Matsiyù 24:31 - Bible Dzùùngoo Unicode

³¹ À nà e re mɛ̀rɛ̀kɛ rèè ka vuru blaa fyɛ vuà ka. À nìì reè boo e jaara, yè twɛy ladzyeè dziɲaan nɔ̀nkɔn nààleèn min niì sapɛ, è sen ŋaablaxɔɔ̀ kùngɔ soo rà, è bè fɔ kùngɔ soo rà.»

Matsiyù 24:31 ပူးပေါင်းရင်းမြစ်များ

Matsiyù 13:41

Dziɲaan latan bwey, Adamà dziàn nà e re mɛ̀rɛ̀kɛ rèè bàji na, yè nà mòdzìn sàn fir'leè, ko mòdzin ɲan reè bo à re màsàbee doùn.

Matsiyù 24:22

Ŋaablà ma ba na sɔn boo twɛy jisee reè rà fyeu, mòò pɛn fa ni tsi waa. Ŋà, à nìì reè boo e jaara, twɛy kamà à sɔn boo twɛy jisee reè rà.

Matsiyù 24:24

E maà ɲɛn tɔ̀ ra waa, kàtsu doodebaa ì nà fù, ci ye rìì Ŋaablà Jaara Modzìàn, doodebaa ì yè fù, ci ye kɛɛra ì. È nà tàànmàshɛn bla bla ì, ko kabagoo goo ì fa, yè bà ni mòdzian sàn fìrì. Arì Ŋaabla nìì reè boo e jaara, yè ba na dzia twɛy sa san fìrì, è na nà tɔ̀ fa.

Matsiyù 24:32

Àwà, Yesù yè geren goomaa rè ci: «Ye nèe goo rèe kaan kɛɛy fiigikuà tsɛ siin: À sààn neè ye e maa yè tsɔɔ gbaa nìi bwèy, ye y'à tɔ̀ɔ tɔ̀ bwèy, ci kpaan tsyɛnbeò.

Matsiyù 25:31

Yesù yè dzin kɔn ci: «Adamà dziàn ye na nà e nɔɔrɔɔ̀ doùn waatsi riì bwèy, à ko mɛ̀rɛ̀kɛ rèè sapɛ, à nà e tsuù e re màsà gbaaniin nɔɔrɔmaa tsɛ.

Matsiyù 28:18

Yesù yè e kpɛrɛ̀ tɔ̀un, è gooma è ka. À ci: «Dzia sapɛ dzyeèma sìun mun na, jìrànxɔɔ̀ doùn ko dzɔ̀nxɔɔ̀ tsɛ.

Marikì 13:27

Tà doùn, à nà e re mɛ̀rɛ̀kɛ rèè ka dziɲaan nɔ̀nkɔn nààleèn min niì sapɛ, à nìì reè boo e jaara, yè twɛy ladzyeè, è sen ŋaablaxɔɔ̀ kùngɔ soo rà, è bè fɔ kùngɔ soo rà.»

Lukì 24:47

Waajibia yè fa à tsoò ka, sànko dziɲantsiɛ mòdzian sapɛ yè sèè bo e re gooɲaan neè kpɛyn, yè e re jaamabee fau'n kur'la lakere, è re gooɲaan tsìɛ̀ yè mɛɛy bo è vu ra. Tɔ̀ waajibi ree wù à dzii yè kun Yerusalɛmùn wɔ̀ rɔ̀n.

Yùxanà 11:52

À to fa san Dzyèèsìbee mòdzin neè tsua bàsɔùn kamà waa, ŋà, Ŋaablà dzin nìì reè jee jiɔ̀ min niì sapɛ, à nà twɛy sa dzyeè soo.

Ɔ̀rɔ̀mùnka reè 10:18

Ŋà mun ci ɔ, Dzyèèsìbee mòdzin neè na à myɛ̀n ni gbɛ ? Y'à myɛun dɛrɛ ! Gooma ree dèbaa rèè vuà bou dzɔ̀nxɔɔ̀ min niì sapɛ. È bè fɔ dzɔ̀nxɔɔ̀ dààn rà, è re goomaa dziu fɔ mɔn.

