Matsiyù 27:35 - Bible Dzùùngoo Unicode

³⁵ Àyìwà, y'à gban gɔɔ̀ rà tɔ̀un, yè kaan ji, y'à re vya rèè tanan e si ra.

Matsiyù 27:35 ပူးပေါင်းရင်းမြစ်များ

Lukì 23:34

Yesù gbaunmaà yè to gɔɔ̀ rà mɔn, è dzin ci: «Mun Fàà, nìì reè yɛ nèe faa mun na, a yɛrɛ to è re, kàtsu è na à tɔ̀, è nìi faa waa.» Tɔ̀ faumaà shɔ̀ùn, yè Yesù rè vya rèè tanan e si ra. È ci e ye è tanan, yè kaan ji à ra.

Yùxanà 20:20

Tɔ̀ dèumaà shɔ̀ùn Yesù rè, è si rèè ko e gaakaa kpàdè è ra. Yesù jàumaà kàràndzin neè rè, tɔ̀ yeè è taama dzibe, fɔ è bè geren.

Yùxanà 20:25

Kàràndzìn dzyee reè yè nà dzin à ra tɔ̀un ci: «Ɲe Tsìfaà jàu.» Ŋà, Tomà yè dzin è ra ci: «Myɛ̀ɛ̀n nìì reè ka à gbaun, mun ma tɔ̀ fyɛ̀ɛ̀ jà à sitaa rèè doùn, min siiniɛn wɔ è fyɛ̀ɛ̀ shɔ̀ùn, mun to mà n sià wɔ à gaakaa vɔ̀ tsɔ̀maà rè fyeu, mun fa ɲɛn à ra waa.»

Yùxanà 20:27

Tà shɔ̀ùn, è dzin Tomà nà ci: «Tomà, nà a siiniɛn ka, e nà à wɔ n sià kɔ̀ɔ̀ rè a siin. Nà a sià ka, e nà à wɔ n gaakaa rè. Maà bà mòdzin, nìi na ɲɛɔ̀n Ŋaablà ra waa, to e bà ɲɛɔ̀n à ra.»

Kɛɛradzin neè faadziɛ 2:23

Mòdzian y'à wɔ nìi fau ye suun, Ŋaablà na tɔ̀ tɔ̀ bɔrɔɔ è kòrò à ɲan twɛ̀ɛ ka, è bà na e tsiiŋnà à faa rà. Àwà, ye rìì to bàu à wɔbaa rèè mòdzin ì suun, nìì reè na Ŋaablà tɔ waa, twɛy y'à gban gɔɔ̀ rà, y'à vu.

Kɛɛradzin neè faadziɛ 4:10

Àyìwà, ye sapɛ, ko Isirayɛlì mòdzian sapɛ, ye bà à tɔ̀, ci a y'a jà nèe kpir'lee cɛrɛmabeu gbereyn gbereyn, è nà e tsiì ye jaaterema mìin, à Nazarɛtsika kpiri Ŋaablà Jaara Moo Yesù tsoò barakaà rìì. Ye nìi gbaun gɔɔ̀ rà, y'a vu, tà shɔ̀ùn, Ŋaablà y'a fa, è sèè kpunan bo saàn ɲàn, à wò rii.»