အွန်လိုင်း သမ္မာကျမ်းစာ

« အရင်

နောက်တစ်ခု »

Matsiyù 3:7 - Bible Dzùùngoo Unicode

⁷ Àwà Yùxanà y'à jàu Faridziɲɛn rèè giri, ko Sadusiɲɛn rèè giri nàa, sànko wò yeè è jaara foò Ŋaablà re shia goo rèè rà, è dzin è ra ci: «Fɔnfwɛyn kuru ì, tsì rii vwɛ̀yn jaa kpàdèu ye ra, Ŋaablà re vununta nàkɔɔn jɔun ?

အခန်းကိုကြည့်ပါ။ ကော်ပီ

« အရင်

ပြန်တက်သွားပါ။ ⬆

နောက်တစ်ခု »

Matsiyù 3:7
49 ပူးပေါင်းရင်းမြစ်များ

Matsiyù 12:24

Tɔ̀ goomaa myɛ̀unmaà Faridziɲɛn rèè rè, yè dzin ci: «A ye nèe jà à kwey rèè kaa boò mòdzian kpɛyn, à y'à faa kwey rèè kùntsii blàa rìì baraka ɲan, tɔ̀ niì kir'là Baalizebulì.

အခန်းကိုကြည့်ပါ။

Matsiyù 12:34

È fɔnfwɛyn kur'là jà ! Ye dzia gooma wuu ì dè dzùrù, ye to na gè ɲànbè san ! Goo nìì reè duɔ̀n tsyɛɔ̀n, dziɛ̀ twɛy rìì dèe.

အခန်းကိုကြည့်ပါ။

Matsiyù 15:12

Tɔ̀un, kàràndzin neè yè e kpɛrɛ̀ à ra, yè dzin à ra ci: «Wo to yè bà à tɔ̀ ci wo re goomaa myɛ̀unmaà Faridziɲɛn rèè ɲìniun dɛ ?»

အခန်းကိုကြည့်ပါ။

Matsiyù 16:1

Àyìwà, Faridziɲɛn rèè swey, ko Sadusiɲɛn rèè swey yè nà e kpɛrɛ̀ Yesù rà. È ni à re y'à dzuun bo nìi fa, yè dzin à ra ci è tàànmàshɛn kabagoomaa sɔn fa ye jaa ra, è bo jìrànxɔ rɔ̀n.

အခန်းကိုကြည့်ပါ။

Matsiyù 16:6

Yesù yè dzin è ra ci: «Ye e yɛrɛ kaàwɔ Faridziɲɛn rèè ko Sadusiɲɛn rèè rè buru fu geè rà !»

အခန်းကိုကြည့်ပါ။

Matsiyù 22:15

Àwà Faridziɲɛn rèè yè bè e si jà tɔ̀un, y'à siin, ye ye ba ni dzi myɛ̀ɛ̀n ɲɛn Yesù jɔun nìi tsuru gooma ka, y'a kun.

အခန်းကိုကြည့်ပါ။

Matsiyù 22:23

Àyìwà, tɔ̀ sii sèè ko e sa, Sadusiɲɛn rèè swey yè bè Yesù rè. Sadusiɲɛn rèè rìì ci fùn nèè sèè kpunan na ni waa. Tà doùn, yè Yesù tey.

အခန်းကိုကြည့်ပါ။

Matsiyù 22:34

Àwà, Faridziɲɛn rèè toro jiu à ɲan min niì ci Yesù Sadusiɲɛn rèè dzu ciun, è sa yeè e ladzyèè tɔ̀ gàne sɔ̀n nɔ̀n.

အခန်းကိုကြည့်ပါ။

Matsiyù 23:33

È myɛn reè jà ! Fɔnfwɛyn kuru ! Y'a kɛ̀sɛɛ̀ ci ye nà dzi e vwɛyn dzùrù, ye yè e dan gbànbe jààndamaan kitsia rà.

အခန်းကိုကြည့်ပါ။

Matsiyù 5:20

Àwà, mun nì ci e ra, ye raa terenbee ma geren Sàrìryà Kaamoo reè ko Faridziɲɛn rèè raà tsɛ fyeu, dɔ̀n goòmà na ni ye mà Jìrànxɔɔ̀ Màsà ganee doùn waa.

