Matsiyù 13:22 - Bible Dzùùngoo Unicode

²² Shìmàndzin neè bèu tɔrɔn daaku gane riì ɲàn, mòdzin neè swey ni tɔ̀ daaku ganee rìì tsuru. È gooma ree myɛ̀ɛn, ŋà dziɲaun vyɛ̀ɛ̀yràgoo reè, ko nàfor'la raa sànfir'la bàa saabu è gooma ree ŋòò è ɲan, à na dzia dzin wɔ waa.

Matsiyù 13:22 ပူးပေါင်းရင်းမြစ်များ

Matsiyù 12:32

Mòò o moò ye de dɔ̀n Adamà dziàn ɲàn, Ŋaablà nà e yɛrɛ to tɔ̀ tsìfa re tɔ̀ ra. Ŋà mòò o moò ye de dɔ̀n Ŋaablà re Dzi Fɛnɛɛ ɲàn Ŋaablà fa e yɛrɛ to tɔ̀ tsìfa re she, à fa e yɛrɛ to à re gbey.

Matsiyù 13:39

Ɲan nìi bèu vundzin ɲaan sɛ̀n, tɔ Sànwɔbaà rìì. Shìmàn gaa, tɔ dziɲan latan bwey. Shìmàn gaa reè, twɛy yè bà mɛ̀rɛ̀kɛ rèè.

Matsiyù 13:40

Vun ɲaan fù fuu nìi tsuru è dzu kpaan sa rɔ̀n taki, dziɲaan latan bwey, à nà bà tɔ̀ rii tsuru.

Matsiyù 13:7

Swey tɔrɔnmà yè bè kòrò daaku gane ì ka, daaku rèè yè fù yè shìmaan kun.

Lukì 12:15

Tà shɔ̀ùn, Yesù yè dzin jàmaà nà ci: «Ye e yɛrɛ kaàwɔ ! Ye e yɛrɛ kun nàfor'la kɛ̀n gereunmaà nà. Fee kamà min tɔ̀ dè, a kɛnsɛɛn ye nàfor'la tàrà dzii o dzii, a re jaamabee na ni tɔ̀ suun dɛ !»

Lukì 12:21

Tà shɔ̀ùn, Yesù yè dzin kɔn ci: «Mòò riì nàfor'la ladzyee e yɛr'le dziɲantsiɛ doùn, tɔ̀ y'a tàrà gèsɔn pɛn na ni à re Ŋaablà re, tɔ̀ tsìfa raà sa ni tɔ̀ gètsià raà rìì tsuru.»

Lukì 21:34

Ye e yɛrɛ kun ! E maà to ji tsuù ɲwɛyn bla bla ɲɔɔn, ko mìɛn ko dziɲan kpɛyn màànkàn goo reè vyɛ̀ɛ̀ rà, fɔ Adamà dziàn nà jisee yè bè bàràma e ɲan waa.

Lukì 8:14

Shìmàndzin neè tɔrɔnmàà bèu kòrò daa gane riì ka, mòdzin neè swey ni tɔ̀ daa ganee rìì tsuru. Yè e toro wɔɔ̀ Ŋaablà re Goomaa rè, ŋà, è na wɔ waatsia sɔn ma, è vyɛ̀ɛ̀yràgoo reè, ko nàfòrò goo reè, ko dziɲan kpɛyn màànkaan goo rèè nàa dɔ̀n geren è ɲan, tɔ̀ yeè è kùnàn ban bo Ŋaablà kpɛyn. Tɔ faa jàci shìmànku rìi gɔ̀r'la è dziàn bɔɔ bɛɛ to.

Kɛɛradzin neè faadziɛ 8:18

Piyɛrì ko Yùxanà yè e si rèè tsùù tsùù bè nìi fau kàràndzin neè tsɛ, twɛy yè Ŋaablà re Dzia tàrà, Shimɔ̀n dziu tɔ̀ jà, è ɲɛyn bo, ci wo nà à sìn Piyɛrì ko Yùxanà na.

