Matsiyù 24:5 - Bible Dzùùngoo Unicode

⁵ Mòò giri nà nà mun tsoo ra, ci ye rìì Ŋaablà Jaara Modzìàn, è to nà mòò giri sàn fìrì.

Matsiyù 24:5 ပူးပေါင်းရင်းမြစ်များ

Matsiyù 24:11

Kɛɛra doodebaa giri to nà fù, yè mòò giri sàn fìrì.

Matsiyù 24:24

E maà ɲɛn tɔ̀ ra waa, kàtsu doodebaa ì nà fù, ci ye rìì Ŋaablà Jaara Modzìàn, doodebaa ì yè fù, ci ye kɛɛra ì. È nà tàànmàshɛn bla bla ì, ko kabagoo goo ì fa, yè bà ni mòdzian sàn fìrì. Arì Ŋaabla nìì reè boo e jaara, yè ba na dzia twɛy sa san fìrì, è na nà tɔ̀ fa.

Yùxanà 5:43

Mun naɔ̀ n Fa Ŋaablà rii tsoo ra, ye to na e tsiì mun na waa. Ŋà, mòò kpɛrɛkuru ye na e yɛr'la tsoo ra, ye nà e tsiì tɔ̀ ra.

Yùxanà 8:24

Tɔ̀ rii y'à to, min dzin ye ra, ci ye nà san e re gooɲaantsiɛ ka e vu ra. Ɔ̀ɔn, ye kpɛ̀ynto ma ɲɛn à ra fyeu, ci à mun nì, ye nà san e re gooɲaantsiɛ ka e vu ra.»

Yùxanà 8:28

Yesù yè dzin è ra kɔn ci: «Ye ye na Adamà dziàn ɲansen fu bè jìran waatsi riì bwèy, ye nà à tɔ̀ tɔ̀ rii bwèy, ci à Mun nì. Ye nà à tɔ̀, ci mun na goo sɔn pɛn faa n yɛrɛ ma waa, ŋà, Fà Ŋaabla mun kàraun nìi rà, mun tɔ̀ rii dèe.

Yùxanà jɔ̀naà 2:18

Àwà dziniin ì, waatsi lataan wɔu. Y'a myɛun ci Kirisà ɲaàn nà nà, ŋà dòònuùn, Kirisà ɲan giri ni nòn. M'à tɔ̀ɔ tɔ̀ ra, ci waatsi lataan wɔu.

Yùxanà jɔ̀naà 2:22

Tsì rii doodebaà ? Tɔ̀ rii yɛ, mòò riì ci Yesù na Ŋaablà jaara modzìàn waa. Ɔ̀ɔn, Kirisà ɲaàn nì yɛ, mòò riì yè e nɔɔn Fà Ŋaablà ko e Dzin Kpir'la sa re.

Yùxanà jɔ̀naà 4:3

Dzi ge o ge to na dziàn ci Yesù nàu gɔɔ̀n ɲàn, tɔ̀ na Ŋaablà raa waa. Tɔ Kirisà ɲaàn raa dzia rìì, y'a myɛ̀un ci tɔ̀ niì nà nà, à to yè bà ni dziɲaan doùn dòònuùn nòn.

Goo kpàdèuma rèè 13:8

Dzɔ̀nxɔɔ̀ tsɛ mòdzian sapɛ nà à blàbe. Sààtòmòìrii riì bàu saaka, nìì reè tsoo sɛbɛɔ̀n tɔ̀ re jaamabee sɛbɛɛn doùn fɔ dziɲaan jɔ̀n bwey, twɛy bàsɔùn nì fa à blàbe waa.