Matsiyù 24:7 - Bible Dzùùngoo Unicode

⁷ Kun ko kun nà fù e si kpɛyn, màsà gane ko màsà gane yeè fù e si kpɛyn, dzuà ko dzɔ̀nxɔ̀ɔ̀mà kpin'na yè bà ni gàne giri.

Matsiyù 24:7 ပူးပေါင်းရင်းမြစ်များ

Lukì 21:11

Dzɔ̀nxɔ̀ɔ̀mà kpinin bla blaa nà bà ni, dzuà ko ɲìnìn ɲan ɲaun nèè yè bà ni gàne giri. Tɔ̀ nìn yè bo à ra, shiɲaan goo giri sa nà bà ni, ko tàànmàshɛn bla bla ì yè bo jìrànxɔ rɔ̀n.

Kɛɛradzin neè faadziɛ 11:28

Mòò sɔn na ni è ɲan, tɔ̀ tsoo yè bà ci Agabusì. Tɔ̀ yeè fù, è dzin Ŋaablà re Dzia baraka rɔ̀n, ci sani dɛyn, dzu bla nà ji dziɲantsiɛ min niì sapɛ. Tɔ̀ dzu rèe nàu ji Ɔ̀rɔmùn màsà kpiri blà sɔn ni naa waatsi ɲan, nìi tsoo ci Kloodzì.

Kɛɛradzin neè faadziɛ 2:19

Mun nà kabagoo goo reè swey fa kpadè ŋaablaxɔɔ̀ rà jìran nɔ̀n, min tàànmàshɛn neè swey kpàdè dzɔn nɔ̀n. Tsìɛn nà bà ni, sàà ni, sàtsuru yeè bà ni, a ci ŋaamunun.

Dzyèèsìbee mòdzin neè 12:27

À dè niì fau, ci «Nèe shɔ̀ùn jaa soo kɔn», tɔ̀ y'a kpàdèe ci, gè o ge ɲɛun, twɛy sapɛ nà yuuyuu yè fìrì bo mɔn. Nìì reè fa dzi yuuyuu bo e shɔùn waa, twɛy yè to.

Goo kpàdèuma rèè 6:12

Àwà, m'a jàu sààtòmòìriɛ tàànmàshɛɛn tsùnmɛ̀naa warakau waatsi riì bwèy, dzɔ̀nxɔ̀ɔ̀mà kpinin bla yeè fù, bwèè yè tsì tɔ̀un tsi tsi tsi a ci vya tsi, kuɔ̀ min niì sapɛ yeè xè gan gan gan a ci tsììn.

Goo kpàdèuma rèè 6:5

Sààtòmòìriɛ tàànmàshɛɛn zhììgìraa warakau min niì, min gè jaamaa zhììgìraa vu myɛ̀n ci: «Nà !» Mun siin fau tɔ̀un, min shù tsi sɔn ja. Mòò riì ni à tsɛ, gè gɔɔn cilo ni tɔ̀ suun.

Goo kpàdèuma rèè 6:6

Min vu sɔn myɛn gè jaama naàleèn fi a ci gooma vu, tɔ dziàn ci: «Mwɛyn cilo soo, faagoofadzin soo bwèy sɔn sàrà. Fweyn cilo zhììgi, tɔ̀ dzii soo. Ɲin'nà ko mììngeè, maà baragoò fa twɛy ɲàn waa.»

Goo kpàdèuma rèè 6:8

Mun siin fau tɔ̀un, min shù vuntsirama sɔn ja. Mòò riì ni à tsɛ, tɔ̀ tsoo ci Saàn, fùn nèè tàà yè bà gbaɔn à kpɛyn. Dzi siɔ̀n è ra dzɔ̀nxɔɔ̀ tara naàleèn soo tsɛ, yè kaamun'nà ka vuɛ fa, ko dzuà, ko ɲìnìn ɲaùn nèè, ko kpar'neè.