Matsiyù 20:14 - Bible Dzùùngoo Unicode

¹⁴ A sar'là tsi a wa. À dzibeu mun na ni, min sàrà soo sin wo ko nèe bònè dzin nee sa ra.

Matsiyù 20:14 ပူးပေါင်းရင်းမြစ်များ

Matsiyù 20:13

Dzùtsià yè mòò sɔn latsi è ɲan ci: "N dzunwɛynsi, wo ni dzin ci mun na tereòn wo ka ɔ ? Wo ko mun na byɛn cɛ̀ɛ̀n fii rìì mà bwèè doùn ɔ̀n ?

Matsiyù 20:15

Tàà à na dàaŋnà min n sao fa n suun ge reè ka gbɛ ? Tàà mun wù nìi fa tɔ̀ rii jaaɲininbe wo kuɔn gbɛ ?"

Matsiyù 6:16

Àwà, e ye sun wɔ, e maà e jaakɔrɔun kùùn, a ci mòdzin duungoofiitsi rèè y'à faa nìi tsuru waa. Twɛy yè e jaakɔrɔun ŋununbee, sànko, mòdzian y'à tɔ̀, ci ye sun wɔɔ. Sààben na, mun nì ci e ra, è raa bàràjia, è tɔ̀ tàrau nòn.

Matsiyù 6:2

E ba nà gbakɔɔn reè kɔ̀ gè rà, maà tɔ̀ bà vuru fyɛɛ goo, sànko mòdzian sapɛ y'a ja waa. Duungoofiitsi rèè rìì tɔ̀ faa ŋaablabegba rèè doùn, ko shi reè rè. È tɔ̀ faa, sànko mòdzian yè blà wɔ ye ɲan. Sààben na, mun nì ci e ra, twɛy yè e raa bàràjia tàrau nòn.

Matsiyù 6:6

Ŋà, nìi wo, e ba nà Ŋaablà mafyɛ̀n, dɔ̀n be fɔ a re gbàà jaane, e dziɛ̀ tsyee a ma, a Fa Ŋaablà mafyɛ̀n, tɔ̀ niì ni tɔ̀ gàne mɛnɛunma nɔ̀n. Tɔ̀ tsuru, wo Fà Ŋaablà riì goo mɛnɛunma rèè jàa, tɔ nà à tsìì sàrà wo re.

Lukì 15:31

À fàà yè dzin à ra ci: "N dzin kpiri, wo ni mun ka mìin kudɛyn, gè o ge ni mun ne, à sapɛ wo rìì laa.

Lukì 16:25

Ibraximà yè dzin à ra tɔ̀ rii ɲàn ci: "N dzin kpiri, a taa to, ci wo na ni dziɲantsiɛ doùn waatsi riì bwèy, xɛɛrɛ na ni wo tsɛ fɔ è bè geren. Ŋà, Lazarì do, tɔ̀ yeè e raa jaamabee sapɛ fau byɛnbee rìì ɲàn. Àwà, dòònuùn tɔ̀ jaayuà tsɛ̀u mìin, wo yè bà byɛɛn.

Yùxanà 17:2

Tɔ̀ fa, kàtsu wo fààn siun à ra, è bà ni dziɲan modzian sapɛ kuùn. Tà tsuru, wo nìì reè sapɛ wɔɔ à suun, è jaamabe dziù dòbɛɛ sìn twɛy rà.

Ɔ̀rɔ̀mùnka reè 3:19

Àwà, m'à tɔ̀ ci sàrìyaa nìi sapɛ deè, nìì reè ni sàrìyaa dzuun, à y'à dè siàn twɛy rìì là. À y'à dè siàn twɛy rìì là, gè riì ni à to dzii pɛn mà goomama jà waa, mòdzian sapɛ to yè jà fìrìgòòtsi Ŋaablà biìn.

Ɔ̀rɔ̀mùnka reè 3:4

Ayi dɛrɛ ! À wù è tɔ̀ ci Ŋaablà rii sààbèntsi, mòdzin sapɛ yeè bà doodebaa, a ci à yɛ sɛbɛɔ̀n nìi tsuru Ŋaablà re Goomaa doùn ci: «À wù è tɔ̀ ci wo tereòn a re gooma reè doùn, kitsia doùn w'e bà dzi tarabaa.»