.

အခန်းကိုကြည့်ပါ။

Matsiyù 24:14

Ŋaablà re Màsàbee Kùnàgoo Dziù rèe nà dè dziɲantsiɛ min niì sapɛ, è bà shɛɛrɛbe dziɲantsiɛ kun neè sapɛ re. Tà shɔ̀ùn, dziɲan lataan yè kòmànà wɔ.

အခန်းကိုကြည့်ပါ။

Matsiyù 3:2

À dziàn ci: «Ye e tsiì e re gooɲaan nà, ye e re jaamabee fau'n kur'la lakere, kàtsu Jìrànxɔɔ̀ Màsàbee waatsi tsyɛnbeò.»

အခန်းကိုကြည့်ပါ။

Matsiyù 9:35

Yesù na tsyeere beè wɔ̀ blà bla reè ko wɛ̀ɛ̀rìì reè sapɛ doùn, è mòdzian kàràn beè è re ŋaablabegba rèè doùn. À Ŋaablà re Màsàbee kùnàgoo dziɔ̀ dè beè, è mòdzian rè ɲìn'nèè kuan sapɛ cɛrɛmabeè, ko è byɛnma rèè sapɛ.

အခန်းကိုကြည့်ပါ။

Marikì 1:14

Àyìwà Yùxanà kun jiumaà shɔ̀ùn kàsoò doùn, Yesù yè dɔ̀n be Galile mar'lɔùn, è Ŋaablà re Kùnàgoo Dziɔ̀ waajibia faa.

အခန်းကိုကြည့်ပါ။

Marikì 1:21

Àwà, tà shɔ̀ùn, Yesù ko e re kàràndzin neè yè dɔ̀n be Kapɛrinaxumùn wɔ̀ rɔ̀n. Ɲànwɔsiɛ̀ nàu wɔ, è bè dɔ̀n ŋaablabegbaà doùn, è mòdzian kàr'na.

အခန်းကိုကြည့်ပါ။

Marikì 1:39

Yesù yè bèe tɔ̀un Galile mar'la min niì sapɛ, è Ŋaablà re goomaa gbango beè è re ŋaablabegba rèè doùn, è kwey rèè kaa boò kweykɔɔn reè kpɛyn.

အခန်းကိုကြည့်ပါ။

Marikì 3:10

Àwà, à na ɲìnìnkɔɔn giri cɛrɛmabeo nìi fa, tɔ̀ kamà, gɔunta na ni gè o ge ra, twɛy sapɛ na vwɛ̀ɛ à kpɛyn, ye yè bà ni e dzyɛn à ra.

အခန်းကိုကြည့်ပါ။

Marikì 6:2

Ɲànwɔsiɛ̀ nàu wɔ, è bè dɔ̀n ŋaablabegbaà doùn, è maa, è mòdzian kàr'na. Nìì reè sapɛ na e toro wɔɔ à re, à na jiɔ̀ twɛy giri dzii tsɛ, yè dziàn ci: «È bà nèe tàrau min ? Tsì ye bà nèe akiriblabe rèe sìun à ra ? È bà nèe kabagoo goo ree reè faa dzùrù ?

အခန်းကိုကြည့်ပါ။

Marikì 6:6

È re ɲɛynabɛybeè na jiɔ̀ à dzii tsɛ. Tɔ̀un è bèe è lagur'la wɔ̀ rèè ɲàn, è mòdzian kàràn beè.

အခန်းကိုကြည့်ပါ။

Lukì 10:9

Ɲìnìnkɔɔn niì reè ni tɔ̀ wɔ̀ɔ̀ doùn, ye twɛy cɛrɛmabe. Tà shɔ̀ùn, ye dzin à wɔ̀ dòùn dzin neè rà, ci Ŋaablà re Màsàbee waatsi tsyɛnbe naɔ è ra.

အခန်းကိုကြည့်ပါ။

Lukì 13:10

Sii sɔn see, Yesù na mòdzian kàr'nà ŋaablabegba sɔn doùn. À na ɲànwɔsii rìì mà.

အခန်းကိုကြည့်ပါ။

Lukì 16:16

Tà shɔ̀ùn, Yesù yè dzin kɔn ci: «Àwà, nìi Ŋaablà re kɛɛra Musà raa sàrìyaa, ko kɛɛra dzyee reè raa kìtaabu rèè goomaa, twɛy to tsùuŋ sààn fur'lu, fɔ è bè suu mòdzìn jààràfoobaa Yùxanà raa waatsia dzu. Tà doùn, è sen fɔ Mòdzìn Jààràfoobaa Yùxanà raa waatsia rà, Ŋaablà re Màsàbee kùnàgoo dziɔ̀ ni dèè rà. Mòdzian sapɛ yeè e ɲinmàxɔbeò, yè bà ni dɔn.

