အွန်လိုင်း သမ္မာကျမ်းစာ

Lukì 4:16 - Bible Dzùùngoo Unicode

¹⁶ Àwà, Yesù yè nà bè Nazarɛtsì, y'à lamɔnɔun wɔ̀ nìi ɲàn. Tɔ̀un, Dzyèèsìbee mòdzin neè rè ɲànwɔsiɛ̀ wɔu, è bè ŋaablabegbaà doùn, jàci à dɛ̀rɔɔ̀n à y'à faa nìi tsuru bɔrɔɔ. È na tɔ̀ ɲànwɔsiɛ̀ kir'là ci Sàba. Yesù yè nà fù tɔ̀un, ci wo nà Ŋaablà re Goomaa kàràn.

အခန်းကိုကြည့်ပါ။ ကော်ပီ

« အရင်

ပြန်တက်သွားပါ။ ⬆

နောက်တစ်ခု »

Lukì 4:16
14 ပူးပေါင်းရင်းမြစ်များ

Matsiyù 2:23

À bèu mɔn, è bè e tsuù wɔ̀ sɔn ɲan, nìi tsoo Nazarɛtsì. Tɔ fau, sànko kɛɛra reè na nìi deò tɔ̀ tsɛ bɔrɔɔ Yesù rè goò ɲàn, tɔ̀ yeè bo e shi tsɛ, nìi yɛ ci: «À nà kiri Nazarɛtsika.»

အခန်းကိုကြည့်ပါ။

Lukì 2:39

Àyìwà, mùn Tsìfaà rè sàrìyaa na nìi gaa ci è fa, Yesù ker'làgè rèè nàu tɔ̀ goo rèè shi jii do waatsi riì bwèy, yè e kpɛyn sèè na e re Nazarɛtsì, Galile mar'la ɲàn.

အခန်းကိုကြည့်ပါ။

Lukì 2:42

Yesù sìà nàu jii teeŋ fii tsyɛn jii riì rà, sɛr'là làndà shià jììŋ'n kùrù bɔrɔɔ tsɛ, à ker'làgè rèè yè fù, yè dɔ̀n be à ka Yerusalɛmùn.

အခန်းကိုကြည့်ပါ။

Lukì 2:51

Yesù yè fù è ka tɔ̀un, yè dɔ̀n na Nazarɛtsì. À re blàbe na ni è tsɛ. Twɛy goo rèè gè o ge na faa, à sapɛ na toò à naà duùn.

အခန်းကိုကြည့်ပါ။

Lukì 4:15

Tɔ̀ gàne rɔ̀n, à na mòdzian kàr'na è re ŋaablabegba rèè doùn. È sapɛ na à blàbee min niì sapɛ.

အခန်းကိုကြည့်ပါ။

Lukì 4:17

Àwà yè Ŋaablà re kɛɛra Esayì raa kìtaabuà sen sin à ra. À sàò na ni à re wò yeè sɛbɛɛn kàjaa riì kàràn, à y'à dzii san, è bè wɔ tɔ̀ kàjaa tsɛ. À na sɛbɛɔ̀n tɔ̀ gàne rɔ̀n nèe tsuru ci:

အခန်းကိုကြည့်ပါ။

Lukì 4:21

Yesù yè dzin tɔ̀un ci: «Ye nèe gooma niì myɛɔ̀n è bo Ŋaablà re Kìtaabuà doùn, tɔ Ŋaablà re dan gooma deuma nì, nìi boo e shi tsɛ she.»

အခန်းကိုကြည့်ပါ။

Lukì 4:23

Yesù yè dzin è ra ci: «M'a tɔ̀, ci ye nà tàlen nìi ban mun ne, tɔ̀ dèù'n kur'la rìì yɛ nèe tsuru ci: "E ba janfabaa, à wù, a yɛr'la rìì cɛrɛmabe ŋe." Ye nà dzin mun na sa ci: "Wo goo o goo fau Kapɛrinaxumùn wɔ̀ɔ̀ doùn, ɲe twɛy myɛ̀un. È tsuru fa a yɛr'la tà rɔ̀n mìin nɔn sa."»

အခန်းကိုကြည့်ပါ။

Yùxanà 18:20

Yesù yè dzin à ra ci: «Mun gooma niì sapɛ deu mòdzian jaa ra, mun na à pɛn dè mɛnɛn doùn waa. Kudɛyn, mun na mòdzian kàr'na ŋaablabegba rèè doùn, min bà è kàr'na Ŋaablà re gbà blàa rà, Dzyèèsìbee mòdzin neè sapɛ yeè e ladzyèe twɛy gàne nìì reè ɲàn. Mun na gèsɔn pɛn dè gòndo ɲan waa.

အခန်းကိုကြည့်ပါ။

Kɛɛradzin neè faadziɛ 17:2

Tà doùn, a ci Polì dɛ̀rɔɔ̀n à y'à faa nìi tsuru bɔrɔɔ, è bè tàrà fɔ ɲànwɔsii zhììgi, à bèe tɔ̀ ŋaablabegbaà rà, à ko Dzyèèsìbee mòdzin neè yè bè Ŋaablà re goomaa kaangoo jia.

အခန်းကိုကြည့်ပါ။

ကြှနျုပျတို့နောကျလိုကျပါ:

ပံ့ပိုးပေးထားသော လင့်ခ်များ

ကြော်ငြာတွေ

Lukì 4:16 - Bible Dzùùngoo Unicode

Lukì 4:1614 ပူးပေါင်းရင်းမြစ်များ

Lukì 4:16
14 ပူးပေါင်းရင်းမြစ်များ