Matsiyù 17:18 - Bible Dzùùngoo Unicode

¹⁸ Yesù yè e cerè kweè tsɛ, è bo dziɛ̀n ɲàn. Tɔ̀ nɔ̀nkɔɔrɔn, dziɛ̀n yè cɛrɛmabe.

Matsiyù 17:18 ပူးပေါင်းရင်းမြစ်များ

Matsiyù 12:22

Tà doùn, yè nà kpiri sɔn ka Yesù rè, tɔ̀ kpir'la kweykɔɔn, à jaana, è bà bobo. Yesù yè kpir'la cɛrɛmabe, è dzi gooma, è jɛ̀y fa.

Matsiyù 15:28

Yesù y'à latsi tɔ̀un ci: «Aa tàan, wo ɲan ɲɛynaà blà taki ! A nìi gaa, è fa a re a ci wo ci è fa nìi tsuru.» Àwà, è taàn dzin taan cɛrɛmabe tɔ̀ nɔ̀nkɔɔrɔn.

Matsiyù 17:17

Yesù yè dzin ci: «Ye she mòdzìn ɲan ree reè, e na ɲɛɔ̀n Ŋaablà ra ! Mun nà to ye ka min ye re goo rèè ku n ɲan fɔ waatsi kɛn ? Ye nà dziɛ̀n ka n kɔ mìin.»

Matsiyù 17:19

Tɔ̀un, kàràndzin neè yè nà e kpɛrɛ̀ Yesù rà, y'à tey e soone ci: «Fee y'à to ɲe na dzi kwey rèe kaa bo dziɛ̀n kpɛyn do ?»

Matsiyù 9:22

Yesù yè e jaa kereu à y'à jà min niì, è dzin ci: «Maà a duungoo do waa n dzin taan, wo ɲɛunmaà mun na tɔ wo cɛrɛmabeu.» Tɔ̀ waatsi rɔn ko e sa, taàn yè cɛrɛmabe.

Marikì 1:34

Tà doùn, Yesù yè ɲìnìnkɔɔn giri cɛrɛmabe, a ci à ɲìnìn kun ge o ge. È kwey giri kaa bo kweykɔɔn reè kpɛyn. À naà à toò kwey rèè yè gooma waa, kàtsu twɛy na à tɔ̀ à mòò riì.

Marikì 5:8

À tɔ̀ goomaa dèu, kàtsu, Yesù na dziàn ci kweè yè bo à kpɛyn.

Lukì 4:41

Kwey rèè na boò kweykɔɔn reè giri kpɛyn ko gɛyn bo rii ka. Tɔ̀ gɛyn bokɔɔn doùn, è na dziàn Yesù rà ci: «Wo rìì Ŋaablà Dzin Kpir'la.» Kwey rèè na tà dèe Yesù rà, kàtsu, è na à tɔ̀, ci wò rii Ŋaablà Jaara Modzìàn, nìi kir'là ci Kirisà. Ŋà, à na e jaa xe boò è ra, à dè màxɔbe è ra, ci wò ma tà myɛ̀n è dzu waa.

Lukì 8:29

À na tà dèe, kàtsu, Yesù na dziɔn kweè rà, ci è bo à kpɛyn. Kwey rèe na bà à kun jaa giri faa. Tɔ̀ ye ba na fau waatsi o waatsi, è na à kuàn y'à si rèè ko sàn nèè sa wɔ jòòroon rà. È na tɔ̀ faa, sànko à ma dzi bo e shɔùn waa. Tà ko e sa ra, kpir'lee na jòòroun nee shɛn shɛɛ̀n, kweè yè geren à ka fɔ jènjàà kor'nà doùn.

Lukì 9:42

È bèkɔɔn dziɛ̀n ka, è ci e ye bè tsyɛnbe Yesù rà, kwey rèe yè dziɛ̀n sen mɛɛy dzɔn nɔ̀n, à y'à to è soron sor'nà. Tɔ̀un, Yesù yè e cerè kweè tsɛ, ci è bo dziɛ̀n kpɛyn. Kweè yè bo dziɛ̀n kpɛyn, è cɛrɛmabe. Tɔ̀un, Yesù y'à wɔ e faà suun.

Kɛɛradzin neè faadziɛ 16:18

È tɔ̀ fa, è bè tàrà, fɔ jisee giri. Sii sɔn see, à goò yè nà Polì vunun ta, è jaa kere tɔ̀un, è dzin kweè rà ci: «Ŋaablà Jaara Moo Yesù Kirisà tsoò baraka rɔ̀n, mun ci e bo tàan rèe kpɛyn !» Tɔ̀ nɔ̀nkɔɔrɔn ko e sa, kweè yè bo à kpɛyn.