Matsiyù 24:44 - Bible Dzùùngoo Unicode

⁴⁴ Tɔ̀ kamà, e sa lamɔ̀nɔ̀n tsùuŋma yè bà ni, kàtsu ye taa na ni waatsi riì mà ci Adamà dziàn nà nà, à nà nà tɔ̀ rii bwèy.

Matsiyù 24:44 ပူးပေါင်းရင်းမြစ်များ

Matsiyù 24:27

Àwà, ŋaa myɛ̀ɛn nìi tsuru è den bo kir'la rà, è bè fɔ bwèydoo rè, Adamà dziàn nàà sa nà bà tɔ̀ rii tsuru.

Matsiyù 24:42

Tɔ̀ kamà, ye to tsùù e jaa ra kudɛyn, kàtsu, ye na e Tsifaà nà jisee tɔ waa.

Matsiyù 24:43

Ye yɛ̀r'la y'à tɔ̀, ci gbàtsià ye ba na à tɔ̀, ci shɔɔ̀n nà nà waatsi riì bwèy feèn doùn, à fa e ɲɛn è cìi, shɔɔ̀n yè nà à re gbàà kɛɛy dɛ !

Matsiyù 25:10

Àwà, è dɔ̀n beumaà ɲinin fima nɔ̀n, kɔnɲɔn kpir'là yè nà è shɔ̀ùn. Tɔ̀un, nìi reè mabyɛunà, à ko twɛy yè dɔ̀n kɔnɲɔn gbaà doùn, dziɛ̀ yè sòò.

Matsiyù 25:13

Yesù yè dzin e re kàràndzin neè rà tɔ̀un ci: «Ye to tsùù e jaa ra, kàtsu ye na à jisee tɔ̀, ye to na à waatsi tɔ.»

Lukì 12:39

Ye yɛ̀r'la sa y'a tɔ̀, ci gbàtsià ye ba na à tɔ̀, ci shɔɔ̀n nà nà waatsi riì, à fa e tsiì è ɲɛn è cìi dɛ ! À fa à to shɔɔ̀n yè nà wò re gbàà kɛɛy dɛ ?

Lukì 12:40

Tɔ̀ fau'n kuru soo rà, e sa lamɔ̀nɔ̀n tsùuŋma yè bà ni, kàtsu, ye taa na ni waatsi riì mà ci Adamà dziàn nà nà, à nà nà tɔ̀ rii bwèy.»

Lukì 21:36

Tà doùn, e maà cìi waa, ye Ŋaablà mafyɛ̀ɛn kudɛyn. Tɔ̀ ye fa, ye nà dzi fààn tarà, ye yè goo nàkɔɔn reè sapɛ ku e ɲan. Adamà dziàn to ye na nà, ye nà dzi e tsiì à jaaterema.»

Filipika reè 4:5

Y'a to mòdzian sapɛ y'a tɔ̀, ci e vunun ma dzi. Tsìfaà tsyɛn.

Yàkubà 5:9

Ŋùnùnŋunun mà jà e ko e si fi waa, n neema ì. Tɔ mà fa, tɔ̀ yeè nà bà e kitsi saabu waa. Kitsikununbaà yɛ, à tsìiŋnà gbà dziɛ rà nòn.

Goo kpàdèuma rèè 19:7

Mìn taama dzibe ! Ɔ̀ɔn, mìn taamadzibe brìsi fa, m'a nɔɔrɔɔ̀ kpàdè. Mìn tɔ̀ fa, kàtsu sààtòmòìriɛ rè kɔnɲɔn goo wɔu, à re tààn to yè e lamɔ̀nɔɔ̀n.