9 A jaadzian to ye ba bàa tsoo à y'à dɔn gooɲaan ɲan, à kwey bo a ra, a maa jeenà. E bà jaa sɔn, e gbey tarà, tɔ fyan, sani a ko a jaadzin fiɛ̀ yè bè maa sà dzibɛy rɔn.
A sià tàmafa a saàn ye ba bàa tsoo à y'à dɔn gooɲaan ɲan, à tsyɛ bo a ra, a maa jeenà. A ko a si sɔɔ̀n, tàmafa a san sɔɔ̀n yè gbey tarà, tɔ fyan, sani a ko a si fiɛ̀, tàmafa a san fiɛ̀ yè bè maa sà dzibɛy rɔn.
Yesù ci à ra ci: «Feera wo yè bà mun teè wùɔ goojaa mà ? Ŋaablà soo pe rii wù. Tà doùn, e ba ni à re e jaamabe dziù dòbɛɛ tàrà, à dzugooma xɔù rèè shi jiì.»
Ŋà, mun nì ci e ra, mòò o moò nà e vunun ta e modzìnsia ka, tɔ wù è kitsi. Mòò riì nà e modzìnsia ɲɛ̀n ci à manan, à wù tɔ̀ yeè kitsi kitsi kunun kur'là mòdzin neè rè. Mòò riì to nà e modzìnsia ɲɛ̀n ci à fàkɔɔn, tɔ wù jààndamaan sàà ka.
Àwà, sani a sirama sia rè jaadzian yè bà saabu e gooɲaantsii tarà, à kwey bo, a maa jeenà. E fɔn a gɔɔ̀n gàne soo ɲan, tɔ fyan a ko e kur'la yè bè jààndaman.
A jaadzian nì to ye ba bàa tsoo, à y'à dɔn gooɲaan ɲan, à kwey bo a ra, a maa. Tɔ̀ fa, kàtsu a ko a jaa sɔɔ̀n yè dɔ̀n Ŋaablà re màsàbee doùn, tɔ fyan, sani a ko à fiɛ̀ sa yeè maa jààndamaan doùn.
Tà sapɛ ɲan, è na fààn wɔɔ̀ kàràndzin neè ɲàn, yè è màxɔ̀ɔn, ci è ɲɛn niì faɔ̀ Ŋaablà ra, è mà bo tɔ̀ tsɛ waa. È na dziàn è ra, ci sani e dɔ̀n Ŋaablà re Màsàbee gàne rɔ̀n, a byɛnbe gir'lì tsià a ma ŋe.