အွန်လိုင်း သမ္မာကျမ်းစာ

« အရင်

နောက်တစ်ခု »

Matsiyù 25:34 - Bible Dzùùngoo Unicode

³⁴ Tà doùn, nìì reè ni màsà kpir'là sirama sia rè, à nà dzin twɛy rà ci: "Mun Fà Ŋaabla dzwɛ kuɔn ye nìì reè mà, ye nà. Màsà gane riì mabyɛ̀n tsùuŋnà ye re fɔ dziɲaan jɔ̀n bwey, ye nà dɔ̀n mɔn, y'a bà e re shɛn.

အခန်းကိုကြည့်ပါ။ ကော်ပီ

« အရင်

ပြန်တက်သွားပါ။ ⬆

နောက်တစ်ခု »

Matsiyù 25:34
68 ပူးပေါင်းရင်းမြစ်များ

Matsiyù 13:35

Tɔ fau nì, sànko Ŋaablà re kɛɛraa rè gooma de dɔ̀unma sɔn yeè bo e shi tsɛ, nìi yɛ ci: «Mun nà gooma è ka gooma bɔɔ ì ɲàn. Goo o goo mɛnɛɔn fɔ dziɲaan jɔ̀n bwey, min twɛy dè è ra.»

အခန်းကိုကြည့်ပါ။

Matsiyù 19:29

Àwà, mòò o moò to nà kaari e re gbà rèè shɔ̀ùn, è kaari e tseyn nèè, tàmafa e tsinà rèè, tàmafa e naà, tàmafa e faà, tàmafa e dzin nèè, tàmafa e re dzù rèè shɔ̀ùn mun tsoò kamà, tɔ nà twɛy tsuru càànmoò tàrà, è sèè kɔn è jaamabe dziù dòbɛɛ tàrà shɛn.

အခန်းကိုကြည့်ပါ။

Matsiyù 20:23

Yesù ci è ra ci: «À kpɛ̀yn nà dzi ku ye ɲan. Ŋà, nìi mun sirama si jaa re tsùù goo, ko ɲɔ̀nmà sì jaa re tsùù goo, tɔ̀ na ni mun suun waa. Mun Fà Ŋaablà y'a màbyɛ̀n tsùuŋnà nìì reè rè, à nà sìn twɛy rìì là.»

အခန်းကိုကြည့်ပါ။

Matsiyù 21:5

«Y'a dè Siyɔ̀n gàneè dzin taan nà, Yerusalɛmunka reè rà ci: "Ye re màsà kpir'là nàkɔɔn siin ye re. À vunun ma dzi, è bà tèroòn shùkwɛ̀yna bòùn. Shùkwɛ̀yn kpèr'niin boùn, faagoo faa dzwɛka dzin."»

အခန်းကိုကြည့်ပါ။

Matsiyù 25:21

À tsìfaà yè dzin à ra tɔ̀un ci: "Tɔ wùbeu, wo jòn wùù, w'e bà tereòn. Wo tereun nèe goorii rèe faa doùn, mun nà wo tsùù blà kuùn. Nà a taama dzibe a tsifaà ka."

အခန်းကိုကြည့်ပါ။

Matsiyù 25:23

À tsìfaà yè dzin à ra tɔ̀un ci: "Tɔ wùbeu, wo jòn wùù, w'e bà tereòn. Wo tereun nèe goorii rèe faa doùn, mun nà wo tsùù blà kuùn. Nà a taama dzibe a tsifaà ka."

အခန်းကိုကြည့်ပါ။

Matsiyù 25:40

Màsà kpir'là nà dzin è ra tɔ̀un ci: "Sààben na, mun nì ci e ra, ye twɛy tsuru fau mun neema kiɲaanin nèe rèè mòò sɔn ne min niì, ye y'à fau mun nì nè."

အခန်းကိုကြည့်ပါ။

Matsiyù 25:41

Tà shɔ̀ùn, nìì reè ni Màsà kpir'là ɲɔ̀nmà sì jaa rè, à nà dzin twɛy rà ci: "Ye dangauma rèè, ye bo n tɛyn, ye bè jeenà. Sà dzibɛy riì màbyɛ̀n tsùuŋnà Sànwɔbaa ko e re mɛ̀rɛ̀kɛ rèè rè, ye bè mɔn.