အခန်းကိုကြည့်ပါ။

Marikì 12:13

Tɔ̀un, yè Faridziɲɛn rèè swey, ko màsà kpiri Erodzì kpɛyn dzin neè swey ka à kpɛyn, gè riì ni à to twɛy yè bè myɛ̀ɛ̀n ɲɛn à jɔun, y'à kun e dzugoomaa ka.

အခန်းကိုကြည့်ပါ။

Marikì 12:18

Àyìwà, tà shɔ̀ùn Sadusiɲɛn rèè swey yè nà à kpɛyn. Sadusiɲɛn rèè rìì ci fùn nèè fa sèè kpunan waa. Tà doùn, twɛy y'à tey. È ci:

အခန်းကိုကြည့်ပါ။

Marikì 8:15

Yesù to y'à dè màxɔbe è ra ci: «Y'a jàa dɛ, ye e yɛrɛ kaàwɔ Faridziɲɛn rèè rè buru fu geè, ko Erodzì rè buru fu geè rà.»

အခန်းကိုကြည့်ပါ။

Lukì 16:14

Àyìwà, Faridziɲɛn rèè dziu twɛy gooma reè myɛ̀n Yesù dzu min niì, yè jiran à mà, kàtsu è na ɲɛɛn kɛ̀niɔ̀n fɔ è bè geren.

အခန်းကိုကြည့်ပါ။

Lukì 18:11

Faridziɲɛn kpir'là, è bè e tsiì e san tsɛ, è Ŋaablà mafyɛ̀ɛn e duùn nèe tsuru ci: "Ŋaablà, n ne tswɛ̀y ni a re, kàtsu, mun na ni a ci mòdzìn dzyee reè tsuru waa. Twɛy nìì reè shɔnbeè faa, è gooɲaan faa, yè bà ɲànmɔ̀ɔ̀bee faa. N ne tswɛ̀y yeè bà ni a re, kàtsu, mun na ni a ci nèe xɔnsɔɔntsibaa rèe tsu waa.

အခန်းကိုကြည့်ပါ။

Lukì 7:30

Ŋà, nìi Faridziɲɛn rèè, ko Sàrìyà Kaamoo reè, Ŋaablà na nìi gaaŋnà twɛy rè, yè e nɔun tɔ̀ mà. È to na e tsiì Yùxanà yè ye jaaraa fòò waa.»

အခန်းကိုကြည့်ပါ။

Yùxanà 1:24

Mòdzin niì reè na ka beò Yùxanà rè, twɛy na Faridziɲɛn ì.

အခန်းကိုကြည့်ပါ။

Yùxanà 8:44

Ye fàà rìì Sànwɔbaà, nìi to y'à sàɔ, ye sa sao ni, ye yè tɔ̀ rii fa. Sùtana, tɔ bàu vuifabaa fɔ goo rèè dzunjɔn bwèy, à na to sààbeen tsɛ waa, kàtsu, sààben soo, tɔ̀ na ni à ɲan waa. À ye ba doò dèe, à yɛ̀r'la juɔ nìi, à tɔ̀ rii dèe, kàtsu, à doodebaa, è ba doò fàà.

အခန်းကိုကြည့်ပါ။

Yùxanà 9:40

Yesù twɛy gooma reè dèe waatsi riì bwèy, Faridziɲɛn rèè swey na ni à ka. Twɛy tɔ̀ myɛ̀un min niì, y'à tey ci: «Ɲe do, ɲe sa jaana ì tɔ̀un gbɛ ?»

အခန်းကိုကြည့်ပါ။

Kɛɛradzin neè faadziɛ 15:5

Tɔ̀ y'a tàrà, kàràndzin neè swey na ni ɲɛynamoo kur'là mòdzin neè ɲàn, twɛy yè bà na bà dɔɔ̀n Faridziɲɛn. Tɔ̀un, twɛy mòdzin neè yè dzin, ci kàràndzin niì reè kun kpɛrɛ mòdzin ì, fɔ twɛy yè shɛn n dzi, yè kɛɛra Musà rè sàrìyaa shia jìì.

အခန်းကိုကြည့်ပါ။

Kɛɛradzin neè faadziɛ 20:31

Tà doùn, e maà cìi dɛ ! Ye e taa to, ci è bè tàrà fɔ jii zhiigi feèn ko bwèè sa, kudɛyn, mun na ye mòò sɔ̀n sɔ̀nkɔɔn sapɛ latsia fɔ mun bèe jaayu boò waatsia sɔn ɲan.

