Matsiyù 16:16 - Bible Dzùùngoo Unicode

¹⁶ Shimɔn Piyɛrì ci: «Wo rìì Ŋaablà Jaara Modzìàn, Ŋaablà jaamaa Dzin Kpir'la.»

Matsiyù 16:16 ပူးပေါင်းရင်းမြစ်များ

Matsiyù 1:16

Yàkubà yè Yusufù kere. Yusufù na Mariyamùn nè kpiri, Yesù ker'la naa. Yesù rìi kir'là sa, Ŋaablà Jaara Modzìàn.

Matsiyù 14:33

Nìì reè ni konkor'na doùn, yè kunun gban à bììn, yè dzin à ra ci: «Sààben na, wo rìì Ŋaablà Dzin Kpir'la taki.»

Matsiyù 16:15

È tey ci: «Ye do, ye ci mun tsì rii ?»

Matsiyù 26:63

Yesù yè e mɛnshɛ̀n. Saaka Jɔundzin blaa yè dzin à ra kɔn ci: «Ŋaablà jaamaa tsoò kamà, à dè mùn na wo rìì ye ba Ŋaablà Jaara Modzìàn, Ŋaablà Dzin Kpir'la.»

Matsiyù 27:54

Kaadzin jɛrɛ̀blàtsià ko kaadzin dzyee niì reè sapɛ na Yesù kplatsuɔ, twɛy tɔ̀ dzɔ̀nxɔ̀ɔ̀mà kpin'na ko goo dzyee fauma rèè jàu min niì, yè shi fɔ è bè geren. È ci: «Sààben na, nèe Ŋaablà Dzin Kpir'la rìì taki.»

Matsiyù 4:3

Tɔ̀un, dzuunbweyfabaà yè e kpɛrɛ̀ à ra, è dzin à ra ci: «Wo rìì ye ba Ŋaablà Dzin Kpir'la taki, dzin nèe kpàà ree reè rà, ci yè e lakere ba buru ì.»

Marikì 14:61

Ŋà Yesù yè e mɛnshɛ̀n, à na gèsɔn pɛn latsi. Saaka Jɔundzin blaa yè sèè à y'à tey kɔn ci: «Wo rìì Ŋaablà Jaara Modzìnà ɔ̀n ? Dzwɛɛ̀ tsìfa Ŋaablà Dzin kpir'la kɛ̀ ?»

Lukì 2:11

Fen nèe ɲan, mòo kereo màsà kpiri Dawudà tà rɔ̀n, nìi ye tsibaà. Ŋaabla wò rii boo e jaara, è bà Tsìfaà.

Yùxanà 1:49

Natanayɛlì yè dzin Yesù rà tɔ̀un ci: «Kàrànfaà, wo rìì Ŋaablà Dzin Kpir'la. Wo rìì Isirayɛlì màsà kpir'là !»

Yùxanà 11:27

Maritsì yè dzin ci: «Ɔ̀ɔn Tsìfaà, mun ɲɛɔ̀n à ra, ci wo rìì Ŋaablà Jaara Modzìàn, Ŋaablà Dzin Kpir'la. Nìi na wù è nà dziɲaan doùn, à Wo rìì.»

Yùxanà 20:31

Ŋà, nìì reè gooma deò, twɛy sɛbɛɔ̀n rìì, sànko ye ɲɛn à ra, ci Yesù rìì Ŋaablà Jaara Modzìàn, Ŋaablà Dzin Kpir'la. A to ye ɲɛn à ra, wo jaamabe dziɔ̀ tàrau à tsoò baraka rɔ̀n.

Yùxanà 6:57

Fà rìi mun ka naɔ, tɔ jaama, mun to yè bà ni jaamabee rà à baraka rɔ̀n. Tɔ̀ soo tsuru, mòò riì ye mun tàrà ɲwɛyn, tɔ nà jaamabee fa mun baraka rɔ̀n.

Yùxanà 6:68

Nìi Shimɔn Piyɛrì, tɔ̀ yeè dzin à ra ci: «Tsìfaà, ɲe nà bè tsì rii là ? Gooma niì reè jaamabe dziù dòbɛɛ sìan, twɛy ni wo re.