အခန်းကိုကြည့်ပါ။

Matsiyù 27:37

À vuɔ̀ kùn nìi nà, yè tɔ̀ sɛbɛn fa y'à gban à kùngɔɔ̀ jìran, nìi yɛ ci: «Nèe Yesù, Dzyèèsìbee mòdzin neè rè màsà kpir'là.»

အခန်းကိုကြည့်ပါ။

Matsiyù 3:2

À dziàn ci: «Ye e tsiì e re gooɲaan nà, ye e re jaamabee fau'n kur'la lakere, kàtsu Jìrànxɔɔ̀ Màsàbee waatsi tsyɛnbeò.»

အခန်းကိုကြည့်ပါ။

Matsiyù 5:19

Tà doùn, mòò o moò ye to Ŋaablà dzugooma xɔù rèè soo latsùù bɛy, arì è ɲan kiɲaaniàn, è mòdzian kàràn ci è sa y'a fa tà tsuru, tà tsìfa sa nà kiri Jìrànxɔɔ̀ Màsàbee doùn mòdzin kiɲaaniàn. Mòò o moò to nà è shi jiì, à yè è kàràn dzyee rèè sa ra, tɔ nà kiri Jìrànxɔɔ̀ Màsàbee doùn mòdzin blaa.

အခန်းကိုကြည့်ပါ။

Marikì 10:17

Àyìwà, twɛy goo rèè sapɛ shɔùn, Yesù ko e re kàràndzin neè yè shia kun kɔn. À yè è to shia tsɛ, kpiri sɔn yeè vwɛ̀yn na, è nà e kunun gban Yesù bììn, à y'à tey ci: «Kàrànfa wùù, mun wù min fee rìì fa, min dzi jaamabe dziù dòbɛɛ tàrà shɛn ?»

အခန်းကိုကြည့်ပါ။

Marikì 10:40

Ŋà mòò yè bà ni e tsuù mun sirama si jaa, tàmafa mun ɲɔ̀nmà sì jaa rè, tɔ̀ sìàn na ni mun suun waa. À mabyɛ̀n tsùuŋnà nìì reè rè, twɛy rìì nà e tsuù mɔn.»

အခန်းကိုကြည့်ပါ။

Lukì 11:28

Yesù sa yeè dzin à ra tɔ̀un ci: «À kpɛ̀yn tɔ̀ tsuru, ŋà, nìì reè yè e toro wɔɔ̀ Ŋaablà re goomaa rè, y'à bo e shi tsɛ, twɛy rìì laa wùbeu Ŋaablà re è geren kɔn.»

အခန်းကိုကြည့်ပါ။

Lukì 11:50

Yesù yè geren goomaa rè kɔn ci: «Tà goo rèè kamà, è sen fɔ dziɲaan ɲɛn bwey, Ŋaablà re kɛɛra ge o ge vuu, Ŋaabla nà ye, ɲe bwèy rèe ɲan mòdzian tey, twɛy soo sookɔɔn sapɛ saàn mà.

အခန်းကိုကြည့်ပါ။

Lukì 12:32

Tà shɔ̀ùn Yesù yè dzin e re kàràndzin neè rà kɔn ci: «Ye kpɛ̀yn na giri waa, ŋà, e maà shi waa. À dzibeu ye fà Ŋaablà ra, è ye dɔ̀n e re màsàbee ɲàn.

အခန်းကိုကြည့်ပါ။

Lukì 19:38

Yè dziàn ci: «Màsa riì nàa mùn Tsìfa Ŋaablà tsoo ra, dzwɛ yè bà ni tɔ̀ kpɛyn ! Jaancin yè bà ni jìran nɔ̀n, tsoo dzi yeè ɲɛn Ŋaa tsɛ fɔ jìrànxɔɔ̀ doùn doùn mɔn !»

အခန်းကိုကြည့်ပါ။

Yùxanà 1:49

Natanayɛlì yè dzin Yesù rà tɔ̀un ci: «Kàrànfaà, wo rìì Ŋaablà Dzin Kpir'la. Wo rìì Isirayɛlì màsà kpir'là !»

