အွန်လိုင်း သမ္မာကျမ်းစာ

« အရင်

နောက်တစ်ခု »

Matsiyù 3:11 - Bible Dzùùngoo Unicode

¹¹ Mun kpɛ̀yn ye jaara foo yu rìì ka, è kpàdè ci ye yè e re jaamabee fau'n kur'la lakereò. Ŋà mòo nàa mun shɔ̀ùn, fàan ni nìi ɲàn, è geren mun tsɛ. Arì min bà ni tɔ̀ re seereyn neè bo à sàn nà, mun na wù tà tsu ka waa. Tɔ nà ye jaara foò Ŋaablà re Dzi Fɛnɛɛ ko sàà rìì ka.

အခန်းကိုကြည့်ပါ။ ကော်ပီ

« အရင်

ပြန်တက်သွားပါ။ ⬆

နောက်တစ်ခု »

Matsiyù 3:11
29 ပူးပေါင်းရင်းမြစ်များ

Matsiyù 3:6

È na e tsiɛ e re gooɲaan fauma rèè rà y'à dè. Y'à to, Yùxanà yè è jaara foò Ŋaablà re shia goo rèè rà Yuridɛn ba rɔn.

အခန်းကိုကြည့်ပါ။

Marikì 1:4

Àwà twɛy gooma reè dèu mòò riì tsɛ, tɔ̀ yeè bà mòdzìn Jààràfoobaa Yùxanà, tɔ̀ yeè e kungɔ bo jènjàà kor'nà doùn. È waajibia faa, ci mòdzian yè e re jaamabee fau'n kur'la lakere, y'à to è jaara yeè fòò Ŋaablà re shia goo rèè rà, è re gooɲaantsiɛ yè bà ni mɛɛy bo è vu ra.

အခန်းကိုကြည့်ပါ။

Lukì 1:17

À nà nà, è nà Ŋaablà jɔun lamɔ̀nɔ̀n tsùù. Ŋaablà re Dzia fàan yè bà ni à ɲan, jàci Ŋaablà re kɛɛra Àliì raà tsuru, è dzin ko fà kpɛ̀rɛ̀ e si ra. Nìì reè yè e nɔɔ̀n Ŋaablà re, è twɛy sa duungoo lakere, yè akiri tàrà mòdzin tereonma rèè tsuru. Tà tsuru, à nà mòdzin ì màbyɛ̀n tsùù mùn Tsìfaà jɔun.»

အခန်းကိုကြည့်ပါ။

Lukì 3:16

Yùxanà yè dzin è sapɛ ra tɔ̀un ci: «Mun, mun kpɛ̀yn ye jaara foo Ŋaablà re shia goo rèè rà ko yu rìì ka, ŋà, mòo nà nà, dzi ni nìi ɲàn è geren mun tsɛ. Arì, mun yè bà ni à re seereyn fɛɛ̀ foro, mun na wù tà tsu ka waa. Tɔ nà Ŋaablà re Dzi Fɛnɛɛ ko sàà rìì ka ye jaara foò Ŋaablà re shia goo rèè rà.

အခန်းကိုကြည့်ပါ။

Lukì 3:3

Tɔ̀un, gàne nìì reè sapɛ ni Yuridɛn ba dziɛ wòòɲaan ɲàn, Yùxanà yè fù, è dɔ̀n beè twɛy ɲàn, è waajibia faa nèe tsuru ci: «Ye re jaamabee fau'n kur'la lakere, y'a to yè e jaara foò Ŋaablà re shia goo rèè rà, tɔ̀ ɲan Ŋaablà nà e re gooɲaantsiɛ mɛɛy bo e vu ra.»

အခန်းကိုကြည့်ပါ။

Yùxanà 1:15

Yùxanà y'à shɛɛrɛbe fau, à gbango ci: «Mun mòò riì gooma deu ye ra, ci à nà nà mun shɔ̀ùn, tɔ ni mun jɔun, è bà blà mun mà, kàtsu à na ni tsuù nòn, tɔ̀ y'a tàrà mun naà ni ŋe waa.»

အခန်းကိုကြည့်ပါ။

Yùxanà 1:30

Mun wò rii gooma deu nèe tsuru ci: "Kpiri sɔn nà nà mun shɔ̀ùn, tɔ ni mun jɔun, è bà blà mun mà, kàtsu à na ni tsuù nòn, tɔ̀ y'a tàrà, mun naà ni ŋe waa."