Yùxanà 6:69

Ɲe ɲɛɔ̀n à ra, ɲe yè bà à tɔ̀, ci Ŋaabla e re mòdzìn fɛnɛ riì ka naɔ, à wo rìì.»

Kɛɛradzin neè faadziɛ 14:15

«Mùn neema ì, ye fee rìì faa mìin nèe tsuru ? Ɲe sa mòdzin ì nì, a ci ye yɛ nìi tsuru. Ɲe naɔ̀ Kùnàgoo Dziɔ̀ rìì dè ye ra, gè riì ni à to, ye yè sèè bo nèe ɲɔ̀n nàfà bɛy ree rèè kpɛyn, ye yè e gban Ŋaablà jaamaa kpɛyn, tɔ̀ riì ŋaablaxɔɔ̀ ko dzɔ̀nxɔɔ̀ sa ɲɛun, è kòòyua ɲɛn, ko gè o ge ni twɛy sapɛ ɲan.

Kɛɛradzin neè faadziɛ 8:36

Tɔ̀un, yè geren e re jìɛ̀ rè yè bè wɔ gàne sɔn ɲan, yu ni mɔn. Etsiyopika kpir'là yè dzin jaa soo ci: «Yuà yɛ nèe, fee y'à toò mun jaara mà fòò Ŋaablà re shia goo rèè rà ?»

Kɛɛradzin neè faadziɛ 8:37

[Fìlipù yè dzin à ra ci: «Wo ye ba ɲɛɔ̀n Ŋaablà ra duungoo soo ka, wo jaara dzia fòò.» Etsiyopika kpir'là yè dzin ci: «Ɔ̀ɔn, mun ɲɛɔ̀n à ra, ci Yesù rìì Ŋaablà Dzin Kpir'la.»]

Kɛɛradzin neè faadziɛ 9:20

Tɔ̀un, è maa suu, è waajibia fa beè Dàmasì ŋaablabegba rèè doùn, è dziàn, ci Yesù rìì Ŋaablà Dzin kpir'la.

Ɔ̀rɔ̀mùnka reè 1:4

À kpunan boumaà fùn nèè fi, Ŋaablà re Dzi Fɛnɛɛ y'à kpàdèu dzibaabe ka ci à Ŋaablà dzin, Yesù Kirisà, mùn Tsìfaà.

Korɛntsika reè fiiraa 1:19

È ɲɛn à tsɛ, Yesù Kirisà, Ŋaablà Dzin kpir'la, ɲe tɔ̀ niì gooma deu ye ra, mun ko Silivɛ̀n ko Tsìmotè, tɔ̀ na ba ɔ̀ɔn ko ɔ̀ɔɔn waa, ŋà ɔ̀ɔn ni bàu ni tɔ̀ ɲan kudɛyn.

Korɛntsika reè fiiraa 3:3

À fyɛɔ ci ye Kirisà raa sɛbɛɛn rìì, nìi kɛ̀ɛ̀yfaɔ̀ ɲe mà e re faagoò doùn. À na sɛbɛɔ̀n daba yu ka waa, ŋà à sɛbɛɔ̀n Ŋaablà jaamaa rè Dzia rìì ka. À to na sɛbɛɔ̀n wàla ì tsɛ nìi kpàà waa, fɔ shutswɛɛ wàla ì, dùsùkun neè.

Korɛntsika reè fiiraa 6:16

Fèe soo dzia bà ni Ŋaablà re gbà blàa ko ɲɔ̀n rèè fi ? È ɲɛn à tsɛ, ɲe rìì Ŋaablà jaamaa rè gbà blàa, a ci Ŋaablà y'a dèu nìi tsuru ci: «Mun nà n tsuù è fi, min jìɛ̀ fa è ka. Mun nà bà è re Ŋaablà, yè bà mun ne mòò rèè.»

Tesalonikika reè jɔ̀naà 1:9

À bèu wɔ fɔ ɲe wɔumaà ye re mɔn, ye ɲe kuun kuun'n kur'liì rà, tà ko ye sèè bou ɲɔ̀n rèè kpɛyn nìi tsuru ye yè e yɛrɛ sin Ŋaablà jaama takia rà, ye yè e ba tɔ̀ re jòn, è tɔ̀ sapɛ lakɛ̀ɛ.

