Matsiyù 16:27 - Bible Dzùùngoo Unicode

²⁷ Àwà Adamà dziàn nà nà e fa Ŋaablà nɔɔrɔɔ̀ doùn, e re mɛ̀rɛ̀kɛ rèè ka. Tɔ̀ sii sèè, à nà mòdzian soo soo sapɛ sarà, è kòrò è faadziɛ ka.

Matsiyù 16:27 ပူးပေါင်းရင်းမြစ်များ

Matsiyù 13:41

Dziɲaan latan bwey, Adamà dziàn nà e re mɛ̀rɛ̀kɛ rèè bàji na, yè nà mòdzìn sàn fir'leè, ko mòdzin ɲan reè bo à re màsàbee doùn.

Matsiyù 13:49

Àwà à nà bà tɔ̀ rii tsuru dziɲan latan bwey sa. Mɛ̀rɛ̀kɛ rèè nà bo yè mòdzìn ɲan reè bo mòdzin tereonma rèè fi.

Matsiyù 24:30

Tà doùn, Adamà dziàn tàànmàshɛn nà e kpadè ŋaablaxɔɔ̀ rà. Tɔ̀un, dzɔ̀nxɔɔ̀ tsɛ kuan sapɛ nà gɛyn yè Adamà dziàn nàkɔɔn ja mun'na tsɛ, dzi brisi ko nɔɔrɔ brìsi doùn.

Matsiyù 25:31

Yesù yè dzin kɔn ci: «Adamà dziàn ye na nà e nɔɔrɔɔ̀ doùn waatsi riì bwèy, à ko mɛ̀rɛ̀kɛ rèè sapɛ, à nà e tsuù e re màsà gbaaniin nɔɔrɔmaa tsɛ.

Matsiyù 26:64

Yesù yè dzin à ra ci: «Wo rìì y'à dèu. Ŋà, mun nì ci e ra, nèe shɔ̀ùn, ye nà Adamà dziàn tsùuŋma jà Dzitsi Ŋaablà sirama si jaa rè, tà shɔ̀ùn, y'a nàkɔɔn ja jìrànxɔ rɔ̀n mun'na tsɛ.»

Matsiyù 8:20

Yesù yè dzin à ra ci: «Kɔ̀ɔ̀ rìì ni tsɛ̀ kùn kpar'nèè rè, è dɔ̀ɔn min niì. Jìran nɔ̀n kɛ̀yn neè, tàn yè bà ni twɛy rè, yè e ɲɛɛn min niì. Ŋà Adamà dziàn, gàne na ni tɔ̀ tsoo ra, à nà e kungɔ wɔ min niì waa.»

Marikì 14:62

Yesù yè dzin tɔ̀un ci: «À mun nì. Ye nà Adamà dziàn tsùuŋma jà Dzitsi Ŋaablà sirama si jaa rè, tà ko y'a nàkɔɔn ja è bo jìrànxɔ rɔ̀n mun'na tsɛ.»

Marikì 8:38

Nèe she raa mòdzin niì reè yè e nɔɔ̀n Ŋaablà re, yè bà gooɲaan faa, àwà mòò riì ci wo seè twɛy jɔun mun ko n ne gooma reè kamà, Adamà dziàn sa ye na nà sii rìi sèè e Fa Ŋaablà nɔɔrɔɔ̀ doùn, ko e re mɛ̀rɛ̀kɛ̀ fɛnɛ reè ka à sa nà seey, ci wò na tɔ̀ tsìfa tɔ̀ waa.»

Lukì 21:27

Tɔ̀un, Adamà dziàn nàkɔɔn nà jà mun'na tsɛ, dzi brisi yè bà ni à ɲan, nɔɔrɔ brìsi yè bà ni à tsɛ.

Lukì 22:69

Ŋà, è sen dòònuùn nà, Adamà dziàn nà e tsuù Dzitsi Ŋaablà sirama si jaa rè.»

