Matsiyù 18:10 - Bible Dzùùngoo Unicode

¹⁰ Tà doùn, ye e yɛrɛ kaàwɔ, e maà nà to nèe dziin nèe rèè sɔn kɔn waa. Mun nì ci e ra, è re mɛ̀rɛ̀kɛ rèè ni jìrànxɔɔ̀ doùn kudɛyn, mun Fà Ŋaablà ka.

Matsiyù 18:10 ပူးပေါင်းရင်းမြစ်များ

Matsiyù 1:20

À ni tɔ̀ goò kɛ̀sɛɛ̀ rà, Tsìfaà rè mɛ̀rɛ̀kɛ sɔn yeè e yɛrɛ kpadè à ra sìràn ɲàn, è dzin à ra ci: «Dawudà tsua dzin Yusufù, maà shi e Mariyamùn bà a re tààn waa. Don nìi yɛ à ɲan, à tɔ̀ seòn Ŋaablà re Dzi Fɛnɛɛ baraka rɔ̀n nì.

Matsiyù 12:20

À fa kaan kungɔ sùùruuma kɛɛy waa, à to fa fìtsina màjààkɔɔn dzi waa. À nà tɔ̀ fa, fɔ goo tereonmaà yè bè bà dzibaa.

Matsiyù 18:14

Tɔ̀ fau'n kuru soo rà, ye Fà Ŋaablà riì ni jìrànxɔ rɔ̀n, à na tɔ̀ sàò, nèe dziin nèe rèè mòò sɔn yè fìrì waa.

Matsiyù 18:6

Ŋà nèe dziin nèe rèè tsuru nìì reè ɲɛɔ̀n mun na, mòò riì twɛy sɔn san fìr'la, è ye zhi kpaa bla shi tɔ̀ tsìfa vu ra, yè b'a jàà dɔn bè kòòyua dzuun tɔ̀ ka, tɔ̀ dziì dzi à ra.

Matsiyù 2:13

Àwà, è bèumaà shɔ̀ùn, Ŋaablà re mɛ̀rɛ̀kɛ sɔn yeè e yɛrɛ kpadè Yusufù rà sìràn ɲàn, è dzin à ra ci: «Fù, e dziɛ̀n ko e naà sen, e vwɛ̀yn be è ka Misiran jamaan nɔn. Bè to mɔn, fɔ min nà dzin a ra, ci e sèè na, kàtsu Erodzì nà dziɛ̀n gaa, ci wo nà à vu.»

Matsiyù 2:19

Àyìwà Erodzì saunmaà shɔ̀ùn, Tsìfaà rè mɛ̀rɛ̀kɛ sɔn yeè e yɛrɛ kpadè Yusufù rà sìràn ɲàn Misiran jamaan nɔn.

Matsiyù 24:31

À nà e re mɛ̀rɛ̀kɛ rèè ka vuru blaa fyɛ vuà ka. À nìì reè boo e jaara, yè twɛy ladzyeè dziɲaan nɔ̀nkɔn nààleèn min niì sapɛ, è sen ŋaablaxɔɔ̀ kùngɔ soo rà, è bè fɔ kùngɔ soo rà.»

Lukì 1:19

Mɛ̀rɛ̀kɛɛ̀ yè dzin Jakàrìya ra ci: «Mun nì Jìbirì. Mun nì ni Ŋaablà tɛyn, min bà à re goo rèè shi jiɛ. Wò rii mun ka naɔ̀, ci min nà gooma wo ka, min nèe kùnàgoo dziù rèe dè wo ra.

Lukì 10:16

Tà shɔ̀ùn, Yesù yè dzin e re kàràndzin neè rà kɔn ci: «Mòò riì ye e toro wɔ ye re, tɔ̀ yeè e toro wɔu mun nì nè. Mòò riì ye ye maa, tɔ mun nì maaŋ. Mòò riì to ye mun maa, tɔ mun kabaà rìì maaŋ.»