အခန်းကိုကြည့်ပါ။

Lukì 20:1

Àwà, sii sɔn see, Yesù na mòdzian kàr'na Ŋaablà re gbà blàa doùn, è bà è toro kɔ̀ɔ Kùnàgoo Dziɔ̀ rà. Tɔ̀un, Saaka Jɔundzin neè, ko Sàrìyà Kaamoo reè, ko bɔɔ rèè yè nà à kpɛyn.

အခန်းကိုကြည့်ပါ။

Lukì 4:14

Tà sapɛ shɔùn, Yesù yè sèè na Galile mar'lɔùn, Ŋaablà re Dzia fàan yè bà ni à ɲan. À tsoò na boo tɔ̀ gàneè màr'là min niì sapɛ.

အခန်းကိုကြည့်ပါ။

Lukì 5:17

Kààmoo swey na ni Dzyèèsìbee mòdzin neè ɲàn, yè bà na twɛy kir'là ci Faridziɲɛn rèè. Sii sɔn see, è Yesù to kàr'nà nà, tɔ̀ y'a tàrà, twɛy Faridziɲɛn rèè swey ko Sàrìyà Kaamoo reè swey sa na tsùuŋnà mòdzian ɲàn, yè bà e toro wɔɔ à re. Twɛy Faridziɲɛn rèè, ko twɛy Sàrìyà Kaamoo reè swey na boo Galile mar'la wɔ̀ rèè sapɛ, ko Yude mar'la wɔ̀ rèè sapɛ, ko Yerusalɛmùn wɔ̀ rɔ̀n, yè nà. Mùn Tsìfa Ŋaablà re Dzia na ni Yesù ɲàn, è bà dzia ɲìnìnkɔɔn reè cɛrɛmabeè.

အခန်းကိုကြည့်ပါ။

Lukì 6:17

Àyìwà, Yesù yè jàà bo jèèn tsɛ tɔ̀un, ko e re kɛɛradzin neè ka, è nà e tsiì gàne vɛ̀ɛ̀ sɔn ɲan. À re kàràndzin neè giri na ni mɔn, ko mòò giri kpɛrɛkuru ì. Twɛy mòdzin neè swey na boo Yerusalɛmùn, swey yè bo Yude mar'la gàne rèè swey ɲàn, swey yè bo kòòyù dziɛ tɛyn wɔ̀ rèè ɲàn, nìì reè kir'là ci Tsiirì, ko Sidɔ̀n.

အခန်းကိုကြည့်ပါ။

Lukì 6:6

Àyìwà, ɲànwɔsii sɔn ma kɔn, Yesù yè bè dɔ̀n ŋaablabegbaà doùn è mòdzian kàràn. Tɔ̀ y'a tàrà kpiri sɔn ni mɔn, tɔ̀ raa sirama sia yè bà na saɔn.

အခန်းကိုကြည့်ပါ။

Lukì 7:21

Tɔ̀ waatsia yɛ̀r'la ɲàn, Yesù ɲìnìnkɔɔn giri cɛrɛmabeu. È ɲìnìnkɔ̀ɔ̀n ɲan giri cɛrɛmabe. È kweykɔɔn gir'le kwey kaa bo è kpɛyn. È jaana giri jaa dzii san.

အခန်းကိုကြည့်ပါ။

Lukì 7:22

Tà shɔ̀ùn, Yesù yè kòmànà Yùxanà rè kɛɛra fii rèè rè goomaa latsi ci: «Ye nìi jàu tà ko ye nìi myɛ̀un, ye bè twɛy lakɛɛ̀y Yùxanà nà. Ye bè dzin à ra ci: Jaana reè jɛ̀y faa, mùrùku reè jìɛ, byèèma reè cɛrɛmabeè, yè fɛnɛbe, torokper'neè myɛ̀yn faa, fùn nèè sèè kpunaàn, Kùnàgoo Dziɔ̀ yè bà dèe gbakɔɔn reè rà.

အခန်းကိုကြည့်ပါ။

Lukì 8:1

Twɛy goo rèè sapɛ shɔùn, Yesù yè dɔ̀n beè wɔ̀ blà bla reè ko wɛ̀ɛ̀rìì reè ɲàn, è waajibia fa beè, è Ŋaablà re Màsàbee Kùnàgoo Dziɔ̀ dè beè mòdzian nà, è bèe. À re kàràndzin teeŋ fii rèè na ni ko à ka.