Lukì 9:26

Tɔ̀ rii kamà, wo mòò riì ci wo seè, mun ko n ne gooma reè kamà, Adamà dziàn sa ye na nà e nɔɔrɔɔ̀ doùn sii rìi sèè, è nà e fa Ŋaablà nɔɔrɔɔ̀ doùn ko mɛ̀rɛ̀kɛ̀ fɛnɛ reè raà doùn, à tsu fa e tsiì è tɔ̀ tsìfa tɔ̀ tɔ sii sèè waa.

Yùxanà 21:22

Yesù yè dzin à ra ci: «Min ba n'a re è to tsùù, è bè suu fɔ mun sèè naà dzu, wo re fee ni tɔ̀ ɲan ? Nìi kpɛ̀yn wo, a gban n kpɛyn.»

Yùxanà 21:23

Tɔ̀ goomaa nì kamà, kàràndzin neè yè dziàn e si ra ci tɔ̀ kàràndzian fa san waa. Tà to y'à tàrà, Yesù naà dziɔn Piyɛr'là ci tɔ̀ kàràndzian fa san dɛ, ŋà, à dziun ni ci: «Min ba n'a re è to tsùù, è bè suu fɔ mun sèè naà dzu, wo re fee ni tɔ̀ ɲan ?»

Kɛɛradzin neè faadziɛ 1:11

Twɛy yè dzin è ra ci: «Galileka reè, fee rìì ye tsìiŋnà mìin, ye yè bà Ŋaablaxɔɔ̀ siɛ̀n ? Yesù nìi bou ye fi, è sen fu bè jìrànxɔɔ̀ doùn, à sen fu bèu nìi tsuru, ye nà à sèè jàà nakɔɔn ja sii sɔn see tɔ̀ fau'n kuru soo rà.»

Ɔ̀rɔ̀mùnka reè 14:12

Tɔ̀ tsuru, mùn soo sookɔɔn sapɛ nà e re jaamabee kpunan bo Ŋaablà re.

Ɔ̀rɔ̀mùnka reè 2:6

Àwà tɔ̀ jisee, à nà mòdzian soo sookɔɔn sapɛ sarà è kòrò è faadziɛ ka.

Korɛntsika reè jɔ̀naà 15:23

Ŋà à yè sa ko e tsiìma nì. Kirisà, tɔ bàu kùngɔ̀ jɔnaa. Tà shɔ̀ùn, à raa rèè, à nà sii sèè.

Korɛntsika reè jɔ̀naà 3:13

Ŋà è soo soo sapɛ faagoo kaatsi rìi faɔ̀ tɔ nà kpàdè fyɛ. Tsìɛ̀ sii sèè, tɔ nà tɔ̀, è ɲɛn à tsɛ, sàà nà à kpàdè. Tɔ̀ sii sèè, mòdzian soo sookɔɔn sapɛ re faagoò nìi boò, sàà nà tɔ̀ dzuun bo.

Korɛntsika reè jɔ̀naà 8:8

Àwà ɲwɛyn nì fa mùn kpɛ̀rɛ̀ Ŋaablà ra waa. Mùn y'a ɲɔun o tɔ̀ fa gè bà mùn tɛ̀y, mùn to na à ɲɔn ò tɔ̀ fa gè bo mùn na.

Korɛntsika reè fiiraa 5:10

È ɲɛn à tsɛ, fɔ mùn sapɛ rii yè e tsiì Kirisà rè kitsikununmaà jaaterema mùn dzuun ye bo, mùn soo sookɔɔn sa yeè sàrà è kòrò mùn faadziɛ ka. E ba wùù faɔ̀ à y'a to gɔn nèe ɲan, e sàrà wùù ka. A to ye ba ɲaan ni faɔ̀ à y'à to gɔn nèe ɲan, e sàrà ɲaan ka.

Efɛsika reè 6:8

Ye bà à tɔ̀ ci mòdzian soo soo sapɛ, xɔrɔn sen jòn tsɛ, a wùù riì fau, a naà tɔ̀ sàr'là rìì tàrà Tsìfaà rè.

Kolosika reè 3:25

Mòò riì terenbɛybe goo reè faa, tɔ nà sàrà è kòrò e re terenbɛybee rìì ka, è ɲɛn à tsɛ, Ŋaablà na mòò boò mòò ɲàn waa.

