Matsiyù 25:41 - Bible Dzùùngoo Unicode

⁴¹ Tà shɔ̀ùn, nìì reè ni Màsà kpir'là ɲɔ̀nmà sì jaa rè, à nà dzin twɛy rà ci: "Ye dangauma rèè, ye bo n tɛyn, ye bè jeenà. Sà dzibɛy riì màbyɛ̀n tsùuŋnà Sànwɔbaa ko e re mɛ̀rɛ̀kɛ rèè rè, ye bè mɔn.

Matsiyù 25:41 ပူးပေါင်းရင်းမြစ်များ

Matsiyù 13:40

Vun ɲaan fù fuu nìi tsuru è dzu kpaan sa rɔ̀n taki, dziɲaan latan bwey, à nà bà tɔ̀ rii tsuru.

Matsiyù 13:42

Tɔ̀un, è nà mòdzìn ɲan reè maa sà brìsi rɔ̀n. Àwà gɛyn boo, ko ɲiun taa rìì nà bà ni mɔn.

Matsiyù 13:50

Tɔ̀un è nà mòdzìn ɲan reè maa sà brìsi rɔ̀n. Àwà gɛyn boo ko ɲiun taa rìì nà bà ni mɔn.»

Matsiyù 18:8

A sià tàmafa a saàn ye ba bàa tsoo à y'à dɔn gooɲaan ɲan, à tsyɛ bo a ra, a maa jeenà. A ko a si sɔɔ̀n, tàmafa a san sɔɔ̀n yè gbey tarà, tɔ fyan, sani a ko a si fiɛ̀, tàmafa a san fiɛ̀ yè bè maa sà dzibɛy rɔn.

Matsiyù 25:42

Àwà, dzu na ni mun na, ye to na ɲwɛyn sìn mun na min ɲɔn waa. Mìnoo na ni mun na, ye to na mun kɔ̀ yu min n min waa.

Matsiyù 25:46

Àwà twɛy mòdzin neè nà bè byɛnbe dobɛɛ ɲàn tɔ̀un. Mòdzin tereonma rèè, twɛy yè bè jaamabe dziù dòbɛɛ ɲàn.»

Matsiyù 3:12

À re shìmàn fyɛɛ gèè kuuna à suun, à nà tɔ̀ ka shìmaan ɲààn fyɛ bo dziàn ɲàn. Tɔ̀un, è dziàn tsɛ̀ ji bòndoo doùn. Ɲààn, è tɔ̀ fla bo e re kpèndee doùn, à y'à dzu sà ka, sà rìi na dzià waa.»

Matsiyù 4:10

Yesù ci à ra tɔ̀un ci: «Bo n tɛyn Sùtana ! È ɲɛn à tsɛ, à sɛbɛɔ̀n Ŋaablà re Goomaa doùn ci: "A Tsifa Ŋaablà rii blàbe, e goo fa tɔ̀ soo pe re."»

Matsiyù 5:22

Ŋà, mun nì ci e ra, mòò o moò nà e vunun ta e modzìnsia ka, tɔ wù è kitsi. Mòò riì nà e modzìnsia ɲɛ̀n ci à manan, à wù tɔ̀ yeè kitsi kitsi kunun kur'là mòdzin neè rè. Mòò riì to nà e modzìnsia ɲɛ̀n ci à fàkɔɔn, tɔ wù jààndamaan sàà ka.

Matsiyù 7:23

Tɔ̀un, mun nà à dè fyɛ è ra ci: "Mun na ye tɔ̀ jà ŋe fyeu ! Ye bo n tɛyn, gooɲaan fa ree reè."

Lukì 13:27

Tɔ̀un, à nà dzin ye ra kɔn ci: "N ci mun na ye bomà tɔ̀ sa. Ye bo n tɛyn, ye terenbɛy goo fa reè sapɛ !"

Lukì 16:24

Nàfòròtsià dziu tɔ̀ jà min niì, è vu bo fààn na ci: "Mun fà Ibraximà, cinan n ma. Lazarì ka, ci è bè e siiniɛn tsun yu rɔ̀n, è nà à ka n nɛɛ̀n cin, tà boshɔ̀ùn, wùù na ni n tsɛ sàden nɔ̀n mìin."

Yùxanà 8:44

Ye fàà rìì Sànwɔbaà, nìi to y'à sàɔ, ye sa sao ni, ye yè tɔ̀ rii fa. Sùtana, tɔ bàu vuifabaa fɔ goo rèè dzunjɔn bwèy, à na to sààbeen tsɛ waa, kàtsu, sààben soo, tɔ̀ na ni à ɲan waa. À ye ba doò dèe, à yɛ̀r'la juɔ nìi, à tɔ̀ rii dèe, kàtsu, à doodebaa, è ba doò fàà.

Tesalonikika reè fiiraa 1:7

Ye nìì reè to byɛɛn, à nà ɲànwɔ sin ye ko ɲe sa ra, waatsi riì bwèy Tsìfa Yesù ye na e yɛrɛ kpadè bo jirànxɔ rɔ̀n, ko e re mɛ̀rɛ̀kɛ dzitsi rèè ka.

Tesalonikika reè fiiraa 1:9

Byɛnbe riì yè è nìn, tɔ̀ rii yɛ è raa yè bara tsuù kudɛyn, è dàn yè bà gbàn Tsìfaà ko e re dzibaabee nɔɔrɔɔ̀ rà.

Dzyèèsìbee mòdzin neè 6:8

Ŋà, daaku ì rìì ye xe à ɲan, tà ko vun ɲaan neè, nàfa na ni à ɲan waa, danga rii to y'à nìn, à lataan yè bà sàà fɔ̀nɔ̀n.

Piyɛrì fiiraa 2:4

Àwà, mɛ̀rɛ̀kɛ nìì reè gooɲaan fau, Ŋaablà na twɛy to mɔn waa. À jɔ̀rɔ̀kɔ wɔu è ra, à yè è ji tsitsiì brìsià ɲàn jààndamaan doùn, è ni min niì, yè bà kitsia jisee màshua.

Yùxanà jɔ̀naà 3:10

Nèe kàjaa ree rìì y'à toò Ŋaablà dzin nèè ko Sànwɔbaà dzin nèè yè tɔ̀ bo e si ɲan: mòò o moò na terenbee shi jiɛ, ko mòò o moò na e neemasia kɛ̀ɛn waa, tɔ̀ na Ŋaablà raa waa.