အခန်းကိုကြည့်ပါ။

Kɛɛradzin neè faadziɛ 1:5

Yùxanà mòdzian jaara fooŋ Ŋaablà re shia goo rèè rà ko yu rìì ka. Ŋà, nìi ye, ye jaara nà fòò ko Ŋaablà re Dzi Fɛnɛɛ rìì ka. Sani bwèy dànman, tɔ nà fa.»

အခန်းကိုကြည့်ပါ။

Kɛɛradzin neè faadziɛ 19:4

Polì yè dzin è ra tɔ̀un ci: «À sààben, nìì reè sàò na ni yè e re jaamabee fau'n kur'la lakere, Yùxanà na twɛy jaara foo, è bà na dziàn Isirayɛlì mòdzin neè rà sa, ci mòò riì nà nà wò shɔ̀ùn, tɔ̀ yeè bà Yesù, ci yè ɲɛn tɔ̀ ra.»

အခန်းကိုကြည့်ပါ။

Kɛɛradzin neè faadziɛ 8:36

Tɔ̀un, yè geren e re jìɛ̀ rè yè bè wɔ gàne sɔn ɲan, yu ni mɔn. Etsiyopika kpir'là yè dzin jaa soo ci: «Yuà yɛ nèe, fee y'à toò mun jaara mà fòò Ŋaablà re shia goo rèè rà ?»

အခန်းကိုကြည့်ပါ။

Kɛɛradzin neè faadziɛ 8:38

À tà dèu min niì, yè wòtòr'la tsìì. Wòtòr'la tsìiŋ, Fìlipù ko Etsiyopika kpir'là sa yeè jàà bo à doùn, yè jàà yu rɔ̀n. Fìlipù y'à jaara foò Ŋaablà re shia goo rèè rà.

အခန်းကိုကြည့်ပါ။

Korɛntsika reè jɔ̀naà 12:13

À tɔ̀ tsuru, è ɲɛn à tsɛ, mùn sapɛ jaara fòoŋ tɔ̀ Dzi soo rìì baraka ɲan, mìn bà gɔnkungɔ soo. Dzyèèsìbee mòdzin sen ɲɛn kun kpɛrɛ tsɛ, jòn sen ɲɛn xɔrɔn tsɛ. Mùn sapɛ to yè e miun tɔ̀ Dzi soo rìì baraka ɲan.

အခန်းကိုကြည့်ပါ။

Efɛsika reè 3:8

Mun nìi Ŋaablà re mòò rèè sapɛ ɲan kiɲaaniàn, à yè e ɲanwùù reè kɛ̀ɛ̀yfau mun nì mà, nìi yɛ min Kùnàgoo Dziɔ̀ dè kun kpɛrɛ mòdzin neè rà, Kirisà ɲàn nàforo dan tɔ̀ bɛɛ.

အခန်းကိုကြည့်ပါ။

Tsitè 3:5

à mùn tsiu. Àwà à na mùn tsi, mùn yɛ̀r'la rè faadzii wuu fauma kamà terenbe doùn dɛ, ŋà à yɛ̀r'la rè màtsur'la rìì kamà, à mùn tsiu. Tɔ fau è ɲɛn mùn fòoŋmaà tsɛ, mìn kere yeu, tà ko Ŋaablà re Dzi Fɛnɛɛ mùn laker'liì fau, mìn bà yeu.

အခန်းကိုကြည့်ပါ။

Piyɛrì jɔ̀naà 5:5

Tɔ̀ soo tsuru, ye dzunwɛyn neè sa yeè e majàà bɔɔ rèè rè. E re goo rèè doùn e ko e si fi, e sapɛ yeè e majàà e si re, è ɲɛn à tsɛ à deò Ŋaablà re Goomaa doùn ci: «Nìì reè blà e yɛr'le, Ŋaablà kaa faa twɛy ka, è bà e ɲanwùɔ kpàdèe mòdzin majàaŋma rèè rà.»

အခန်းကိုကြည့်ပါ။

ကြှနျုပျတို့နောကျလိုကျပါ:

ပံ့ပိုးပေးထားသော လင့်ခ်များ

ကြော်ငြာတွေ

ကြော်ငြာတွေ