Korɛntsika reè jɔ̀naà 15:52

Tɔ nà fa bo mɔn jaadzii tsyeè ko saàn fi, gàne soo ɲàn, vuru lataan fyɛ sii sèè. È ɲɛn à tsɛ, vur'la nà fyɛ, fùn nèè yè sèè kpunan bo saàn ɲàn twɛy fa fyee dɛ, ɲe, ɲe la yeè kere.

Efɛsika reè 1:10

Tɔ̀ làtigɛɛ doùn, à nà nìi fa, tɔ̀ rii yɛ, tɔ̀ waatsia dzii ye tsyɛn waatsi riì bwèy, è jìrànxɔ̀ dòùn gee sapɛ, ko dzɔ̀nxɔ̀ tsɛ̀ gee sapɛ ladzyèè soo, kùntsii soo yeè bà ni è sapɛ re, nìi Yesù Kirisà.

Tesalonikika reè jɔ̀naà 4:16

Ɲe fa dɔ̀n twɛy jɔun waa, kàtsu Tsìfaà rè shia sìunmaà, mɛ̀rɛ̀kɛ rèè kùntsii blàa sɛ̀ɛ̀y vuà yè bo, Ŋaablà yeè vur'la fyɛ, à nà jàà bo na jìrànxɔ rɔ̀n. Tɔ̀un, nìì reè saun yè bà ni Kirisà ɲàn, twɛy jɔ̀na nà sèè kpunan.

Tesalonikika reè fiiraa 2:1

Neema reè, nìi mùn Tsìfa Yesù Kirisà sèè na goo, ko mùn ladzyeè goo à ka, ɲe nìi gaa ye re, tɔ rii siin:

Dzyèèsìbee mòdzin neè 12:19

Vuru fyɛ vuà na ni, gooma vu yè bà boò. Nìì reè tɔ̀ myɛ̀un, è shi ɲaanfaa suun, y'à gaa ci vu rèe mà gooma ye ka dɛ.

Goo kpàdèuma rèè 1:20

Wo swɛyn ɲɛ̀ɛ̀nun nìi jàu mun sirama sia doùn, ko fìtsìnà ge sɛnuma ɲɛɛ̀nuàn, tɔ̀ gòndoo dzuɔn nì siin: Swɛyn ɲɛ̀ɛ̀nuàn, tɔ ɲɛynamoo kuru ɲɛ̀ɛ̀nun nèè raa mɛ̀rɛ̀kɛ rèè, fìtsìnà ge ɲɛɛ̀nun nèè, twɛy yè bà ɲɛynamoo kuru ɲɛ̀ɛ̀nun nèè.»

Goo kpàdèuma rèè 11:15

Àyìwà, mɛ̀rɛ̀kɛɛ̀ ɲɛ̀ɛ̀nùnaa yè vur'la fyɛ tɔ̀un. Gooma vu blà ì yè bo jìrànxɔɔ̀ doùn, twɛy dziàn ci: «Dòònuùn, dziɲaan màsàbee wɔu mùn Tsìfa Ŋaablà ko e Jaara Moò suun. À nà màsàbee fa waatsi sen ɲɛn waatsi tsɛ.»

Goo kpàdèuma rèè 7:1

Àyìwà, tà shɔ̀ùn, min mɛ̀rɛ̀kɛ nààlen tsìiŋma jà dzɔ̀nxɔɔ̀ nɔ̀nkɔn nààleèn rà. Twɛy dziɲan nɔnkɔn nààleèn fyɛɛn sapɛ kun tsìiŋnà, fyɛn mà nà to bo dzɔ̀nxɔɔ̀ tsɛ, à mà bo kòòyua tsɛ, à to mà bo gɔ̀ɔ̀ku pɛn tsɛ.

Goo kpàdèuma rèè 8:2

Mɛ̀rɛ̀kɛ ɲɛ̀ɛ̀nun nìi yè e tsiɛ Ŋaablà jaaterema, min twɛy jà. Tɔ̀un, vuru ɲɛɛ̀nun yè wɔ twɛy suun.