Matsiyù 12:18 - Bible Dzùùngoo Unicode

¹⁸ «Min n ne faagoofadzin niì boo n jaa ra, nèe wò rii yɛ nèe. M'a kɛ̀niɔ̀n fɔ è bè geren, è bà dzi mun xɔɔn nà. Mun nà n ne Dzia jàà à tsɛ, è terenbee gooma de kun kpɛrɛ mòdzin neè rà.

Matsiyù 12:18 ပူးပေါင်းရင်းမြစ်များ

Matsiyù 12:17

Tɔ fau, sànko kɛɛra Esayì na nìi deò, tɔ̀ yeè bo e shi tsɛ, nìi yɛ ci:

Matsiyù 17:5

Piyɛrì ni tɔ̀ goomaa nà, ŋaamunun den denkɔɔn sɔn yeè nà è tsyee, ciàn yè bà ni è tsɛ. Vu sɔn yeè bo ŋaamun'na ɲàn tɔ̀un, tɔ̀ yeè dzin ci: «Nèe mun Dzin Kpir'la rìì yɛ nèe, mun nìi kɛ̀niɔ̀n fɔ è bè geren, è bà dzibeu mun na. Ye e toro wɔ à re !»

Marikì 1:11

Tɔ fau min niì, vu sɔn yeè bo ŋaablaxɔɔ̀ doùn, tɔ̀ yeè dzin ci: «Min Dzin Kpir'liì kɛ̀niɔ̀n, à wo rìì, wo goò dzi mun na fɔ è bè geren.»

Marikì 9:7

Ŋaamunun sɔn yeè dan jìran nɔ̀n tɔ̀ nɔ̀nkɔɔrɔn, tɔ̀ yeè nà è tsyee, ciàn yè bà ni è tsɛ. Vu sɔn yeè bo ŋaamun'na ɲàn, tɔ̀ yeè dzin ci: «Nèe mun dzin kpir'la rìì yɛ nèe, mun nìi kɛ̀niɔ̀n fɔ è bè geren. Ye e toro wɔ à re !»

Lukì 23:35

Tɔ̀ sapɛ faa, tɔ̀ y'a tàrà, mòdzian tsìiŋnà yè siin faa. Dzyèèsìbee mòdzin neè jɔundzin neè kpɛ̀ynto na Yesù ɲanŋmɛɛ̀n nì, yè dziàn ci: «Wò rii ye ba Ŋaablà Jaara Modzìàn, Ŋaabla nìi boo e jaara taki, è yɛrɛ tsi m'a jà sa kɛ̀, n ci à to mòdzian swey tsiu !»

Lukì 3:22

Tɔ̀un, Ŋaablà re Dzi Fɛnɛɛ yè bo na mɔn jàci màsàkere, tɔ̀ yeè nà e jaà à tsɛ. Tɔ fau min niì, vu sɔn yeè bo Ŋaablaxɔɔ̀ doùn mɔn, tɔ̀ yeè dzin nèe tsuru ci: «Min Dzin Kpir'liì kɛ̀niɔ̀n, à wo rii. Wo goò dzi mun na fɔ è bè geren.»

Lukì 4:18

«Mùn Tsìfa Ŋaablà re Dzia ni mun ɲan. Tɔ̀ rii y'à to è mun bo, ci mun yè nà gbakɔɔn reè toro kɔ̀ Kùnàgoo Dziɔ̀ rà. À mun ka naɔ, ci min nà byɛnkɔɔn reè laba goòmà dè è ra, min jaana reè jaa dzii san goòmà dè twɛy rà, nìì reè xɔn bìiŋnà, min twɛy bo vi ra.

Lukì 9:35

Tɔ̀un, vu sɔn yeè bo ŋaamun'na ɲàn mɔn, tɔ̀ yeè dzin ci: «Nèe mun Dzin Kpir'la rìì yɛ nèe. Mun wò rii boo n jaa ra. Ye e toro wɔ à re !»

Yùxanà 3:34

Ŋaabla mòò riì kaɔ, tɔ Ŋaablà raa goomaa nì dèe, kàtsu, Ŋaablà yeè e re Dzia jàa à tsìfa tsɛ, à na à gɔ̀ngɔɔn waa.

Kɛɛradzin neè faadziɛ 10:38

Ŋaablà to yè e re Dzi Fɛnɛɛ jàaŋ Nazarɛtsika kpiri Yesù tsɛ nìi tsuru, è fààn sin à ra, ye tɔ tɔ̀. Ye yè bà à tɔ̀ sa, ci Yesù fùu tɔ̀un, è tsyeeree beè jàmaàn min niì sapɛ, è goowùɔ fa beè. Sànwɔbaà byɛnbe jiɔ̀ nìì reè sapɛ tsɛ, è twɛy sa cɛrɛmabeè, kàtsu Ŋaablà na ni à re.

Kɛɛradzin neè faadziɛ 11:18

È dziu twɛy gooma reè myɛ̀n Piyɛrì dzu min niì, tɔ̀ yeè è vunun cin. Yè blàbe ɲɛn Ŋaablà tsɛ, yè dzin ci: «À sààben taki, nìì reè na Dzyèèsìbee mòdzin ì waa, twɛy nà dzi seè bo gooɲaan kpɛyn, yè e re jaamabee fau'n kur'la lakere nìi tsuru, yè jaamabe takia tàrà, Ŋaablà yeè e tsiiŋ tɔ̀ ra twɛy rè.»

Kɛɛradzin neè faadziɛ 14:27

Àyìwà, è wɔu Siiri jamaan Antsiyɔshì tɔ̀un, yè ɲɛynamoo kur'là mòdzian ladzyeè. Tà doùn, Ŋaablà baraka rɔ̀n, è dziu goo o goo rìì fa jìɛ̀ doùn, tà ko nìì reè kun kpɛrɛ mòdzin neè, Ŋaabla dziɛ saun twɛy rè nìi tsuru, sànko è sa yeè ɲɛn à ra, yè tɔ̀ sapɛ kpunan bo è ra.

Efɛsika reè 1:6

À tɔ̀ fau mìn bà ni tsoo dzi ɲɛn à tsɛ, è ɲɛn à ɲanwùù nɔɔrɔmaa tsɛ, à tɔ̀ niì sìn jiu mùn na à re kɛ̀niumaà baraka rɔ̀n.

Kolosika reè 1:1

Mun Polì, Yesù Kirisà rè kɛɛradzian Ŋaablà saɔ baraka rɔ̀n, ko neema kpiri Tsìmotè,

Kolosika reè 1:13

À mùn tsi bou tsitsiɛ̀ fàan suun, è bè mùn ka e Dzin Kpiri kɛniunmaà rè màsàbee gàne rɔ̀n,

Piyɛrì jɔ̀naà 2:4

Ye kpɛrɛ̀ Tsìfaà rà, kpàà jaamaa. Mòdzian yè e nɔun à re, ŋà Ŋaablà y'a bou e jaara, à kpà yè bà xɔ à re.

Piyɛrì fiiraa 1:17

È ɲɛn à tsɛ, à blàbee ko nɔɔrɔɔ̀ tàrau è bo Fà Ŋaablà re waatsi riì bwèy, vu sɔn daun è bo Ŋaablà ko e nɔɔrɔ wùɔ rè, tɔ̀ ye dzin ci: «Nèe mun Dzin Kpir'la rìì yɛ nèe, mun nìi kɛ̀niɔ̀n fɔ è bè geren, è bà dzibeu mun na.»