Matsiyù 16:23 - Bible Dzùùngoo Unicode

²³ Yesù yè e jaa kere, è dzin Piyɛr'là ci: «Bo n tɛyn, e bè jɔun, Sùtànà modzìn ! Wo mun sàn nà baan kpàà rii. Wo nìi kɛ̀sɛɛ̀, tɔ̀ ko Ŋaablà raà na soo waa, à mòdzin ì kɛ̀sɛu'n kur'li.»

Matsiyù 16:23 ပူးပေါင်းရင်းမြစ်များ

Matsiyù 16:22

Àwà Piyɛrì tɔ̀ myɛ̀un min niì, è Yesù kiri bo tɔnmà, à dè màxɔbe à ra ci: «Tsìfaà, Ŋaa y'à taàn tɔ̀ mà. Tɔ̀ fa wo tàrà fyeu !»

Matsiyù 18:7

Dziɲan dzin naà barau, mòdzian sàn fir'la yè bà tsoo. Àwà sàn fìrì goo kpɛyn na do jàa waa, ŋà wo mòò riì bàa tsoo sàn fir'la yè mòò tàrà, wo raa barau.

Matsiyù 4:10

Yesù ci à ra tɔ̀un ci: «Bo n tɛyn Sùtana ! È ɲɛn à tsɛ, à sɛbɛɔ̀n Ŋaablà re Goomaa doùn ci: "A Tsifa Ŋaablà rii blàbe, e goo fa tɔ̀ soo pe re."»

Marikì 8:33

Yesù yè e jaa kere tɔ̀un è re kàràndzin neè siin, è fù Piyɛrì kpɛyn. À ci à ra ci: «Bo n tɛyn, e bè jɔun, Sùtànà modzìn ! Wo nìi kɛ̀sɛɛ̀, tɔ̀ ko Ŋaablà raà na soo waa, à mòdzin ì kɛ̀sɛu'n kur'li.»

Lukì 4:8

Yesù yè dzin à ra ci: «À sɛbɛɔ̀n Ŋaablà re Goomaa doùn nèe tsuru ci: "A Tsifa Ŋaablà rii blàbe, e goo fa tɔ̀ soo pe re."»

Yùxanà 6:70

Yesù yè dzin è ra ci: «Mun nì na ye mòkun teeŋ fiɛ̀ sa bo n jaa ra ɔ ? Ŋà, mòò sɔn ni ye ɲan, tɔ Sànwɔbaà rè mòdzin !»

Ɔ̀rɔ̀mùnka reè 14:13

Tà doùn, mùn mà e si jààki waa. Sani ye jààki fa, y'a gaa rii e maà bà e neemaa mɛɛ̀ saabu tàmafa à sàn nà baan kpàà waa.

Ɔ̀rɔ̀mùnka reè 14:21

Nìi y'à wùɔ, tɔ̀ rii yɛ, a maà shu ɲɔn a to mà mììn fa. Gè o ge nà bà a neemaa mɛɛ̀ saabu, tɔ̀ sapɛ jɔun bo.

Filipika reè 3:19

È lataan rìì yɛ, yè bara. È doòn rìì yè è re ŋaablà, goo rìi yè è seè goo, yè e yɛrɛ blabee tɔ̀ rii ka, è to na e kɛsɛɛ̀ gèsɔn pɛn na dzɔ̀nxɔɔ̀ tsɛ raa goo rèè tɛ̀y waa.

Kolosika reè 3:2

Ye e kɛsɛ jìrànxɔ rɔ̀n naa gè rèè rìì là, e maà e kɛsɛ dzɔ̀nxɔɔ̀ tsɛ raa rèè rà waa.