Matsiyù 14:19 - Bible Dzùùngoo Unicode

¹⁹ Tɔ̀un, à y'à gaa jàmaà rè, ci yè e tsuù vuàn tsɛ. Tà shɔ̀ùn, è buru kunun nuàn ko ji dzin fii rèe tsi, è jaà ɲansen jìran kèrè, è baraka sìn Ŋaablà ra. È bur'leè tara tara tɔ̀un, à y'à wɔ e re kàràndzin neè suun, twɛy y'à sìn jàmaà nà.

Matsiyù 14:19 ပူးပေါင်းရင်းမြစ်များ

Matsiyù 14:18

À ci: «Ye twɛy sìn mìin.»

Marikì 6:39

Tɔ̀un è dzin è ra, ci yè mòdzian sapɛ tsuù bè kuru kuru vun tswɛɛ tsɛ.

Marikì 6:41

Tà shɔ̀ùn, Yesù yè buru kunun nuàn ko ji dzin fiɛ̀ sen. À yè è seun, è jaà ɲansen jìran nɔ̀n, è Ŋaablà tswa, è bur'leè tara tara, à y'à wɔ kàràndzin neè suun, ci y'à tanan mòdzian nà. È ji dzin fiɛ̀ sa sen, à y'à tanan è sapɛ ra.

Marikì 7:34

Tà shɔ̀ùn, è jaà ɲansen jìran kèrè, è ŋɔ̀n fààn, è dzin à ra è re kungoòmà ɲàn ci: «'Efatà', nìi dzuɔn ci: Dzii san.»

Lukì 22:17

Àwà, è yukuun ko e doùn mììnge sen tɔ̀ rii ɲàn, è tswɛ̀y sin Ŋaablà ra, è dzin ci: «Ye nèe tsi, y'a mìn ye e si kɔ̀.

Lukì 22:19

Tà shɔ̀ùn è buru sen, è tswɛ̀y sin Ŋaablà ra, à y'à tara tara, à y'à sìn è ra, è dzin ci: «Nèe mun gɔɔ̀n rìì yɛ nèe, nìi siɔ̀n ye kamà. Ye nà tɔ̀ faa, y'a ka e taa to mun ne.»

Lukì 24:30

Àwà, è ci e ye ɲwɛɛ̀n dzii kun waatsi riì bwèy, Yesù yè bur'la sen, è tswɛ̀y sin Ŋaablà ra, è kòmànà à kùnùn kùnùn, à y'à wɔ wɔ è suun.

Lukì 9:14

Àwà, jàma nìi na ni mɔn, è na kpiri gbaa nùn boò. Yesù yè dzin e re kàràndzin neè rà ci: «Y'a to yè e tsuù tsùù bè mòkun dzyeè tsye tsyeùn tsuru.»

Lukì 9:16

Yesù yè twɛy buru kunun nun nèè, ko ji dzin fiɛ̀ sen. À yè è seun, è jaà ɲansen jìran nɔ̀n, è baraka sìn Ŋaablà ra twɛy ɲwɛyn nèè goò rà. Tà shɔ̀ùn, à yè è tara tara, à yè è wɔ e re kàràndzin neè suun, ci y'à tanan jàmaà nà.

Yùxanà 11:41

Tɔ̀un, yè kpàa bo kɔ̀ɔ̀ dziɛ rà. Àwà, Yesù yè e jaà ɲansen jìran kèrè, è dzin ci: «Mun Fàà, wo y'à toro wɔ nìi fau mun ne, mun baraka sìan wo ra, è ɲɛn tɔ̀ tsɛ.

Yùxanà 6:23

Jàmaà bur'la ɲɔun min niì Tsìfaà rè baraka sìunmaà shɔ̀ùn Ŋaa ra, konkoron swey na daɔn Tsiberiyadzì wɔ̀ rɔ̀n, yè nà e tsiì tɔ̀ gàneè tààkuùn.

Kɛɛradzin neè faadziɛ 27:35

Polì twɛy gooma reè dè dòu waatsi riì bwèy, è bur'la sen, è baraka sìn Ŋaablà ra è sapɛ jaa ra. Tà shɔ̀ùn, à y'à kɛɛy kɛɛy, è maa, à y'à ɲɔɔ̀n.

Ɔ̀rɔ̀mùnka reè 14:6

Mòò riì jisee reè blàbee e si mà, tɔ tɔ̀ faa Tsìfaà rìì lè. Mòò riì to ɲwɛɛ̀n ɲɔɔ̀n, tɔ tɔ̀ faa Tsìfaà rìì lè, è ɲɛn à tsɛ, à baraka sìan Ŋaablà ra. Nìi tsu na à ɲɔɔ̀n waa, tɔ̀ sa tɔ̀ faa Tsìfaà rìì lè è ɲɛn à tsɛ, à sa baraka sìan Ŋaablà ra.

Korɛntsika reè jɔ̀naà 10:16

Àwà mùn baraka sìan Ŋaablà ra è ɲɛn dzwɛɛ̀ yukuun niì tsɛ, tɔ̀ na à kpàdèe ci mùn ko Kirisà gè soo à tsìɛn baraka rɔ̀n ɔ̀n ? Mùn to bur'liì tan'nà e si ra, tɔ̀ na à kpàdèe ci mùn gè soo Kirisà gɔɔ̀n baraka rɔ̀n ɔ̀n ?

Korɛntsika reè jɔ̀naà 10:31

Tà doùn, e ɲwɛyn nì ɲɔɔ̀n ò, e to yè miàn nì ò, e goo o goo rìì faa, y'a fa, y'a ka nɔɔrɔ ɲɛn Ŋaablà tsɛ.

Korɛntsika reè jɔ̀naà 11:24

À re tswɛ̀y siunma shɔ̀ùn Ŋaablà ra, à y'à tara tara, è dzin ci: «Nèe mun gɔɔ̀n rìì yɛ, nìi ye raa. Ye nà tɔ̀ faa, y'a ka e taa to mun ne.»

Kolosika reè 3:17

E naà goo o goo dè, e to nà goo o goo fa, y'a sapɛ fa Tsìfa Yesù tsoo ra, ye baraka sìn Fà Ŋaablà ra à baraka rɔ̀n.