Lukì 16:22

Àwà, Lazarì yè nà san. À saun, mɛ̀rɛ̀kɛ rèè y'à sen, Ibraximà ni min niì àrìjinɛɛ̀ doùn, yè b'a ji à tɛyn mɔn. Tà shɔ̀ùn, nàfòròtsià sa yeè nà san. À saun yè b'a wɔ.

Kɛɛradzin neè faadziɛ 10:3

Àyìwà, sii sɔn see ɲɛ̀rɛɛ̀ rà, bwèè màciunma na, Ŋaablà yeè gè sɔn kpadè Kɔrɔnayì rà jɛ̀y ɲan. È Ŋaablà re mɛ̀rɛ̀kɛ sɔn ja panparapa, tɔ dɔ̀ɔn à re gbàà doùn. Mɛ̀rɛ̀kɛɛ̀ yè Kɔrɔnayì kiri ci: «Kɔrɔnayì !»

Kɛɛradzin neè faadziɛ 12:15

Twɛy yè dzin à ra ci: «Fa jiɔ̀ wo ɲan gbɛ ?» Tà ko e sa ra, cangur'la ci à wò rii taki. Yè dzin, ci tà bwèy, à y'à mɛ̀rɛ̀kɛɛ̀ rìì.

Kɛɛradzin neè faadziɛ 12:23

Tɔ̀ waatsi soo ɲàn, mùn Tsìfaà rè mɛ̀rɛ̀kɛ sɔn yeè nà Erodzì ban, kàtsu blàbe niì na wù Ŋaablà ka, à tɔ̀ bàu e yɛr'laa. Tɔ̀un, à jaamakɔɔn, tsùun ì yè dɔ̀n à ɲan, è san.

Kɛɛradzin neè faadziɛ 27:23

Àwà, mun Ŋaablà riì raa, min bà faagoò faa à re, tɔ̀ re mɛ̀rɛ̀kɛ sɔn nàu e yɛrɛ kpadè mun na fen nɔ̀n.

Kɛɛradzin neè faadziɛ 5:19

Ŋà, fen nɔ̀n, Ŋaablà yeè e re mɛ̀rɛ̀kɛ sɔn baji na, è nà kàsògbaà dzii san, è kɛɛradzin neè bo. À yè è bou, è dzin è ra ci:

Ɔ̀rɔ̀mùnka reè 14:10

Ŋà wo do, fèe kamà wo yè bà a neemaa jààkia ? Wo sa do, feera wo sa yeè bà a neemaa kɔɔ̀n ? Àwà mùn soo sookɔɔn sapɛ nà e tsiì Ŋaablà re kitsikununma nɔ̀n, è kitsia kùnùn mùn tsɛ.

Ɔ̀rɔ̀mùnka reè 14:21

Nìi y'à wùɔ, tɔ̀ rii yɛ, a maà shu ɲɔn a to mà mììn fa. Gè o ge nà bà a neemaa mɛɛ̀ saabu, tɔ̀ sapɛ jɔun bo.

Ɔ̀rɔ̀mùnka reè 15:1

Àwà ɲe nìì reè fàan blà ɲɛynaà ɲàn, ɲe wù ɲe yè nìì fa, tɔ̀ rii yɛ nìì reè fàan dzyɛ̀n, ɲe yè twɛy raa fààn bɛ̀y goo reè sen, ɲe mà à gaa ɲe yè e dzibee goo fa waa.

Korɛntsika reè jɔ̀naà 11:22

Tsii na ni ye re ye yè bà ni ɲwɛyn ɲɔn ye yè mììn fa mɔn gbɛ ? Tàà ye Ŋaablà re ɲɛynamoo kur'là rìì ɲanfyɛnbee, ye yè seey ka gè bɛy reè rà gbɛ ? Mun wù min fee rìì dè ye ra ? Min ye tsoo dzi kir'lì gbɛ ? Tɔ̀ kàjaa tsɛ mun fa ye tsoo dzi kiri waa.

