Lukì 2:10 - Bible Dzùùngoo Unicode

¹⁰ Tɔ̀un, mɛ̀rɛ̀kɛɛ̀ yè dzin è ra ci: «E maà shi waa. Mun naɔ̀ kùnàgoo dziù rìì dè ye ra, nìi nà bà Dzyèèsìbee mòdzian sapɛ taamadzibe goo.

Lukì 2:10 ပူးပေါင်းရင်းမြစ်များ

Matsiyù 14:27

Tɔ̀ nɔ̀nkɔɔrɔn, Yesù yè gooma è ka ci: «Ye e akir'là tsùù, à mun nì. E maà shi waa.»

Matsiyù 28:18

Yesù yè e kpɛrɛ̀ tɔ̀un, è gooma è ka. À ci: «Dzia sapɛ dzyeèma sìun mun na, jìrànxɔɔ̀ doùn ko dzɔ̀nxɔɔ̀ tsɛ.

Matsiyù 28:5

Mɛ̀rɛ̀kɛɛ̀ yè dzin tàan rèè rà tɔ̀un ci: «E maà shi waa. Yesù rìi gbaun gɔɔ̀ rà, m'a tɔ̀ ye tɔ̀ rii gaa.

Marikì 1:15

À na dziàn ci: «Ŋaabla waatsi riì kpàdèu, tɔ̀ dzii tsyɛun, à re Màsàbee waatsi to tsyɛnbeò. Ye e tsiì e re gooɲaan nà, ye e re jaamabee fau'n kur'la lakere, ye ɲɛn Kùnàgoo Dziɔ̀ rà.»

Marikì 16:15

Tà sapɛ shɔùn, è kòmànà dzin è ra ci: «Ye bè dziɲantsiɛ min niì sapɛ, ye mòdzian sapɛ toro kɔ̀ Kùnàgoo Dziɔ̀ rà

Lukì 1:13

Tɔ̀ ɲan, mɛ̀rɛ̀kɛɛ̀ yè dzin à ra ci: «Maà shi waa, Jakàrìya. Ŋaablà wo re màfyɛɛ̀n myɛ̀un. Wo re tààn Elizabɛtsì nà dzin kpiri soo kere wo re. A naà à tsoo wɔ ci Yùxanà.

Lukì 1:19

Mɛ̀rɛ̀kɛɛ̀ yè dzin Jakàrìya ra ci: «Mun nì Jìbirì. Mun nì ni Ŋaablà tɛyn, min bà à re goo rèè shi jiɛ. Wò rii mun ka naɔ̀, ci min nà gooma wo ka, min nèe kùnàgoo dziù rèe dè wo ra.

Lukì 1:30

Tɔ̀un, mɛ̀rɛ̀kɛɛ̀ yè dzin à ra ci: «Mariyamùn, maà shi waa ! Ŋaabla wo kɛ̀niɔ̀n kɛ̀n'n kur'la nìi na ni à ci dzyee rèè waa.

Lukì 2:11

Fen nèe ɲan, mòo kereo màsà kpiri Dawudà tà rɔ̀n, nìi ye tsibaà. Ŋaabla wò rii boo e jaara, è bà Tsìfaà.

Lukì 24:47

Waajibia yè fa à tsoò ka, sànko dziɲantsiɛ mòdzian sapɛ yè sèè bo e re gooɲaan neè kpɛyn, yè e re jaamabee fau'n kur'la lakere, è re gooɲaan tsìɛ̀ yè mɛɛy bo è vu ra. Tɔ̀ waajibi ree wù à dzii yè kun Yerusalɛmùn wɔ̀ rɔ̀n.

Lukì 8:1

Twɛy goo rèè sapɛ shɔùn, Yesù yè dɔ̀n beè wɔ̀ blà bla reè ko wɛ̀ɛ̀rìì reè ɲàn, è waajibia fa beè, è Ŋaablà re Màsàbee Kùnàgoo Dziɔ̀ dè beè mòdzian nà, è bèe. À re kàràndzin teeŋ fii rèè na ni ko à ka.

Kɛɛradzin neè faadziɛ 13:32

Àwà, ɲe sa naɔ̀ ye toro kɔ̀ tɔ̀ Kùnàgoo Dziɔ̀ rìì là, nìi yɛ, ci Ŋaabla làyir'lìi seun ɲe fàbɔɔ rèè rè, ɲe nìì reè twɛy dzin nèè, à tɔ̀ bou e shi tsɛ ɲe re.

Ɔ̀rɔ̀mùnka reè 10:15

À waajibi to nà dzi fa è ra dzùrù, ni mòò na kaɔ ? Àwà à sɛbɛɔ̀n Ŋaablà re Goomaa doùn nèe tsuru ci: «Nìì reè nàa kùnàgoo dziù dè, twɛy sàn nèè na gè wùbè san !»

Efɛsika reè 3:8

Mun nìi Ŋaablà re mòò rèè sapɛ ɲan kiɲaaniàn, à yè e ɲanwùù reè kɛ̀ɛ̀yfau mun nì mà, nìi yɛ min Kùnàgoo Dziɔ̀ dè kun kpɛrɛ mòdzin neè rà, Kirisà ɲàn nàforo dan tɔ̀ bɛɛ.

Kolosika reè 1:23

Ŋà, fɔ ye sàn gbaunma yè to ɲɛynaà tsɛ, goo sɔn pɛn mà dzi ye bo e shɔùn waa. Ye si to xɔ nìi tsɛ Kùnàgoo Dziɔ̀ doùn, e maà e bon wɔ tɔ̀ ra waa, e tɔ̀ Kùnàgoo Dziù rìi goomaa myɛ̀un, è bà dèu gè ɲɛunmaà sapɛ ra dziɲantsiɛ min niì sapɛ. Mun Polì, min bà bàu à faagoofabaa.