Matsiyù 21:17 - Bible Dzùùngoo Unicode

¹⁷ Tà goomaa shɔ̀ùn, Yesù yè bo è tɛyn. È bo wɔ̀ɔ̀ doùn, è dɔ̀n be Betanìn wɔ̀ rɔ̀n, è bè feèn fa mɔn.

Matsiyù 21:17 ပူးပေါင်းရင်းမြစ်များ

Matsiyù 16:4

Nèe she mòdzìn ɲan ree reè, è na tereòn Ŋaablà ka ! È ci tàànmàshɛn kabagoomaa sɔn yeè fa ye jaa ra. Ŋà, Yonasì raà boshɔ̀ùn, tàànmàshɛn kabagooma kpɛrɛ pɛn fa fa è jaa ra waa.» Tɔ̀ dèumaà shɔ̀ùn, è bo è tɛyn, è geren.

Matsiyù 26:6

Àyìwà, Yesù nàumaà Betanìn wɔ̀ rɔ̀n, à na ni Shimɔ̀n nè gbàà doùn, è tɔ̀ niì kir'là byèèmà kpir'là.

Marikì 11:1

Àyìwà, Yesù ko e kpɛyndzin neè yè bè tsyɛnbe Yerusalɛmùn nà. À yè è to Bɛtsifaazhì ko Betanìn wɔ̀ rèè mà gba, oliviku rèè jèèn tɛyn, Yesù yè e re kàràndzin neè fii ka.

Marikì 11:11

Àwà, Yesù yè dɔ̀n Yerusalɛmùn tɔ̀un, è bè dɔ̀n Ŋaablà re gbà blàa doùn. À dɔ̀un mɔn, è gè rèè sapɛ siin siin bè, tà shɔ̀ùn à ko e re kàràndzin teeŋ fiɛ̀ yè dɔ̀n be Betanìn, kàtsu dzɔɔ̀n na gaa tsì.

Marikì 11:19

Àwà, ɲɛ̀rɛɛ̀rà nàu wɔ min niì, Yesù ko e re kàràndzin neè yè bo wɔ̀ɔ̀ doùn.

Marikì 14:3

Àwà, tɔ̀ y'a tàrà, Yesù na ni Betanìn wɔ̀ rɔ̀n, Shimɔ̀n nè gbàà doùn, è tɔ̀ niì kir'là byèèmà kpir'là. È Yesù to ɲwɛɛ̀n nà mɔn, tàan sɔn yeè nà ɲinin kinin dziù sɔn ka, tɔ faɔ̀ gɔ̀ɔ sɔn terèke ka, nìi kir'là naari. Ɲin'nèe kpaxɔ fɔ è bè geren, è bà ni bwèyn sɔn doùn, nìi sa kpaxɔ. Taàn yè siin tɔ̀un è ɲinin bweyn nee dzii kɛɛy, è ɲin'nà kon Yesù kùùn.

Marikì 3:7

Àyìwà Yesù ko e re kàràndzin neè, yè bo tɔ̀un, yè dɔ̀n be Galile yu blàa dzii ra. Jàmaà yè bo naà gàne rèè ɲàn giri giri tɔ̀un, yè nà e gbaàn Yesù kpɛyn. Swey boò Galile mar'la ɲàn, swey yè bà daàn Yude mar'la ɲàn.

Lukì 10:38

Àyìwà, twɛy gooma reè shɔùn, è Yesù ko e re kàràndzin neè to Yerusalɛmùn wɔ̀ùn shià tsɛ, yè bè wɔ wɔ̀ sɔn ɲan. Tàan sɔn na ni ta wɔ̀ɔ̀ doùn, nìi kir'là ci Maritsì. Maritsì yè bè Yesù ko e re kàràndzin neè tɔɔnsibema bo e re.

Lukì 19:29

È bèkɔɔn shia rè, è bèu tsyɛnbe Bɛtsifaazhì ko Betanìn wɔ̀ rèè rà jèn sɔn tɛyn, nìi kir'là oliviku rèè jèèn, Yesù yè e re kàràndzin neè fii ka.

Lukì 24:50

Àyìwà, Yesù dòu twɛy gooma reè rà waatsi riì bwèy, è re kàràndzin neè kiri bo wɔ̀ɔ̀ doùn, è bè è ka Betanìn wɔ̀ɔ̀ kpàkèrè. À bèu wɔ è ka wɔ̀ɔ̀ tɛyn, è tsiì mɔn, è si rèè ɲansen è kùùn, è dzwɛ ji è ra.

Yùxanà 11:1

Àyìwà, kpiri sɔn na ɲìniɔ̀n Betanìn wɔ̀ rɔ̀n, nìi tsoo ci Lazarì. Tàan fii swey sa na tsùuŋnà Betanìn wɔ̀ rɔ̀n, twɛy tseyn ko tsìnà: soo tsoo ci Maritsì, soo tsoo yè bà ci Mariyamùn.

Yùxanà 11:18

Betanìn wɔ̀ɔ̀ ko Yerusalɛmùn fia gbànbee naà gereon cilo zhììgi tsuru tsɛ waa.