Matsiyù 28:18 - Bible Dzùùngoo Unicode

¹⁸ Yesù yè e kpɛrɛ̀ tɔ̀un, è gooma è ka. À ci: «Dzia sapɛ dzyeèma sìun mun na, jìrànxɔɔ̀ doùn ko dzɔ̀nxɔɔ̀ tsɛ.

Matsiyù 28:18 ပူးပေါင်းရင်းမြစ်များ

Matsiyù 11:27

Yesù yè dzin kɔn ci: «Mun Fàà gè sapɛ wɔu mun suun. Àwà Fàà soo boshɔ̀ùn, mòò pɛn na à tɔ̀ Dzin Kpirimaa mòò riì waa. Mòò pɛn tsu to na Fàà tɔ̀ à mòò riì waa, Dzin Kpirimaa soo boshɔ̀ùn, ko Dzin Kpirimaa sào ni, à y'à kpàdè mòò riì rà.

Matsiyù 16:28

Sààben na, mun nì ci e ra, nìì reè tsìiŋnà mìin, swey fa san fyeu ni è na Adamà dziàn nàkɔɔn ja e re màsàbee doùn.»

Matsiyù 26:64

Yesù yè dzin à ra ci: «Wo rìì y'à dèu. Ŋà, mun nì ci e ra, nèe shɔ̀ùn, ye nà Adamà dziàn tsùuŋma jà Dzitsi Ŋaablà sirama si jaa rè, tà shɔ̀ùn, y'a nàkɔɔn ja jìrànxɔ rɔ̀n mun'na tsɛ.»

Lukì 10:22

Yesù yè dzin kɔn ci: «Mun Fàà gè sapɛ wɔu mun suun. Àwà Fàà soo boshɔ̀ùn, mòò pɛn na à tɔ̀ Dzin Kpirimaa mòò riì waa. Mòò pɛn tsu to na Fàà tɔ̀ à mòò riì waa, Dzin Kpirimaa soo boshɔ̀ùn, ko Dzin Kpirimaa sào ni, à y'à kpàdè mòò riì rà.»

Yùxanà 13:3

Yesù na à jaa tɔ̀, ci Fà Ŋaabla goò sapɛ dzyeèma wɔɔ wò suun, wo daun w'e bo Ŋaablà rii lè, wò to nà e kpɛyn sèè wò rii lè.

Yùxanà 17:2

Tɔ̀ fa, kàtsu wo fààn siun à ra, è bà ni dziɲan modzian sapɛ kuùn. Tà tsuru, wo nìì reè sapɛ wɔɔ à suun, è jaamabe dziù dòbɛɛ sìn twɛy rà.

Yùxanà 3:31

Mòò riì boo jìrànxɔ rɔ̀n, tɔ ni gè sapɛ kuùn. Nìi to dzɔ̀nxɔ̀ tsɛ̀ dzin, tɔ dzɔ̀nxɔɔ̀ raa rìì, è bà dzɔ̀xɔɔ̀ tsɛ raa goo rèè gooma deè. Mòò riì kpɛ̀yn daɔn jìrànxɔ rɔ̀n, tɔ ni gè sapɛ kuùn.

Yùxanà 3:35

Fà Ŋaablà Dzin Kpir'la goo dzi à ra, à to gè sapɛ wɔɔ à suun.

Kɛɛradzin neè faadziɛ 10:36

Ŋaablà yeè e re goomaa dèu Isirayɛlì mòdzin neè rà, nìi Kùnàgoo Dziɔ̀. À tɔ̀ xɛɛrɛ goòmàà dèu è ra, è bo à Jaara moo Yesù rìì ɲàn, tɔ̀ riì mòdzian sapɛ tsifaà.

Kɛɛradzin neè faadziɛ 2:36

Piyɛrì yè geren goomaa ka kɔn ci: «Tà doùn, ye Dzyèèsìbee Mòdzin neè sapɛ wù y'a tɔ̀, ye yè ɲɛn à ra cɛyn, ci ye tɔ̀ Yesù nìi gbaun gɔɔ̀ rà, Ŋaablà wò rii bou e Jaara Modzìn, à y'à bà Tsìfaà.»

Ɔ̀rɔ̀mùnka reè 14:9

Àwà, a y'a jà Kirisà yè san è sèè kpunan, tɔ fau nì, è bà ni ba fùn nèè ko jaama reè sa kuntsii.

Korɛntsika reè jɔ̀naà 15:27

Àwà, a ci Ŋaablà re Goomaa y'à deò nìi tsuru, Ŋaabla gè sapɛ wɔu à sàn dzuun. Ŋà à ye dzin «gè sapɛ wɔɔ à sàn dzuun», à fyɛɔ ci nìi gè sapɛ wɔɔ à sàn dzuun, tɔ̀ dzii na ni waa.

Kolosika reè 2:10

Ye dziitsyɛunma ni à ɲan, wò riì kùntsii rèè ko fààntsi rèè sapɛ kuntsiɛ̀.

Dzyèèsìbee mòdzin neè 1:2

Ŋà dòònuùn, nèe waatsi latan nee doùn, à goomau mùn ka, è bo e Dzin Kpir'la ɲàn. Àwà, Ŋaabla gè sapɛ ɲɛun è bo wò rii ɲàn, à to gè sapɛ tsifàbe wɔɔ wò rii suun.

Dzyèèsìbee mòdzin neè 2:8

Wo gè sapɛ wɔu à sàn dzuun.» Àwà, Yè dzin ci Ŋaabla gè sapɛ wɔu à sàn dzuun, tɔ̀ dzuɔn ci, gèsɔn pɛn na ni, nìi na ni à sàn dzuun waa. Mùn to na gè sapɛ wɔuma jàa à sàn dzuun ŋe waa.

Piyɛrì jɔ̀naà 3:22

À tèyn bèu jìrànxɔɔ̀ doùn, è bà tsùuŋnà mɔn Ŋaablà sirama si jaa rè. Mɛ̀rɛ̀kɛ rèè ko kùntsii rèè, ko dzibaabe reè sapɛ koroòn à re.

Goo kpàdèuma rèè 11:15

Àyìwà, mɛ̀rɛ̀kɛɛ̀ ɲɛ̀ɛ̀nùnaa yè vur'la fyɛ tɔ̀un. Gooma vu blà ì yè bo jìrànxɔɔ̀ doùn, twɛy dziàn ci: «Dòònuùn, dziɲaan màsàbee wɔu mùn Tsìfa Ŋaablà ko e Jaara Moò suun. À nà màsàbee fa waatsi sen ɲɛn waatsi tsɛ.»

Goo kpàdèuma rèè 17:14

Twɛy ko sààtòmòìriɛ nà kaà fa, sààtòmòìriɛ to nà dzi è ra, kàtsu tɔ tsìfa rèè raa Tsìfaà, è bà màsa reè raa Màsaa. À re mòdzin kiriuma rèè, ko à jaara modzìn nèè, ko à ka vusootsi rèè rìì nà dzi è ra esire.»

Goo kpàdèuma rèè 19:16

Tsoo sɔn sɛbɛɔ̀n à re mɛ̀yɛɛ ko à geen tsɛ, nìi yɛ ci: «Màsa reè raa Màsaa, ko tsìfa rèè raa Tsìfaà.»