Korɛntsika reè jɔ̀naà 16:11

Mòò pɛn mà à ɲanfyɛnbe waa. Ye wɔ à ra y'a kèèsen e re jìɛ̀ doùn è sèè wɔ n tsɛ xɛɛrɛ ra, kàtsu mun y'à ko neema dzyee reè sa mashua.

Korɛntsika reè jɔ̀naà 9:22

Nìì reè ŋɔn fyɛn, mun sa ye n bau a ci ŋɔ̀n fyɛn, min bà ni twɛy tàrà. Mun yè n bau gè sapɛ mòdzian sapɛ kamà, a ni dzi ba nìi tsuru fau'n kur'la sapɛ ra, min swey tsi.

Korɛntsika reè fiiraa 10:1

Àwà mun Polì, mun nìi baɔ̀ mɛ̀nshɛ̀n moo, min ba ni ye ka, mun vu yè bà xɔ ye ka mun dàn ye ba gbàn ye ra, mun ye màfyɛ̀ɛn nì, Kirisà rè vununmaciàn ko à ɲan wùbee kamà.

Korɛntsika reè fiiraa 10:10

È ɲɛn à tsɛ swey dziàn ci mun ne sɛbɛn neè doun goòmà rèè ɲinmaxɔ, fààn yeè bà ni è ɲan, ŋà ci mun yɛ̀r'la ye ba ni, mun ŋɔn fyɛn, mun ne gooma reè to na pɛn waa.

Galatsika reè 6:1

N neema ì, mòò ye kun fìrìgoò sɔn na, Ŋaablà re Dzia ye nìì reè kuru kuɔn, ye sèè na à tsìfa ka shi tereunmaà tsɛ, vununmacin ka. Ŋà a sa y'a yɛrɛ kun, dzuunbwey mà nà a sa tara waa.

Tesalonikika reè jɔ̀naà 4:8

Tà doùn, mòò riì nèe làtsii rèe rèè maa, à na adamàdzin mòdzin maaŋnà dɛ, ŋà à Ŋaablà rii maaŋma, tɔ̀ niì yè e re Dzi Fɛnɛɛ sìan ye ra.

Tsìmotè jɔ̀naà 4:12

Maà à to mòò pɛn y'à dzyɛnbe ci a dziinkòòmɛ̀yn waa. Ŋà bà jaakpadeyra rìì ɲɛynamoo rèè rè, goomaa kàjaa tsɛ, jaamabee fau'n kur'la kàjaa tsɛ, kɛ̀nbààbee kàjaa tsɛ, ɲɛynaà kàjaa tsɛ, ko duunfyɛɛ̀ kàjaa tsɛ.

Dzyèèsìbee mòdzin neè 1:14

Mɛ̀rɛ̀kɛ rèè Ŋaablà re kɛɛra ì rìì, jaa na nìì reè jàa waa, yè bà ni Ŋaablà re faagoò rà. Nìì reè wù yè tsi gbey, Ŋaablà yeè è ka bèe, yè bè wɔ twɛy rà.

Dzyèèsìbee mòdzin neè 9:24

Mòdzian bùù gba vyama niì gbaun e si ka è bà jìrànxɔɔ̀ raà bosi, Ŋaablà Jaara Modzìàn na dɔn tɔ̀ doùn fɛnɛɛ doùn dɛ, ŋà, à dɔ̀un jìrànxɔɔ̀ raà yɛ̀r'la rìì doùn, è bà tsìiŋnà Ŋaablà jaaterema dòònuùn, è mùn ne goo rèè jaa boò.

Goo kpàdèuma rèè 8:2

Mɛ̀rɛ̀kɛ ɲɛ̀ɛ̀nun nìi yè e tsiɛ Ŋaablà jaaterema, min twɛy jà. Tɔ̀un, vuru ɲɛɛ̀nun yè wɔ twɛy suun.