Tsìmotè jɔ̀naà 3:15

Tà tsuru mun kɛ̀nsɛɛn ye cin, mòo wù è re goo shi jiì jììŋ'n kur'liì rà Ŋaablà jaamaa rè gbàà doùn, tɔ̀ niì y'à rè ɲɛynamoo kur'là, sààbeen tsindzian ko à sàngbanmaà, wo yè tɔ̀ tɔ̀.

Tsìmotè jɔ̀naà 4:10

Tɔ̀ rii y'à to ɲe ni faagoo xɔɔ̀ rà ko sikuan. È ɲɛn à tsɛ, ɲe yè e si ɲɛɔ̀n Ŋaablà jaamaa tsɛ, tɔ̀ niì mòdzian sapɛ Tsibaa, gooma na ni ɲɛynamoo rèè ma waa.

Dzyèèsìbee mòdzin neè 10:31

Ŋaablà jaamaa y'à kun, tɔ̀ tsuru goo xɔù na ni.

Dzyèèsìbee mòdzin neè 12:22

Ŋà nìi ye, ye yè e kpɛrɛu Siyɔ̀n jèèn rà, ye yè e kpɛrɛ̀ Ŋaablà jaamaa rè wɔ̀ɔ̀ rà, tɔ̀ riì jìrànxɔ rɔ̀n Yerusalɛmùn, mɛ̀rɛ̀kɛ rèè gbaayirika yeè e si ladzyeeŋnà min niì jaaravi ra.

Dzyèèsìbee mòdzin neè 3:12

Tɔ̀ gàneè doùn, n neema ì, ye e yɛrɛ kaàwɔ, mòò mà nà jà e ɲan, akiri ɲaan ni nìi ɲàn, à na ɲɛɔ̀n Ŋaablà ra waa, fɔ è bè bà saabu, è nɔn Ŋaablà jaamaa rè waa.

Dzyèèsìbee mòdzin neè 9:14

Twɛy gè rèè ye ba dzia mòdzian fɛnɛbe tɔ̀ tsuru, Ŋaablà Jaara Modzìàn raa tsììn niì vùn tɔ̀ sapɛ ma do, tɔ̀ fa mùn duɔ̀n fòò fyɛ bo fabɛy goo reè ɲàn, à to mìn faagoò fa Ŋaablà jaamaa rè ò ? Ŋaablà re Dzi dobɛɛ baraka rɔ̀n, wò rii yè e yɛrɛ siun Ŋaablà ra a ci dzwɛka saaka, fyɛ̀ na ni nìi rà waa.

Yùxanà jɔ̀naà 4:15

Mòo o moò dziàn ci Yesù Ŋaablà Dzin Kpiri, Ŋaabla ni tɔ̀ ɲan, à sa yeè bà ni Ŋaablà ɲan.

Yùxanà jɔ̀naà 5:20

M'à tɔ̀ ci Ŋaablà Dzin Kpir'la nàu sa, è nà akiri sìn mùn na, mìn Ŋaablà takia tɔ̀. Mùn to ni Ŋaablà takia ɲàn, à Dzin Kpiri Yesù Kirisà baraka rɔ̀n. Wò rii Ŋaablà takia, ko jaamabe dziù dòbɛɛ.

Yùxanà jɔ̀naà 5:5

Tsì rii dzi taraɔ̀ dziɲaan tsɛ ? Mòò riì ɲɛɔ̀n à ra, ci Yesù Ŋaablà Dzin Kpiri, tɔ tɔ̀ rii.

Goo kpàdèuma rèè 7:2

Min mɛ̀rɛ̀kɛ kpɛrɛ jà kɔn, tɔ fuɔ̀ kir'la kèrè, Ŋaablà jaamaa rè tàànmàshɛn ni à suun. À shi wɔɔ mɛ̀rɛ̀kɛ nààlen nìì reè suun yè ɲaan fa dzɔ̀nxɔɔ̀ ko kòòyua sa ra, è vu rɔ̀n sen, è gooma twɛy ka fààn na.