Matsiyù 27:2 - Bible Dzùùngoo Unicode

² Àwà yè Yesù shì tɔ̀un, yè b'a ka jàmààntsi Pilatsì rè, y'à wɔ tɔ̀ suun.

Matsiyù 27:2 ပူးပေါင်းရင်းမြစ်များ

Matsiyù 20:19

È nà à wɔ kun kpɛrɛ mòdzin neè suun, twɛy y'à ɲanŋmɛn, y'à dɔrɔ sɛɛn ka, y'à gban gɔɔ̀ rà. Bwèy zhììgi à saunmaà shɔ̀ùn, è sèè kpunan bo saàn ɲàn.»

Matsiyù 28:14

Jàmààntsià y'a goomaa myɛ̀n, ɲe nà e maxɔbe ɲe yè dzi à dzuun, ye raa yè bo à ɲan.»

Lukì 13:1

Tà waatsi rɔn, mòdzin swey yè nà Yesù kpɛyn. È nàu wɔ, yè dzin à ra, ci jàmààntsi Pilatsì mòdzin swey bàji beu yè bè Galileka swey vu, tɔ̀ y'a tàrà twɛy Galileka reè na e ree saaka ì boò.

Lukì 20:20

Tɔ̀un, yè e maa yè Yesù kààwɔɔ̀. Àwà, yè siin tɔ̀un, yè nanmara moo ì ka à kpɛyn. Tà tsuru twɛy ye be wɔ, yè e yɛrɛ ba mòdzin cereoma ì, gè riì ni à to yè dzi myɛ̀ɛ̀n ɲɛn à jɔun, y'à kun e dzugoomaa sɔn ka. Tɔ̀ ye fa, è nà dzi à wɔ fàan suun, tɔ̀ yeè sàrìyaa vwɛ̀yn à tsɛ.

Lukì 23:1

Tà shɔ̀ùn, kitsi kunun kur'là sapɛ dzyeèmaa yè fù, yè dɔ̀n be Yesù ka jàmààntsi Pilatsì rè.

Lukì 23:12

Tɔ̀ sii sèè ko e sa, Erodzì ko Pilatsì yè bà dzunwɛynsima ì. Tɔ̀ to y'à tàrà è na e si ɲan ì nì.

Lukì 3:1

Àyìwà, màsa bla riì nàu tsùù Ɔ̀rɔ̀mùn jamaan kùùn tà shɔ̀ùn, è bà ni jàmaan giri kùùn, tɔ̀ màsaa tsoo na ci Tsibɛrì. Tsibɛrì raa màsàbee jii teeŋ nunaa nà, kpir'liì na Yude mar'la raa jàmààntsià, tɔ̀ tsoo na ci Pɔɔnsi Pilatsì, è ba ɔ̀rɔ̀mùka. Nìi Galile mar'la, tɔ̀ jàmààntsià tsoo na ci Erodzì. Màrà fii sɔn na ni, ci Ituri ko Tarakonitsì. Twɛy raa jàmààntsià tsoo na ci Fìlipù, è bà Erodzì raa tsìnà kpiri. Màr'lìi tsoo na ci Abilɛnɛ̀, tɔ̀ jàmààntsià tsoo na ci Lizaniyasì.

Yùxanà 18:12

Tɔ̀un, kaadzin kur'là mòdzin neè ko e kuntsiɛ̀ ko Ŋaablà re gbà blàa kplatsuubaa rèè yè Yesù kun, y'à shì.

Yùxanà 18:24

Tɔ̀un, Yesù si rèè shì tsùuŋmaà, Anì y'à bàji be Kàyifè rè, Saaka Jɔundzin bla yee.

Yùxanà 18:28

Tà shɔ̀ùn, yè bo ko Yesù ka Kàyifè rè. Ɔ̀rɔ̀mùnkà kpiri jàmààntsi rìi tsoo ci Pilatsì, yè b'a ka tɔ̀ re jàmààntsì gbaà doùn. Tɔ fau gbishɛɛ̀mà mur'lɔùn nì. Nìi Dzyèèsìbee mòdzin neè jɔundzin neè, twɛy na e tsiì yè dɔ̀n jàmààntsì gbaà doùn waa, kàtsu y'à jàu, ci ye ye e gbiiman kun kpɛrɛ mòdzin neè ɲàn, tɔ nà ye noo, ye fa dzi Geren n tsɛɛ̀ sɛr'là ɲwɛɛ̀n ɲɔn waa.

Kɛɛradzin neè faadziɛ 12:6

Àwà, Erodzì na nà Piyɛrì bo kàsoò doùn gbey tsuru, è kitsi. Fen nɔ̀n, Piyɛrì na shiɔ̀ jɔ̀rɔ̀kɔ fii ka, è bà ɲɛɔ̀n, è ciɛ̀ kaadzin fii shiɲaanfi. Tɔ̀ y'a tàrà kaadzin neè swey sa na ni kàsò gbà dziɛ rà, twɛy yè bà tɔ̀ kplatsuɔ.

