Matsiyù 27:19 - Bible Dzùùngoo Unicode

¹⁹ Tà doùn, Pilatsì tsùuŋmaà kitsikununma nɔ̀n, à re tààn yè nèe kɛɛrɛbe rèe ka à re, è dzin à ra ci: «Maà a san ji nèe mòdzin tereonma rèe re goò ɲàn dɛ ! Mun byɛn gereun feèn dzuun sìrààn ɲàn à kamà.»

Matsiyù 27:19 ပူးပေါင်းရင်းမြစ်များ

Matsiyù 1:20

À ni tɔ̀ goò kɛ̀sɛɛ̀ rà, Tsìfaà rè mɛ̀rɛ̀kɛ sɔn yeè e yɛrɛ kpadè à ra sìràn ɲàn, è dzin à ra ci: «Dawudà tsua dzin Yusufù, maà shi e Mariyamùn bà a re tààn waa. Don nìi yɛ à ɲan, à tɔ̀ seòn Ŋaablà re Dzi Fɛnɛɛ baraka rɔ̀n nì.

Matsiyù 2:19

Àyìwà Erodzì saunmaà shɔ̀ùn, Tsìfaà rè mɛ̀rɛ̀kɛ sɔn yeè e yɛrɛ kpadè Yusufù rà sìràn ɲàn Misiran jamaan nɔn.

Matsiyù 2:22

Àwà à myɛ̀unmaà à re ci Arikelayusì rìì tsùuŋnà Yude mar'la màsàbee tsɛ e fa Erodzì tsɔ̀saan ɲàn, mɔn bèè y'à shi. Tɔ̀un Ŋaablà y'a sɔ̀nmiun sìràn ɲàn, è dɔ̀n be Galile mar'lɔùn.

Matsiyù 27:18

Àwà Pilatsì na à tɔ̀, ci Yesù jaaɲininbe rìì kamà, y'à wɔɔ wò suun.

Matsiyù 27:24

Àwà Pilatsì nàu à jà wò fa gèsɔn pɛn wùbe à ɲan dɛ, màànkaan blàbe beè vu rìi mà à blàbe beè tɔ̀ vuà rìì mà, è yu sen è sira foò jàmaà jaa ra, è dzin è ra ci: «Nèe kpir'lee vua na n ne goo, à ye rìì lè goo.»

Matsiyù 27:4

À bèu wɔ, è dzin ci: «Mun gooɲaan fau. Mun mòò sìun san na jààma na ni nìi rà waa.» Twɛy yè dzin ci: «Tɔ̀ na ɲe re shi, à wo rìì kùùngoo.»

Lukì 23:41

Nìi yɛ faa ɲe ra nèe, à ni e shi tsɛ, kàtsu ɲe nìi fau, tɔ̀ tɔ̀n'nà nì yɛ ɲe tsɛ. Ŋà, nèe do, à fee soo rii faɔ̀ ?»

Lukì 23:47

Tɔ fau min niì, kaadzin jɛrɛ̀blàtsi rìi na tsìiŋnà mɔn, tɔ tɔ̀ jàu, è tsoo dzi ɲɛn Ŋaablà tsɛ, è dzin ci: «Sààben ci yè e de, nèe kpir'lee na mòdzin tereonma nì !»

Yùxanà 19:13

Àwà, Pilatsì twɛy gooma reè myɛ̀un min niì, è Yesù bo da rɔ̀n kɔn. Jàmààntsì gbaà gàne sɔn na ni, à dzɔɔ̀n lamɔ̀nɔɔ̀n wùù ko kpàa ka, Dzyèèsìbee mòdzin neè rè kungoòmàà ɲàn, è na tɔ̀ gàneè kir'là: 'Gàbatà'. Àwà, Pilatsì yè nà e tsuù e re kitsi kun'na tsùùràgee tsɛ tɔ̀ gàne rɔ̀n.

Kɛɛradzin neè faadziɛ 12:21

Tà doùn, Erodzì yè jisee tsuù, ci byɛ̀n nèe goomaa nà dè tɔ̀ sii sèè. Tɔ̀ jisee wɔu, Erodzì yè e re màsà vya reè ji e ma, è nà e tsuù e re màsà gbaaniɛn tsɛ, è kaangoo ji jàmaà nà.

Kɛɛradzin neè faadziɛ 18:12

Àwà, jàmààntsi sɔn na ni, ci Galiɲɔn, è bà na tsùuŋnà jàmàan sɔn kuùn, ci Akayì. Tɔ̀ jàmààntsià raa waatsi rɔn, Dzyèèsìbee mòdzin neè yè byɛ̀n fa Polì kùùn, y'à kun, yè b'a ka kitsi kunun kur'là mòdzin neè rè.

Kɛɛradzin neè faadziɛ 18:16

Galiɲɔn tà goomaa dèu, à yè dzin yè bo kitsikununma nɔ̀n.

Kɛɛradzin neè faadziɛ 18:17

Àwà, mòò riì na ŋaablabegbaà kùntsiɛ̀ tɔ̀un, ci Sɔsitɛnìn, jàmaà yè dzyèè tɔ̀ ra, y'à ban cɛyn kitsi kunun kur'là mòdzin neè jaa ra. Galiɲɔn y'a bà, a ci wò na ni tsu.

Kɛɛradzin neè faadziɛ 25:10

Polì yè dzin ci: «Mun tsìiŋma yɛ Ɔ̀rɔmùn màsà kpiri blàa raa kitsi kunun kur'là mòdzin neè rìì bììn, twɛy rìì to wù, yè mun naa kitsia kùnùn. Mun na goo terenbɛy pɛn faɔ̀ Dzyèèsìbee mòdzin neè rà, wo yɛ̀r'la sa tɔ̀ tɔ̀ cɔ.

Kɛɛradzin neè faadziɛ 25:17

Tà doùn, è to yè nà mun ka mìin. Mun tsu na à goò ɲancinbe dɛ waa. Tɔ̀ raa gbey rɔn ko e sa, mun yè bè n tsuù kitsikununma nɔ̀n, m'a to yè nà kpir'la ka.

Kɛɛradzin neè faadziɛ 25:6

Tɔ̀un, Fɛsitusì na geren bwèy ŋaalòn, bwèy tsyeùn tsuru tsɛ Yerusalɛmùn waa, è kpɛyn sèè Sezare. Tɔ̀ raa gbey rɔn, è bè e tsuù kitsikununma nɔ̀n, ci yè nà Polì ka.

Piyɛrì jɔ̀naà 2:22

À na gooɲaan fa, nanmara goòmà pɛn to na bo à dzu.

Yùxanà jɔ̀naà 2:1

N ne dziniin ì, mun nèe sɛbɛn nee fa siàn ye ra, gè riì ni à to ye mà gooɲaan fa waa. Sɔn to ye gooɲaan fa, dzwɛ̀mabaa ni mùn ne Fà Ŋaablà tɛyn, nìi Yesù Kirisà, tɔ̀ niì tereòn.