အခန်းကိုကြည့်ပါ။

Yùxanà 12:13

Yè shɔfyaa ì sen tɔ̀un, yè bo bè Yesù kùùntsimà nɔ̀n, yè bà dziàn fààn na ci: «Mìn tsoo dzi ɲɛn Ŋaa tsɛ ! Mòò riì nàa mùn Tsìfaà tsoo ra, mùn ci dzwɛ yè bà ni tɔ̀ kpɛyn. À Isirayɛlì màsà kpir'là rìì.»

အခန်းကိုကြည့်ပါ။

Yùxanà 17:24

Fà Ŋaablà, mun sào ni, wo nìì reè sìun mun na, mun nà bà ni min niì, è sa yeè bà ni mɔn, tà ko yè mun nɔɔrɔɔ̀ jà. Wo tɔ̀ nɔɔrɔɔ̀ sìun mun na, kàtsu wo mun kɛ̀niɔ̀n, tɔ̀ y'a tàrà dziɲan na ɲɛn ŋe waa.

အခန်းကိုကြည့်ပါ။

Yùxanà 19:15

Ŋà, yè e maa yè sɛ̀ɛ fààn na ci: «È vu, è vu ! È gban gɔɔ̀ rà !» Pilatsì yè dzin è ra ci: «Min ye re màsà kpir'là gban gɔɔ̀ rà ɔ̀ ?» Saaka Jɔundzin neè yè dzin ci: «Màsa kpɛrɛ na ni ɲe re Ɔ̀rɔmùn màsà kpiri blàa tɛ̀y waa, nìi Sezarì.»

အခန်းကိုကြည့်ပါ။

Kɛɛradzin neè faadziɛ 15:18

Fɔ waatsi gbaan, mun y'à tou twɛy goo rèè yè tɔ̀."»

အခန်းကိုကြည့်ပါ။

Kɛɛradzin neè faadziɛ 3:26

Àwà, a y'a jà Ŋaablà yeè e re faagoofadzin Yesù bàji na, à tɔ̀ fau ye rìì jɔ̀na re ŋe. À y'à ka nau, è nà bà dzwɛ ye mà, ye mòò sɔ̀n sɔ̀nkɔɔn sa yeè sèè bo e re gooɲaan fakɔɔn kpɛyn.»

အခန်းကိုကြည့်ပါ။

Ɔ̀rɔ̀mùnka reè 8:17

Tà doùn, mìn ba à dzin ì, mùn shɛnsenbaa ì sa: Ŋaablà shɛnsenbaa ì ko Kirisà shɛnsensi ì, è ɲɛn à tsɛ, mìn ba ni byɛnbee rà ko à ka, nɔɔrɔ nà ɲɛn mùn sa tsɛ ko à ka.

အခန်းကိုကြည့်ပါ။

Korɛntsika reè jɔ̀naà 15:50

Neema reè, mun nìi dèe, tɔ̀ rii siin: Shutswɛɛ ko tsìɛn na dzia Ŋaablà re màsàbee tàrà shɛn waa, fyeekɔɔnbeè to na dzia fyeebɛybeè tàrà shɛn waa.

အခန်းကိုကြည့်ပါ။

Korɛntsika reè jɔ̀naà 2:9

Ŋà, à sɛbɛɔ̀n Ŋaablà re Gooma doùn nèe tsuru ci: «Mòdzin jaa na ɲɛn ja gè niì mà ŋe, à toro to na à myɛ̀n jà ŋe, à to yɛ̀rɛ̀ na jaà jà à akir'la ŋe tsu, Ŋaabla tɔ̀ rii sɔ̀n byɛ̀n tsùuŋnà e kɛnbaa rèè rè.»

