Lukì 17:2 - Bible Dzùùngoo Unicode

² Yè ba zhi kpaa bla shiɔ̀ a vu ra, yè b'à maa kòòyu rɔn tɔ̀ ka, tɔ fyan, e bà tsoo tà goò yè twɛy dziinkòòmɛ̀yn neè tsuru mòò sɔn tàrà.

Lukì 17:2 ပူးပေါင်းရင်းမြစ်များ

Matsiyù 17:27

Tà ko e sa ra, mìn dzin ci mùn mà mòdzin nee reè ɲìnìn goo fa, bè yu blàa rà, e duleen ji. A naà ji jɔna niì kun, à sɔ̀ɔ̀n bo a dzu san. Wo nà ɲɛyn ja mɔn. E tɔ̀ ɲɛɛn sen, a raà ko mun naà sa sarà à ka.»

Matsiyù 18:10

Tà doùn, ye e yɛrɛ kaàwɔ, e maà nà to nèe dziin nèe rèè sɔn kɔn waa. Mun nì ci e ra, è re mɛ̀rɛ̀kɛ rèè ni jìrànxɔɔ̀ doùn kudɛyn, mun Fà Ŋaablà ka.

Matsiyù 18:14

Tɔ̀ fau'n kuru soo rà, ye Fà Ŋaablà riì ni jìrànxɔ rɔ̀n, à na tɔ̀ sàò, nèe dziin nèe rèè mòò sɔn yè fìrì waa.

Matsiyù 26:24

Adamà dziàn kpɛ̀yn nà san, a ci à sɛbɛɔ̀n à re goò tsɛ nìi tsuru. Ŋà, mòò riì nà bà à jàànfaà saabu, tɔ̀ tsìfa raà barau. À mà bà na kereu fyeu, tɔ̀ na fyan à mà.»

Marikì 9:42

Yesù yè dzin kɔn ci: «Àwà nèe dziin nèe rèè tsuru nìì reè ɲɛɔ̀n mun na, mòò riì twɛy sɔn san fìr'la, è ye zhi kpaa bla shi tɔ̀ vu ra, yè b'a maa kòòyu rɔn tɔ̀ ka, tɔ fyan tɔ̀ tsìfa mà, sani è tɔ̀ fa.

Yùxanà 21:15

Àyìwà, è nàu ɲwɛɛ̀n ɲɔn dò waatsi riì bwèy, Yesù yè Shimɔn Piyɛrì tey ci: «Yùxanà dzin kpiri Shimɔ̀n, nèe rèè mun kɛ̀niɔ̀n nìi tsuru, wo mun kɛ̀niɔ̀n è geren tɔ̀ tsɛ ɔ ?» Piyɛrì yè dzin à ra ci: «Ɔ̀ɔn kɛ̀ Tsìfaà, wo yɛ̀r'la y'à tɔ̀, ci wo goò dzi mun na.» Yesù yè dzin à ra ci: «Tà doùn, n ne sààdzin neè kɔ̀ ɲwɛyn.»

Korɛntsika reè jɔ̀naà 9:15

Ŋà nìi mun, mun na twɛy goo rèè pɛn shi jiì m'a ka n dzi gaa waa, mun to na nèe sɛbɛn nee faa, m'a ka è tey fa waa. Min san, tɔ fyan, sani mòò yè tɔ̀ yɛ̀rɛ̀blàbè kuàn bo mun ɲan.

Korɛntsika reè jɔ̀naà 9:22

Nìì reè ŋɔn fyɛn, mun sa ye n bau a ci ŋɔ̀n fyɛn, min bà ni twɛy tàrà. Mun yè n bau gè sapɛ mòdzian sapɛ kamà, a ni dzi ba nìi tsuru fau'n kur'la sapɛ ra, min swey tsi.