Matsiyù 12:31 - Bible Dzùùngoo Unicode

³¹ Tɔ̀ kamà, mun nà à dè ye ra, ci gooɲaantsiɛ gè o ge, ko Ŋaablà tsoo bara goòmà gè o ge, Ŋaabla nà e yɛrɛ to mòdzian rè tɔ̀ ra. Ŋà nìi Ŋaablà re Dzia tsoo bara goòmà rèè, Ŋaablà fa e yɛrɛ to mòò rè tɔ̀ ra waa.

Matsiyù 12:31 ပူးပေါင်းရင်းမြစ်များ

Lukì 12:10

Àyìwà, mòò o moò ye de dɔ̀n Adamà dziàn ɲàn, Ŋaablà nà e yɛrɛ to tɔ̀ tsìfa re tɔ̀ goò rà. Ŋà, mòò riì ye de dɔ̀n Ŋaablà re Dzi Fɛnɛɛ ɲàn wo y'à tsoo bara, Ŋaablà fa e yɛrɛ to tɔ̀ tsìfa re waa.

Kɛɛradzin neè faadziɛ 7:51

Twɛy gooma reè shɔ̀ùn, Etsiyɛnìn yè dzin è ra ci: «Mòdzin tantaama xɔ ì, Ŋaabla tɔ bɛy ree reè, ye e toro bo tsùù Ŋaablà ɲan. Kudɛyn, ye rìì Ŋaablà re Dzi Fɛnɛɛ sɔ̀swɛɛ̀ ! Ye ko e fabɔɔ rèè sa bàu soo.

Dzyèèsìbee mòdzin neè 10:26

Tà doùn, sààbeen tɔ̀umaà shɔ̀ùn, mìn ba e tsoò mìn gooɲaan faa kɔn, saaka pɛn na ni, nìi dzia gooɲaantsiɛ bo mùn vu ra dɛ.

Dzyèèsìbee mòdzin neè 10:29

Àwà, tɔ̀ ye ba faa tɔ̀ tsuru, ye re o, mòò o moò Ŋaablà Dzin Kpir'la kɔɔ̀n, byɛnbe niì nà ɲɛn tɔ̀ tsìfa tsɛ, tɔ̀ fa xɔbe è geren Musà rè sàrìyaa ɲanshɛnbaà raà tsɛ fyeu ɔ ? À nà xɔbe è geren à tsɛ, kàtsu Ŋaabla tsììn niì ka dzyèèsìbee wɔu mòdzian ka, tɔ̀ tsììn niì y'à tsìfa fɛnɛbeu, è bà Ŋaablà raa, à tɔ̀ bàu gè nàfà bɛy. Ŋaablà ɲan Dzi riì to y'à toò mìn Ŋaablà ɲanwùɔ tàrà, à tɔ̀ sa ɲɛun.

Dzyèèsìbee mòdzin neè 6:4

Swey ni twɛy sèè boò Ŋaablà kpɛyn, yè sèè e re jaamabee fau'n kuru ɲaan bɔrɔɔ tsɛ. Àwà, Ŋaablà re vyevyeè twɛy ɲan viu, yè Ŋaablà ɲanwùɔ nèè jà, è nìn yè jà Ŋaablà re Dzi Fɛnɛɛ ɲàn.

Yùxanà jɔ̀naà 1:9

Mìn ba e tsiɛ à ra ci gooɲaantsiɛ ni mùn vu ra, à vusootsi è bà tereòn. À nà e yɛrɛ to mùn ne, è mùn fòò bo e re terenbɛy goo sapɛ ɲan.

Yùxanà jɔ̀naà 5:16

Sɔn y'a jà wò neemaa sɔn gooɲaan faa, nìi na naà san ka mòò mà waa, è Ŋaablà mafyɛ̀n à re. Tɔ̀ tsuru, Ŋaabla nà jaamabee sìn tɔ̀ neemaa nà. Nìì reè gooɲaan faa, gooɲaan niì na naà san ka mòò mà waa, à twɛy rìì gooma dekɔɔn. Gooɲaan sɔn ni, tɔ nàa san ka mòò mà. N na dzin màfyɛyn yè fa tɔ̀ rii là waa.