Kɛɛradzin neè faadziɛ 21:33

Kaadzin kuntsii blaa yè e kpɛrɛ tɔ̀un, à y'à to yè Polì kun, è shia sìn, ci y'à shì jɔ̀rɔ̀kɔ fii ka. Tà shɔ̀ùn, è tey fa ci, à tsì rii, à to fee rìì faɔ̀.

Kɛɛradzin neè faadziɛ 22:25

Kaadzin neè yè dɔ̀n Polì ka tɔ̀un, y'à shì, ci ye nà à dɔrɔ sɛyn ka. È ci e y'a dɔrɔ, kaadzin jɛrɛ̀blàtsi rìi na tsìiŋnà mɔn, Polì yè tɔ̀ tey ci: «Àwà, sàrìyaa mòò riì baɔ̀ Ɔ̀rɔ̀mùnka, à dàaŋnà sàrìyaa doùn, ye y'à tsìfa ban, kitsi mà bà kùnuɔ̀n à tsɛ ɔn ?»

Kɛɛradzin neè faadziɛ 22:29

Polì dziu tɔ̀ dè min niì, nìì reè na nà à ban, è bà ni gooma fàan nà, twɛy sapɛ yeè bo à tɛyn tɔ̀ nɔ̀nkɔɔrɔn. Kaadzin kuntsii blaa dziu à tɔ̀ min niì, ci wo mòò shiɔ̀ sàrìyaa nìi kpàdeò ci à Ɔ̀rɔ̀mùnka, è shi.

Kɛɛradzin neè faadziɛ 24:27

Jii fii tà shɔ̀ùn, Fèlisì yè bo mɔn, mòò kpɛrɛ yè tsùù jàmààntsìbee tsɛ. Tɔ̀ tsoo na Pɔrisiyusì Fɛsitusì. Fèlisì sàò na n'a re wò tsoo dzi yeè bà ni Dzyèèsìbee mòdzin neè dzu nìi fa, è Polì to kàsoò doùn.

Kɛɛradzin neè faadziɛ 28:20

Tɔ̀ rii kamà, mun y'à gaa ye ko mun yè e si jà, min gooma ye ka. Àwà, e nèe jɔ̀rɔ̀kɔ ree reè jà mun na, Isirayɛlidzin neè si xɔ nìi tsɛ, à tɔ̀ rii kamà !»

Kɛɛradzin neè faadziɛ 3:13

Ŋà, Ibraximà rè Ŋaablà ko Ishakà rè Ŋaablà ko Yàkubà rè Ŋaablà, ɲe fàbɔɔ rèè rè Ŋaablàa, tɔ̀ rii yè e re faagoofadzin Yesù blàbee kpàdeò nèe goo rèe ka. Ye wò rii wɔu fàan suun, ci à y'à vu. Pilatsì sàò to na ni à re, wò y'a bàji. Ŋà, ye yè e nɔun à re Pilatsì jaa ra, ci ye na à tɔ̀ waa.

Kɛɛradzin neè faadziɛ 4:27

Kàràndzin neè yè geren màfyɛɛ̀n rè ci: «Àwà, Tɔ̀ gooma niì yɛ nèe à sààben taki rii, kàtsu Erodzì, ko Pɔɔnsi Pilatsì, ko mòdzìn dzyee reè, ko Isirayɛlì mòdzian, è byɛ̀un soo ma wɔ̀ rèe doùn Yesù kùùn. Tɔ̀ niì wo re faagoofadzin fɛnɛɛ, wo yè bà à boo a jaara.

Kɛɛradzin neè faadziɛ 9:2

À y'à gaa tɔ̀ re, ci è sɛbɛn ì fa, nìì reè dzia à to mòdzian gè o ge gbaɔn Tsìfa Yesù raa shia kpɛyn, Dàmasì wɔ̀ rɔ̀n, kpiri sen ɲɛn tàan tsɛ, twɛy yè shì na Yerusalɛmùn. Tɔ̀ tsuru, twɛy sɛbɛn neè dzia bè sìn sìn be ŋaablabegba rèè doùn Dàmasì wɔ̀ rɔ̀n.

Tsìmotè jɔ̀naà 6:13

Ŋaablà riì jaamabee sìan gè sapɛ ra, ko Yesù Kirisà rìi shɛɛrɛbe wuu bou Pɔɔnsi Pilatsì jaaterema, twɛy jaa ra, mun nìi jia wo jɔun, tɔ̀ rii siin:

Tsìmotè fiiraa 2:9

Tɔ̀ Kùnàgoo Dziɔ̀ kamà, mun byɛɛn, fɔ min bè shì jɔ̀rɔ̀kɔ ra a ci gookoronfabaa. Ŋà Ŋaablà re goomaa na shiɔ̀ waa.

Dzyèèsìbee mòdzin neè 13:3

Ye e taa to kàsòdzin neè rè, a ci ye sa yeè è sɔn ni. Nìì reè to kuun'n kuru ɲaan faɔ̀, ye e taa to twɛy sa re, kàtsu, tɔ̀ gɔn soo rìì ni ye sa re, à dzia nìi sa tarà.