Tesalonikika reè jɔ̀naà 1:10

Ye tɔ̀ fau, ye yè bà ni à Dzin Kpir'la sèè naà màshu è bo jìrànxɔɔ̀ doùn, nìi Yesù, à tɔ̀ niì kpunan bou fùn nèè fi, è bà mùn tsià Ŋaablà re vununta nàkɔɔn nà.

Tesalonikika reè jɔ̀naà 4:16

Ɲe fa dɔ̀n twɛy jɔun waa, kàtsu Tsìfaà rè shia sìunmaà, mɛ̀rɛ̀kɛ rèè kùntsii blàa sɛ̀ɛ̀y vuà yè bo, Ŋaablà yeè vur'la fyɛ, à nà jàà bo na jìrànxɔ rɔ̀n. Tɔ̀un, nìì reè saun yè bà ni Kirisà ɲàn, twɛy jɔ̀na nà sèè kpunan.

Yàkubà 5:7

Tà doùn, n neema ì, ye mɔnɲɔn, fɔ Tsìfa Yesù sèè na jisee yè bè wɔ. Fɛɛfabaà siin nèe, è mɔnɲɔɔn dzɔ̀nxɔɔ̀ fɛɛ fa ge wùù reè màshua doùn, fɔ ŋaa jɔnaa, ko à lataan yè bè nà, è kòmànà shìmaan gaa.

Piyɛrì jɔ̀naà 1:17

Tà doùn, ye ba Ŋaablà kir'la ci e fa, tɔ̀ niì kitsia kùn'na mòdzian soo sookɔɔn sapɛ tsɛ è kòrò è faadziɛ ka à na mɛɛ̀ mòò tsɛ, ye shi tɔ̀ jɔun e re bwèy fii tɔnɔnbe doùn jaamabe fakɔɔn nà dzɔ̀xɔɔ̀ tsɛ.

Yùxanà jɔ̀naà 2:28

Àwà dziniin ì, dòònuùn, ye to tsùù à ɲan, gè riì ni à to è na e yɛrɛ kpadè waatsi riì bwèy, mùn akiri yè bà tsùuŋnà. Ɔ̀ɔn, seey mà nà mùn tàrà à bììn à nà sii sèè waa.

Yudè 1:14

Nìi Enɔkì, Adamà tsua dzin ɲɛɛnunaa, tɔ̀ sa kɛɛrabee fau, è nèe gooma ree dè ɲɛn ye rìì tsɛ ci: «Tsìfaà nàuma siin e re mɛ̀rɛ̀kɛ rèè gbaayirika ka,

Goo kpàdèuma rèè 1:7

À siin nèe, à nàa mun'na ɲàn. Jaadzin sapɛ nà à jà, arì nìì reè y'à vɔ̀ tsɔu. Dzɔ̀nxɔɔ̀ tsɛ tsua sapɛ nà gɛyn à kamà. Àmiinà !

Goo kpàdèuma rèè 2:23

Mun nà à to à dzin nèè yè vu. Tà tsuru, ɲɛynamoo kur'lèè sapɛ nà à tɔ̀, ci mun nì mòdzian duungoo, ko è kɛ̀sɛmà rèè ɲansiɛ̀n, m'a tɔ̀. Mun to nà ye soo sookɔɔn sapɛ sarà, è kòrò ko ye faadziɛ ka.

Goo kpàdèuma rèè 20:12

Tà shɔ̀ùn kɔn, min mòdzin saunma rèè jà, modzin bla sen ɲɛn modzin kiɲaanin tsɛ, è tsìiŋnà màsà gbaaniɛn jaaterema. Sɛbɛn ì dzii yè san tɔ̀un. Sɛbɛn kpɛrɛ sa yeè san, nìi jaamabee sɛbɛɛn. Kitsia yè kùnùn mòdzin saunma rèè tsɛ è kòrò ko è faadziɛ ka, tɔ̀ niì sɛbɛɔ̀n sɛbɛn neè doùn.