Matsiyù 4:10 - Bible Dzùùngoo Unicode

¹⁰ Yesù ci à ra tɔ̀un ci: «Bo n tɛyn Sùtana ! È ɲɛn à tsɛ, à sɛbɛɔ̀n Ŋaablà re Goomaa doùn ci: "A Tsifa Ŋaablà rii blàbe, e goo fa tɔ̀ soo pe re."»

Matsiyù 4:10 ပူးပေါင်းရင်းမြစ်များ

Matsiyù 16:23

Yesù yè e jaa kere, è dzin Piyɛr'là ci: «Bo n tɛyn, e bè jɔun, Sùtànà modzìn ! Wo mun sàn nà baan kpàà rii. Wo nìi kɛ̀sɛɛ̀, tɔ̀ ko Ŋaablà raà na soo waa, à mòdzin ì kɛ̀sɛu'n kur'li.»

Marikì 1:13

È to mɔn, è bè tàrà fɔ bwèy dzyèè. Tɔ̀ sapɛ ɲan, Sùtana y'à dzuun bo siɛ̀n. À na ni jòònshu reè fi mɔn, mɛ̀rɛ̀kɛ rèè yè bà na à màgoo wubee.

Lukì 10:18

Yesù yè dzin è ra ci: «Taki ! Mun na Sùtana bokɔɔn jaà jìran nɔ̀n, è nà mɛɛ̀ a ci ŋaà myɛ̀ɛn nìi tsuru.

Lukì 11:18

Àwà, Sùtana to ye fu e yɛrɛ kpɛyn è tara ɔ, à re màsàbee to ni e san gban ɔ ? W'a tɔ̀, ye ci mun kwey rèè kaa boò mòdzian kpɛyn kwey rèè kùntsiɛ̀ tsoò barakaà rìì ɲàn, nìi Baalizebulì.

Lukì 13:16

Nèe tàan nìi yɛ, à Ibraximà tsua mòdzian sɔn ni. Sùtana y'à byɛɔ̀n, à jii teeŋ ŋaalòn nì yɛ. Ye re o, mun ye tɔ̀ cɛrɛmabe ɲànwɔsiɛ̀ mà, tɔ̀ na wù ɔ̀ ?»

Lukì 22:3

Tɔ̀un, Yesù rè kàràndzin teeŋ fii rèè ɲàn, nìi tsoo ci Yudasì Sikariyɔtsika kpir'là, Sùtana yè dɔ̀n tɔ̀ ɲan.

Lukì 22:31

Tà shɔ̀ùn, Tsìfa Yesù yè dzin Shimɔ̀n nà ci: «Shimɔ̀n, Shimɔ̀n ! A yɛrɛ kun: Sùtana y'à gaaŋnà, ci wo nà ye sapɛ ɲan yuuyuu siin a ci mòo shìmàndzin yuuyuu boò e ɲaan ɲàn nìi tsuru.

Lukì 4:8

Yesù yè dzin à ra ci: «À sɛbɛɔ̀n Ŋaablà re Goomaa doùn nèe tsuru ci: "A Tsifa Ŋaablà rii blàbe, e goo fa tɔ̀ soo pe re."»

Yùxanà 13:27

Tɔ̀ bur'la dziu sìn Yudà rà min niì, Sùtana yè dɔ̀n à ɲan. Yesù yè dzin à ra tɔ̀un ci: «Wo sào ni wo yè nìi fa, tɔ̀ fa tabe !»

Kɛɛradzin neè faadziɛ 26:18

Mun wo ka bèe è re, sànko wo yè bè è jaa dzii san, yè bo tsitsiì rɔ̀n, yè nà vyevyeè ɲàn. Sùtana fààn niì ɲinaɔn è mà, yè bo tɔ̀ ɲan, yè nà Ŋaablà ra, sànko yè ɲɛn mun na, è re gooɲaan tsìɛ̀ yè mɛɛy bo vu ra. Nìì reè to Ŋaablà raa, tɔ shɛn nìi kuru, è sa yeè tɔ̀ tàrà, nìi yɛ, yè bà Ŋaablà raa."»

Kɛɛradzin neè faadziɛ 5:3

Piyɛrì yè Ananiyasì tey tɔ̀ rii ɲàn ci: «Ananiyasì, è bà dzùrù wo y'à to Sùtana yè dzi wo dzuun nèe tsuru. Wo Ŋaablà re Dzi Fɛnɛɛ màniin ! Nìi bàu wo re dzùà ɲɛɛn, wo tɔ̀ sɔn mɛnɛn tou a re, wo yè kòmànà à dzyeè sen na sìn.

Korɛntsika reè jɔ̀naà 5:5

tɔ mòò riì, è wɔ Sùtana suun, gè riì ni à to à gɔɔ̀n yè bara, à xɔɔn yè bà ni tsiuma tàrà Tsìfaà raa jisee sii sèè.

Korɛntsika reè jɔ̀naà 7:5

Tà doùn, e maà e si xɔ̀n waa. E dzia byɛ̀n à mà nì ye waatsi to Ŋaabla mafyɛɛ̀n kamà. Tà shɔ̀ùn e dzia sèè e si ma, gè riì ni à to e ma nà gba e yɛrɛ dzuun, tɔ̀ ye bà saabu Sùtana yè e dzuun bo waa.

Korɛntsika reè fiiraa 11:14

Tɔ̀ na jia mòò dzii tsɛ waa, è ɲɛn à tsɛ Sùtana sa yeè e lakere baà vyevyeè mɛ̀rɛ̀kɛ.

Korɛntsika reè fiiraa 12:7

Twɛy goo kpàdèuma rèè bàu kabagoo goo nìi tsuru, goo rìi ni à to mun mà n yɛrɛ blabe, daa sɔn jiu mun tsùn nɔ̀n, nìi yɛ Sùtan'ne mɛ̀rɛ̀kɛɛ̀ sɔn si wɔu mun tsɛ, mun mà nà to n yɛrɛ blabe waa.

Korɛntsika reè fiiraa 2:11

Tà tsuru, Sùtana fa nà dzi tarà mùn tsɛ waa, kàtsu mùn na fìriɔ̀ à duungoo mà waa.

Yàkubà 4:7

Tɔ̀ kamà, ye koron Ŋaablà re. Nìi to Sànwɔbaà, ye e maban tɔ̀ re. Tɔ̀ ye fa, à nà vwɛ̀yn è dan gbànbe ye ra.

Piyɛrì jɔ̀naà 5:9

Ye dzun wɔ à ra, e san gbaunma yè to ɲɛynaà doùn. Ye b'a tɔ̀ ci byɛnbe riì ni ye tsɛ, tɔ̀ soo rìì ni ye neema dzyee reè sa tsɛ dziɲantsiɛ doùn.