အခန်းကိုကြည့်ပါ။

Kɛɛradzin neè faadziɛ 26:5

Ɲe re mòò rèè rè dzinɛɛ doùn, shi niì xɔ shi dzyee reè sapɛ ma, tɔ̀ yeè bà Faridziɲɛn rèè raà, mun sa na ni tɔ̀ rii ɲàn. Dzyèèsìbee mòdzin neè ma e nɔn fyeu, è dzia tɔ̀ sààben de. Tà doùn, fɔ waatsi gbaan, è mun tɔ̀.

အခန်းကိုကြည့်ပါ။

Kɛɛradzin neè faadziɛ 5:17

Tɔ̀un, tà goò jaaɲininbe yè Saaka Jɔundzin blaa ko e kpɛyn dzin neè sapɛ kun, è ci fɔ yè goo bo à ɲan. Twɛy rìì na Sadusiɲɛn rèè raa kur'la mòdzin neè.

အခန်းကိုကြည့်ပါ။

Ɔ̀rɔ̀mùnka reè 1:18

Àwà, mòdzian shibɛybeè Ŋaablà jɔun ko è re terenbɛybeè kamà, Ŋaablà re vununtaà yè e kpadeò è bo jìran nɔ̀n. È re terenbɛy goo reè saabu rɔ̀n, è sààbeen màmɛnɛɔn.

အခန်းကိုကြည့်ပါ။

Ɔ̀rɔ̀mùnka reè 5:9

Tà doùn, è ba kpàdèu nòn ci ɲe tereòn à tsìɛn baraka rɔ̀n, fèe y'à toò kɔn ɲe fa tsi Ŋaablà re vununtaà rà à baraka rɔ̀n ?

အခန်းကိုကြည့်ပါ။

Tesalonikika reè jɔ̀naà 1:10

Ye tɔ̀ fau, ye yè bà ni à Dzin Kpir'la sèè naà màshu è bo jìrànxɔɔ̀ doùn, nìi Yesù, à tɔ̀ niì kpunan bou fùn nèè fi, è bà mùn tsià Ŋaablà re vununta nàkɔɔn nà.

အခန်းကိုကြည့်ပါ။

Dzyèèsìbee mòdzin neè 11:7

Nuùn ɲɛunmaà kamà Ŋaablà ra, Ŋaabla goo nìì reè dèu à ra, ci è nà fa, twɛy jàbɛ̀ybeè ko e raà sa, Nuùn e si kuun Ŋaablà re goomaa nà. È konkoron bla gbaan lamɔ̀nɔ̀n, sànko à ko e re mòdzìnbee yè tsi. Tà tsuru, à kitsi mɛrɔun e raa waatsia mòdzian tsɛ. À to ɲɛn niì fau Ŋaablà ra, Ŋaablà y'a kpàdèu mòdzin tereonma tɔ̀ kamà.

အခန်းကိုကြည့်ပါ။

Dzyèèsìbee mòdzin neè 6:18

Àwà, làyir'là ko kɛ̀ɛ̀, twɛy goo blà bla fiɛ̀ na dzia lakere waa. Ŋaablà to yè bà ni doò dè è doùn, tɔ̀ na dzia fa waa. Ɲe nìì reè vwɛ̀rɔɔ̀n ɲe yè e kungɔ mɛnɛn Ŋaablà re, tɔ̀ goò ɲe màxɔ̀ɔn cèreoma, à y'à to ɲe ye e si xɔbe arì she Ŋaablà re làyiri seunmaà tsɛ ɲe re.

အခန်းကိုကြည့်ပါ။

Yùxanà jɔ̀naà 3:10

Nèe kàjaa ree rìì y'à toò Ŋaablà dzin nèè ko Sànwɔbaà dzin nèè yè tɔ̀ bo e si ɲan: mòò o moò na terenbee shi jiɛ, ko mòò o moò na e neemasia kɛ̀ɛn waa, tɔ̀ na Ŋaablà raa waa.

အခန်းကိုကြည့်ပါ။

ကြှနျုပျတို့နောကျလိုကျပါ:

ပံ့ပိုးပေးထားသော လင့်ခ်များ

ကြော်ငြာတွေ

ကြော်ငြာတွေ