အခန်းကိုကြည့်ပါ။

Korɛntsika reè jɔ̀naà 6:9

Ye na à tɔ̀ ci terenbɛy goo fa reè nìn na ni Ŋaablà re màsàbee ɲàn ɔ̀n ? E maà e yɛrɛ maniin dɛ ! Kɛ̀kɛ̀ɛ̀y gòò fa reè, ko ɲɔ̀n kɔ reè, ko ɲànmɔ̀ɔ̀bè fa reè, ko kpiri ì bàuma tàan ì, ko kpiri ko kpiri gaa reè,

အခန်းကိုကြည့်ပါ။

Galatsika reè 5:21

kur'la goo ɲaan neè, dɔ̀ɔ̀kɔ̀ɔ̀nbeè, ɲwɛynamoobeè ko twɛy tsuru goo rèè. Min sar'la e ra a ci m'a dèu nìi tsuru nòn, ci nìì reè ni twɛy goo rèè fyɛ̀ùn, twɛy dzii na ni Ŋaablà re màsàbee goo rèè ɲàn waa.

အခန်းကိုကြည့်ပါ။

Efɛsika reè 5:5

Ye b'a tɔ̀, ci mòdzin kɛkɛ̀ɛ̀yraa, ko mòdzin nooŋmaà, ko mòdzin jaacɛnbɛɛ, tɔ̀ niì ko ɲɔ̀nkɔbaa sa soo, twɛy pɛn dzii na ni Kirisà ko Ŋaablà re màsàbee ɲàn waa.

အခန်းကိုကြည့်ပါ။

Tesalonikika reè jɔ̀naà 2:12

Ɲe ye màxɔ̀un, ɲe yè fààn wɔ ye ɲan, ɲe y'à gaa ye re gaaŋ'n kur'la sapɛ, ci ye yè e re jaamabee fa a ci Ŋaablà ci è fa nìi tsuru, wò riì ye kir'là ye yè dɔ̀n à re màsàbee doùn, è nɔɔrɔɔ̀ sìn ye ra.

အခန်းကိုကြည့်ပါ။

Tsìmotè fiiraa 2:12

Mùn sàn gbaunma ye to à kpɛyn, mùn nà màsàbee fa ko à ka. Mùn to ye e dziira tsɛ à ra, à sa nà e dziira tsɛ mùn nà.

အခန်းကိုကြည့်ပါ။

Tsìmotè fiiraa 4:8

Àwà è sen dòònuùn, terenbee màsà baanflaa màrà tsùuŋnà mun ne. Tsìfaà, kitsikununbaa tereunmaà nà à sìn mun na jisee lataan sii sèè. À fa bà mun bàsɔùn waa, nìì reè sapɛ nà à nà jisee kɛ̀n, à nà à sìn twɛy sa ra.

အခန်းကိုကြည့်ပါ။

Dzyèèsìbee mòdzin neè 1:14

Mɛ̀rɛ̀kɛ rèè Ŋaablà re kɛɛra ì rìì, jaa na nìì reè jàa waa, yè bà ni Ŋaablà re faagoò rà. Nìì reè wù yè tsi gbey, Ŋaablà yeè è ka bèe, yè bè wɔ twɛy rà.

အခန်းကိုကြည့်ပါ။

Dzyèèsìbee mòdzin neè 11:16

Ŋà, à na ba tɔ̀ tsuru waa. Fàtsii kuru na ni è ra, nìi ni nèe jɔun, tɔ̀ yeè bà jìrànxɔɔ̀ raà. Tɔ̀ kamà, à dzi Ŋaablà ra yè wò kiri e re Ŋaablà, è bà wɔ̀ lamɔnɔ̀n tsùuŋnà è re.

အခန်းကိုကြည့်ပါ။

Dzyèèsìbee mòdzin neè 4:3

Ɲe nìì reè ɲɛun à ra, tɔ̀ ɲànwɔmaà ɲe rii laa. Ŋaabla tɔ̀ rii dèu nèe tsuru ci: «Tɔ̀un, mun ne vununtaà doùn, min n kɛɛ̀y ci, mun ɲànwɔma nìi lamɔnɔ̀n tsùuŋnà, min bà ni mɔn, è fa dɔ̀n mɔn dɛ fyeu.» Ŋaabla twɛy gooma reè dèu, tɔ̀ y'a tàrà a na dòonà e re faagoò rà fɔ dziɲan ɲɛn bwey.

