Lukì 7:2 - Bible Dzùùngoo Unicode

² Kaadzin jɛrɛ̀blàtsi sɔn na ni tɔ̀ wɔ̀ɔ̀ doùn. Jòn kpiri soo na ni à re, tɔ̀ jòn kpir'là goojaa yè bà na xɔ à re, fɔ è bè geren. Yesù dɔ̀un wɔ̀ɔ̀ doùn, tɔ̀ y'a tàrà, jòn kpir'là na ɲìniɔ̀n jàci à ni san.

Lukì 7:2 ပူးပေါင်းရင်းမြစ်များ

Matsiyù 27:54

Kaadzin jɛrɛ̀blàtsià ko kaadzin dzyee niì reè sapɛ na Yesù kplatsuɔ, twɛy tɔ̀ dzɔ̀nxɔ̀ɔ̀mà kpin'na ko goo dzyee fauma rèè jàu min niì, yè shi fɔ è bè geren. È ci: «Sààben na, nèe Ŋaablà Dzin Kpir'la rìì taki.»

Lukì 23:47

Tɔ fau min niì, kaadzin jɛrɛ̀blàtsi rìi na tsìiŋnà mɔn, tɔ tɔ̀ jàu, è tsoo dzi ɲɛn Ŋaablà tsɛ, è dzin ci: «Sààben ci yè e de, nèe kpir'lee na mòdzin tereonma nì !»

Lukì 7:1

Àyìwà, Yesù nàu twɛy gooma reè sapɛ de dò mòdzian nà waatsi riì bwèy, è fù, è dɔ̀n be Kapɛrinaxumùn wɔ̀ɔ̀ doùn.

Lukì 7:3

Tɔ̀un, Kaadzin jɛrɛ̀blàtsià Yesù gooma myɛun nìi fa, è Dzyèèsìbee mòdzin neè bɔɔ rèè swey ka Yesù rè, ci twɛy yè bè à màfyɛ̀n, è nà wò re jòn kpir'là cɛrɛmabe.

Lukì 8:42

Dzin taan soo den ni na ni à re, tɔ̀ yeè bà na wɔɔ jii teeŋ fii tsuru. Tɔ̀ dziɛ̀n na ɲìniɔ̀n fɔ à gaa san. Tɔ̀un, Yesù yè Yayirusì rè tsii shià sen. À bèkɔɔn, jàmaà blàbe ɲaanfaa suun, fɔ yè b'a ŋòò tsùù e shiɲaanfi.

Kɛɛradzin neè faadziɛ 10:1

Àyìwà, kpiri sɔn na ni Sezare wɔ̀ rɔ̀n, tɔ̀ tsoo yè bà ci Kɔrɔnayì. À na Ɔ̀rɔmùn kaadzin kuntsiɛ sɔn ni. Kɔrɔnayì na kaadzin kur'lìi kùntsiɛ̀ sɔn, tɔ̀ na kir'là, ci 'Itali kaadzin kur'là'.

Kɛɛradzin neè faadziɛ 10:7

Àwà, mɛ̀rɛ̀kɛɛ̀ gooma dou Kɔrɔnayì ka min niì, è geren. À gereun min niì, Kɔrɔnayì yè e re faagoofadzian fii kiri, ko kaadzin soo, tɔ ni à tɛyn faagoò rà fɔ waatsi gbaan, è bà shia Ŋaablà jɔun sa.

Kɛɛradzin neè faadziɛ 22:26

Kaadzin jɛrɛ̀blàtsià tɔ̀ goomaa myɛ̀un min niì, è vwɛ̀yn be, è bè e sarà kaadzin kuntsii blaa rà ci: «Wo na nà nìi fa, wo y'à tɔ̀ ɔ̀ ? Sàrìyaa nèe kpir'lee kpàdeò Ɔ̀rɔ̀mùnka.»

Kɛɛradzin neè faadziɛ 23:17

Àwà, kaadzin jɛrɛ̀blàtsi nìi na ni faagoò rà, Polì yè tɔ̀ kiri, è dzin tɔ̀ ra ci: «A Yɛrɛ to, e bè kpirimɛyn nee ka kaadzin kuntsii blaa rè, gooma n'a re, à y'à dè à ra.»

Kɛɛradzin neè faadziɛ 27:1

Àyìwà, byɛ̀n yè fa à tsɛ tɔ̀un, ci mùn nà dɔ̀n konkoron blaa doùn, mìn bè Itali jamaan nɔn. Byɛ̀n fau à tsɛ, yè Polì ko kàsòdzin neè swey goojaa wɔ kaadzin kuntsii sɔn suun, tɔ̀ tsoo ci Yuliyusì. À na kaadzin kur'lìi kaadzin kuntsiɛ sɔn, tɔ̀ na kir'là, ci màsà kpiri blàa raa kaadzin kur'là.

Kɛɛradzin neè faadziɛ 27:3

Tɔ̀ raa gbee, mìn bè wɔ Sidɔ̀n wɔ̀ rɔ̀n. Mùn wɔu mɔn, Yuliyusì ɲanwùɔ doùn ko Polì ka, à y'à to è bè bo e dzunwɛynsi reè kpà, sànko à màgoo ni goo nìi reè rà, twɛy yè tɔ̀ fa à re.

Kɛɛradzin neè faadziɛ 27:43

Ŋà, kaadzin kuntsiɛ na n'a re è Polì tsi nìi fa, tɔ̀ kamà, kaadzin neè n'a re yè nìi fa, è kaa tɔ̀ tsɛ. Nìì reè yuà tɔ̀, è shi sin, ci twɛy jɔ̀na yeè e tsyɛn ji yu rɔ̀n, yè kpee kaa.

Kolosika reè 3:22

Jòn nèè, goo sapɛ doùn, ye e re mìin dzɔ̀nxɔɔ̀ tsɛ kùntsii rèè dzugoomaa blàbe. À mà bà è jaa ra goo bàsɔùn, a ci y'a faa ye yè dzibe mòdzin ì nà waa, ŋà y'a fa duun fyɛ ka, Tsìfaà jɔun shiɲaanbe tsɛ.