Matsiyù 2:4 - Bible Dzùùngoo Unicode

⁴ Tɔ̀un, Saaka Jɔundzin neè, ko Sàrìryà Kaamoo reè gè o ge ni à re màr'là doùn, è twɛy sapɛ ladzyèè. È tey ci Ŋaablà Jaara Modzìàn na wù è kere min ?

Matsiyù 2:4 ပူးပေါင်းရင်းမြစ်များ

Matsiyù 13:52

È dzin è ra ci: «Tɔ̀ kamà, Sàrìryà Kaamoo ge o ge ye ba Jìrànxɔɔ̀ Màsàbee doùn kàràndzin, tɔ bàa boo gbàtsi re, nìi gè ye ì ko gè bɔrɔɔ ì sa boò e re nàfòrò marama nɔ̀n.»

Matsiyù 2:3

Màsà kpiri Erodzì nàu tɔ̀ goomaa myɛ̀n, à akiri na tsuù waa, à ko Yerusalɛmunka reè sapɛ.

Matsiyù 2:5

Yè dzin à ra ci: «À Bɛtsilɛmùn wɔ̀ rɔ̀n nì, Yude mar'la ɲàn, kàtsu kɛɛraa sɔn y'a sɛbɛɔ̀n nèe tsuru ci:

Matsiyù 21:15

Tɔ̀un, Saaka Jɔundzin neè ko Sàrìryà Kaamoo reè Yesù rè kabagoo goo fakɔɔn reè jà nìi fau, tà ko dziin nèè yè bà dziàn fààna Ŋaablà re gbà blàa fɔɔn doùn ci: «Tsoo dzi yeè ɲɛn màsà kpiri Dawudà tsua dziàn tsɛ», tɔ̀ yeè è vunun ta fɔ è bè geren.

Matsiyù 21:23

Àyìwà, Yesù yè bè dɔ̀n Ŋaablà re gbà blàa doùn tɔ̀un, è maa è mòdzian kàr'na. À ni tɔ̀ kàr'nà nà, Saaka Jɔundzin neè ko Dzyèèsìbee mòdzin neè rè bɔɔ rèè yè nà e kpɛrɛ̀ à ra, y'à tey ci: «Dzi kɛn ni baraka ɲan wo nèe goo rèe rèè faa ? Tàà tsì rii yè è faa dzi siun wo ra ?»

Matsiyù 26:3

Tà doùn, Saaka Jɔundzin neè, ko Dzyèèsìbee mòdzin neè rè bɔɔ rèè yè e si ladzyeè Saaka Jɔundzin blaa rè gàne rɔ̀n, tɔ̀ niì tsoo Kàyifè.

Matsiyù 26:47

Àyìwà, è Yesù dzii to tɔ̀ goomaa nà ŋe, nìi Yudasì, kàràndzin teeŋ fii rèè sɔn, tɔ̀ yeè nà e kungɔ bo ko jàma brìsi ka, kaa faa kaamunun ì ko kɔn ì yè bà ni twɛy suun. Saaka Jɔundzin neè ko Dzyèèsìbee mòdzin neè rè bɔɔ rèè rìì na è kaɔ.

Matsiyù 27:1

Àyìwà jia seroun, gbishɛɛ̀mà muri, Saaka Jɔundzin neè, ko Dzyèèsìbee mòdzin neè rè bɔɔ rèè yè e tsuù, yè byɛ̀n à mà ci Yesù yè vu.

Matsiyù 7:29

À ko è re Sàrìryà Kaamoo reè raa mòdzìn kàràùn'n kur'la naà soo waa. À na gooma barakama ì ka è kàr'na.

Marikì 8:31

Àyìwà, tà shɔ̀ùn, à yè e maa è kàr'na. À ci è ra ci: «Fɔ Adamà dziàn yè byɛn cɛyn. Bɔɔ rèè, ko Saaka Jɔundzin neè ko Sàrìyà Kaamoo reè yè e nɔn à re, è vu. Bwèy zhììgi à saunmaà shɔ̀ùn, è sèè kpunan bo saàn ɲàn.»

Lukì 20:19

Àwà, Yesù tà goomaa dèu tà tsuru min niì, tɔ̀ gàne soo ɲàn, Sàrìyà Kaamoo reè, ko Saaka Jɔundzin neè yè e maa, y'à gaa kunàma, kàtsu, è na à tɔ̀, ci Yesù nèe gooma bɔɔ rèe dè siɔ̀n ye rìì là. Ŋà, yè shi jàmaà jɔun.

Lukì 23:10

Tɔ faa waatsi riì bwèy, tɔ̀ y'a tàrà, Saaka Jɔundzin neè ko Sàrìyà Kaamoo reè na ni, twɛy yè bà sɔn ɲaan ɲaan kaatsià sapɛ wɔɔ̀ à rà.

Yùxanà 18:3

Yesù ko e re kàràndzin neè ni tɔ̀ gàne rɔ̀n, Yudasì, tà ko kaadzin kuru sɔn yeè nà e kungɔ bo mɔn, Ŋaablà re gbà blàa kplatsuubaa rèè swey sa na ni è ka. Saaka Jɔundzin neè, ko Faridziɲɛn rèè rìì na twɛy ka naɔ è bà Yudasì tɛ̀y. È ci e ye nà bo, fìtsina rèè, ko kaan deunma rèè, ko màràmàge rèè rìì na ni è suun.

Yùxanà 3:10

Yesù ci: «Wo rìi tɔɔ̀ Isirayɛlì kàrànfa brìsi, wo na tɔ̀ tɔ̀ ɔ̀ ?

Yùxanà 7:32

Jàmaà nìi sapɛ deè Yesù rè goò ɲàn sàn dzuun, Faridziɲɛn rèè toro yè ji tɔ̀ ɲan. Tɔ̀un, è ko Saaka Jɔundzin neè yè Ŋaablà re gbà blàa kplatsuubaa rèè swey ka, ci yè bè Yesù kun.

Yùxanà 8:3

Sàrìyà Kaamoo reè ko Faridziɲɛn rèè yè tàan sɔn kun na à re, yè nà à tsìì à jaaterema, ci ye tɔ̀ taàn kuɔn ɲànmɔ̀ɔ̀be ra.

Kɛɛradzin neè faadziɛ 23:9

È bà màànkan brisi è re. Sàrìyà Kaamoo swey na ni, twɛy yè bà na Faridziɲɛn rèè raa kur'la mòdzin ì. Tɔ̀un, twɛy yè fù, yè e san gban. È ci: «Sààben fyan, ɲe na jààma pɛn jaɔ̀ kpir'lee ra waa. Tɔ̀ nìn yè bo à ra, kwey rìì goomaɔ̀ à ka ò, mɛ̀rɛ̀kɛ rìì to goomaɔ̀ à ka ò, tsi tɔ̀ ?»

Kɛɛradzin neè faadziɛ 4:5

Àyìwà, tɔ̀ raa gbey rɔn, kitsi kunun kur'là mòdzin neè yè e si ladzyeè Yerusalɛmùn. Tɔ̀ na Dzyèèsìbee mòdzin neè kùntsii rèè ko bɔɔ rèè, ko Sàrìyà Kaamoo reè.

Kɛɛradzin neè faadziɛ 6:12

Tɔ dèu tɔ̀ tsuru, yè mòdzian, ko bɔɔ rèè ko Sàrìyà Kaamoo reè sa pi son ji Etsiyɛnìn kpɛyn. Yè bè e mɛɛy à tsɛ tɔ̀un, y'à kun dɔ̀n be fààn na kitsi kunun kuru blàa mòdzin neè rè.