Matsiyù 23:12 - Bible Dzùùngoo Unicode

¹² Mòò o moò nà e yɛrɛ ɲansen, tɔ̀ ma nà jàà. Mòò o moò to nà e majàà tɔ̀ ɲan nà sen.

Matsiyù 23:12 ပူးပေါင်းရင်းမြစ်များ

Matsiyù 18:4

Tɔ̀ gàneè doùn, mòò riì nà e majàà a ci nèe dziiniin nèe, tɔ̀ rii blà dzyee rèè sapɛ ma Ŋaablà re Màsàbee doùn.

Matsiyù 5:3

«Nìì reè y'à jàa ye gbaɔ̀ Ŋaablà kajaa tsɛ, twɛy raa wùbeu, kàtsu Ŋaablà re Màsàbee twɛy rìì laa.

Lukì 14:11

A jà min tɔ̀ dè, wo mòò o moò y'à yɛrɛ ɲanseen, wo ma nà jàà. Wo mòò o moò to y'à yɛrɛ majàa, wo ɲan nà sen.»

Lukì 18:14

Yesù yè dzin kɔn ci: «Àwà, mun nì ci e ra, tɔ̀ xɔnsɔɔntsibaà ci e ye sèè tsii doùn waatsi riì bwèy, goo sɔn pɛn naà ni à ko Ŋaablà fi dɛ. Ŋà, nìi Faridziɲɛn kpir'là, tɔ̀ raà na ni e nima nɔ̀n. Àwà, wo mòò o moò y'à yɛrɛ ɲanseen, wo ma nà jàà. Ŋà wo mòò o moò y'à yɛrɛ majàa, wo ɲan nà sen.»

Yàkubà 4:6

È ɲɛn tɔ̀ sapɛ tsɛ, à ɲanwùɔ mùn ka, tɔ blà fɔ è bè geren. Àwà à deò à re Goomaa doùn ci: «Nìì reè blà e yɛr'le, Ŋaabla kaa faa twɛy ka, è bà e ɲanwùɔ kpàdèe mòdzin majàaŋma rèè rà.»

Piyɛrì jɔ̀naà 5:5

Tɔ̀ soo tsuru, ye dzunwɛyn neè sa yeè e majàà bɔɔ rèè rè. E re goo rèè doùn e ko e si fi, e sapɛ yeè e majàà e si re, è ɲɛn à tsɛ à deò Ŋaablà re Goomaa doùn ci: «Nìì reè blà e yɛr'le, Ŋaablà kaa faa twɛy ka, è bà e ɲanwùɔ kpàdèe mòdzin majàaŋma rèè rà.»

Piyɛrì jɔ̀naà 5:6

Tà doùn, ye majàà Ŋaablà si barakamaa dzuun, gè riì ni à to à yè e ɲansen e waatsi ɲan.