Ɔ̀rɔ̀mùnka reè 12:2

E maà e raa goo fau'n kur'la ko nèe dziɲan ree raà bà soo waa, ŋà y'a to làkere ye dɔ̀n e re jaamabee doùn akiri ye ka, ye bà ni Ŋaablà saɔ tɔ̀: nìi wù, à dzi à ra, à dzii yè bà tsyɛɔ̀n.

Korɛntsika reè jɔ̀naà 1:20

Akiritsià ni min ? Sàrìyà Kaamoo ni min ? Nèe waatsi ree sɔ̀swɛ̀yfabaà ni min ? Ŋaablà na nèe dziɲan ree akiritsifabee kpàdè ci à fàkɔ̀ɔ̀nbe o ?

Korɛntsika reè jɔ̀naà 2:6

Tɔ̀ to y'à tàrà, ɲe sa akiritsifabee sɔn ni gooma deè ɲɛynamoo mɔ̀unma rèè rà, akiritsifabe riì na nèe dziɲan ree raa waa, à to na nèe dziɲan ree kùntsii rèè raa waa, twɛy dò boò peu.

Korɛntsika reè jɔ̀naà 2:8

Dziɲan ree kùntsii rèè pɛn na tɔ̀ akiritsifabee tɔ̀ waa. È ɲɛn à tsɛ, yè ba na à tɔ̀un, è fa ni nɔɔrɔɔ̀ Tsìfaà gban gɔɔ̀ rà waa.

Korɛntsika reè jɔ̀naà 3:18

Mòò pɛn mà e yɛrɛ san fìrì. Sɔn ye ba e yɛrɛ jaà akiritsi ye ɲan a ci dziɲan raà tsuru, à y'à to è bà fàkɔɔn, è bà ni ba akiritsi sààben na.

Korɛntsika reè fiiraa 4:4

Twɛy ɲɛynabɛy reè, nèe dziɲan ree ŋaablàa twɛy akir'là tsyeeŋna, gè riì ni à to è mà Kirisà, tɔ̀ niì Ŋaablà bosià, tɔ̀ nɔɔrɔɔ̀ Kùnàgoo Dziɔ̀ vyevyeè jà waa.

Galatsika reè 1:4

tɔ̀ niì yè e yɛrɛ siun mùn ne gooɲaantsiɛ kamà, gè riì ni à to mùn yeè tsi bo nèe dziɲan ree gooɲaan suun, è kòrò mùn Fà Ŋaablà saɔ ka.

Efɛsika reè 2:2

Ye na ni twɛy goo tsu rèè ɲàn dan, ye yè bà na jìɛ è kòrò nèe dziɲan ree ko e kuntsiɛ̀ rè goo fau'n kur'la ka, nìi kwey rèè kùntsiɛ̀. Tɔ̀ dzia to bèe jɔun she, è faagoò fa mòdzin mabaunma rèè ɲàn Ŋaablà ma.

Tsìmotè jɔ̀naà 6:17

Nèe dziɲan ree gètsi rèè, à dè màxɔbe twɛy rà, ci è mà e yɛrɛ blabe waa, è mà e si ɲɛn gè dòràmaà tsɛ waa. Ŋà yè e si ɲɛn Ŋaablà rii tsɛ, tɔ̀ riì gè sapɛ siàn mùn na giri, m'a dzibe bo.

Tsìmotè fiiraa 4:10

È ɲɛn à tsɛ Demasì nèe dziɲan ree goo rèè kɛ̀niɔ̀n nìi fa, tɔ̀ ye e nɔun mun ne è geren Tesalonikì. Keresɛnsì, tɔ dɔ̀n bèu Galatsi mar'la ɲan, Tsitè yè bè Dalamasì màr'lɔ̀ùn.