အခန်းကိုကြည့်ပါ။

Dzyèèsìbee mòdzin neè 9:26

È ba na tɔ̀ tsuru, è sen fɔ dziɲaan jɔ̀n bwey, à na nà bà byɛn jaa giri faɔ̀. Ŋà, nèe waatsi latan nee ɲan, à nàu, è nà e yɛrɛ sin saaka jaa soo pe rii, sànko è gooɲaan fàan bara.

အခန်းကိုကြည့်ပါ။

Yàkubà 2:5

N neema ì, mun ye nìì reè kɛ̀niɔ̀n fɔ è bè geren, ye e toro wɔ. Dziɲan dzin nèè nìì reè jàa gbakɔɔn, Ŋaabla twɛy ɲankɛrɛɔ̀n rìì, yè bà gètsi ɲɛynaà kàjaa tsɛ, tà ko è re màsàbe riì làyiri seòn e kɛnbaa rèè rè, yè tɔ̀ tàrà shɛn.

အခန်းကိုကြည့်ပါ။

Piyɛrì jɔ̀naà 1:9

È ɲɛn à tsɛ, ye nìi tàraɔ̀ e re ɲɛynaà tɔ̀nɔ̀n, tɔ̀ rii yɛ ye xɔɔn tsiumaà.

အခန်းကိုကြည့်ပါ။

Piyɛrì jɔ̀naà 3:9

E maà ɲaan ka ɲaan sarà, e to mà ɲɛ̀yn ka ɲɛ̀yn sarà. Ŋà ye dzwɛ rìì ji, è ɲɛn à tsɛ ye kiriɔ tɔ̀ rii là, nìi yɛ ye yè dzwɛɛ̀ tàrà shɛn.

အခန်းကိုကြည့်ပါ။

Goo kpàdèuma rèè 13:8

Dzɔ̀nxɔɔ̀ tsɛ mòdzian sapɛ nà à blàbe. Sààtòmòìrii riì bàu saaka, nìì reè tsoo sɛbɛɔ̀n tɔ̀ re jaamabee sɛbɛɛn doùn fɔ dziɲaan jɔ̀n bwey, twɛy bàsɔùn nì fa à blàbe waa.

အခန်းကိုကြည့်ပါ။

Goo kpàdèuma rèè 17:8

Wo kpar'niì jàu, à na ni, ŋà à na ni dɛ. À nà nà tèyn bo kɔ̀ɔ̀ tsun gbloùntòò doùn, è bè e barama nɔ̀n. Tɔ̀un, mòdzin niì reè ni dzɔ̀nxɔɔ̀ tsɛ, è tsoo na sɛbɛɔ̀n Ŋaablà re jaamabee sɛbɛɛn doùn waa, è sen fɔ dziɲaan jɔ̀n bwey, twɛy nà kpar'nee jà, è ji è dzii tsɛ. À nà ji è dzii tsɛ, kàtsu à na ni, ŋà à na ni dɛ, à to nà sèè jà kɔn yeu.

အခန်းကိုကြည့်ပါ။

Goo kpàdèuma rèè 19:16

Tsoo sɔn sɛbɛɔ̀n à re mɛ̀yɛɛ ko à geen tsɛ, nìi yɛ ci: «Màsa reè raa Màsaa, ko tsìfa rèè raa Tsìfaà.»

အခန်းကိုကြည့်ပါ။

Goo kpàdèuma rèè 21:7

Mòò riì ye ba dzibaa, tɔ nà tɔ̀ tàrà shɛn. Mun nà bà à re Ŋaablà, è bà mun dzin.

အခန်းကိုကြည့်ပါ။

Goo kpàdèuma rèè 5:10

Wo yè è bàu màsa ì ko saakagoojaabobaa ì mùn ne Ŋaablà re. È nà e tsuù màsàbee tsɛ dzɔ̀nxɔɔ̀ tsɛ.»

အခန်းကိုကြည့်ပါ။

ကြှနျုပျတို့နောကျလိုကျပါ:

ပံ့ပိုးပေးထားသော လင့်ခ်များ

ကြော်ငြာတွေ

ကြော်ငြာတွေ