အခန်းကိုကြည့်ပါ။

Lukì 9:11

Mòdzian nàu è bèma tɔ̀ min niì, yè bè è kpɛyn mɔn. Tɔ̀un, è nàu wɔ Yesù tsɛ, à yè è kuun'n kuru wuu fa. È Ŋaablà re màsàbee gooma de è ra. Ɲìnìnkɔɔn niì reè to na à gaa à re, ci è ye cɛrɛmabe, è twɛy sa cɛrɛmabe.

အခန်းကိုကြည့်ပါ။

Lukì 9:60

Yesù sa yeè dzin à ra ci: «À to fùn nèè yè e re fùn nèè wɔ. Nìi wo, bè mòdzian toro kɔ̀ Ŋaablà re Màsàbee Kùnàgoo rà.»

အခန်းကိုကြည့်ပါ။

Yùxanà 18:20

Yesù yè dzin à ra ci: «Mun gooma niì sapɛ deu mòdzian jaa ra, mun na à pɛn dè mɛnɛn doùn waa. Kudɛyn, mun na mòdzian kàr'na ŋaablabegba rèè doùn, min bà è kàr'na Ŋaablà re gbà blàa rà, Dzyèèsìbee mòdzin neè sapɛ yeè e ladzyèe twɛy gàne nìì reè ɲàn. Mun na gèsɔn pɛn dè gòndo ɲan waa.

အခန်းကိုကြည့်ပါ။

Yùxanà 6:59

Àwà, Yesù twɛy gooma reè rìì dèu Kapɛrinaxumùn wɔ̀ɔ̀ ŋaablabegbaà doùn, è bà na mòdzian kàr'na.

အခန်းကိုကြည့်ပါ။

Yùxanà 7:1

Àyìwà, tà shɔ̀ùn, Yesù yè bèe Galile mar'la min niì sapɛ. À naà n'a re wò yeè bè Yude mar'la tsyeere waa, kàtsu, Dzyèèsìbee mòdzin neè jɔundzin neè na à gaa mɔn, ci ye nà à vu.

အခန်းကိုကြည့်ပါ။

Kɛɛradzin neè faadziɛ 10:38

Ŋaablà to yè e re Dzi Fɛnɛɛ jàaŋ Nazarɛtsika kpiri Yesù tsɛ nìi tsuru, è fààn sin à ra, ye tɔ tɔ̀. Ye yè bà à tɔ̀ sa, ci Yesù fùu tɔ̀un, è tsyeeree beè jàmaàn min niì sapɛ, è goowùɔ fa beè. Sànwɔbaà byɛnbe jiɔ̀ nìì reè sapɛ tsɛ, è twɛy sa cɛrɛmabeè, kàtsu Ŋaablà na ni à re.

အခန်းကိုကြည့်ပါ။

Kɛɛradzin neè faadziɛ 18:4

Ɲànwɔsii sapɛ, Polì na bèe ŋaablabegbaà rà, è bè gooma Dzyèèsìbee mòdzin neè, ko kun kpɛrɛ mòdzin neè ka. À na à gaa goomaa doùn, wò yeè dzi è dzuun.

အခန်းကိုကြည့်ပါ။

Kɛɛradzin neè faadziɛ 20:25

Àwà, è sen dòònuùn nà, è mun to ye fi, mun Ŋaablà re Màsàbee gooma deu ye nìì reè sapɛ jaa ra, m'a tɔ̀ ye sɔn jaa fa ɲɛn mun mà dɛ.

အခန်းကိုကြည့်ပါ။

Kɛɛradzin neè faadziɛ 28:31

À na mòdzian toro kɔ̀ɔ Ŋaablà re Màsàbee goomaa nà. Goo o goo to ni Ŋaablà Jaara Moo Tsìfa Yesù rè goò ɲàn, à akiri tsùuŋma na mòdzian kàr'na tɔ̀ ra e saoma.

အခန်းကိုကြည့်ပါ။

Ɔ̀rɔ̀mùnka reè 10:15

À waajibi to nà dzi fa è ra dzùrù, ni mòò na kaɔ ? Àwà à sɛbɛɔ̀n Ŋaablà re Goomaa doùn nèe tsuru ci: «Nìì reè nàa kùnàgoo dziù dè, twɛy sàn nèè na gè wùbè san !»

အခန်းကိုကြည့်ပါ။

ကြှနျုပျတို့နောကျလိုကျပါ:

ပံ့ပိုးပေးထားသော လင့်ခ်များ

ကြော်ငြာတွေ

ကြော်ငြာတွေ