Lukì 16:2 - Bible Dzùùngoo Unicode

² Kùntsiɛ̀ tɔ̀ myɛ̀un, à y'à kiri, è nà dzin à ra ci: "Mun na dziù myɛɔ̀n wo re goo rèè ɲàn waa. Àwà, mun wo tsùuŋ n ne nàfor'liì kùùn, ci wo y'à goo rèè jaa boò, à kpunaan bo n na, kàtsu, è sen she ra, mun nà wo bàji bo n ne nàfor'la tsɛ."

Lukì 16:2 ပူးပေါင်းရင်းမြစ်များ

Matsiyù 12:36

Àwà, mun nì ci e ra, tsìɛ̀ sii sèè, mòdzian gooma dɔntsɔ̀bɛy ge o ge dèu, è nà tey à sapɛ ma.

Matsiyù 20:8

Àwà bwèè nàu dò, dzùtsià yè dzin e re ɲɛyn goojaabobaà rà ci: "Faagoofadzin neè kiri e sàrà. A jɔ̀n bònèdzin neè tsɛ, è bè suu fɔ jɔundzin neè rà."

Lukì 12:20

Tɔ̀un, Ŋaablà yeè dzin à ra ci: "Mòdzìn manan ! Ke fen nèe ɲan ko e sa wo nà san. Wo gè nìì reè sapɛ maraunà a tɛyn, twɛy nà bà tsì rii laa sa ?"»

Lukì 12:42

Yesù yè dzin à ra ci: «Wo re o, mòo dzia ɲɛn gbàà goojaabobaa rìi rà à akiri yè bà dzi, tɔ mòdzìn kaatsi kɛ̀n ? Tɔ mòdzin, à kùntsiɛ̀ y'à tsùɔ e re gbàà doùn jòn dzyee reè kùùn, è bà ni è re ɲwɛɛ̀n sìn è ra e waatsi ɲan.

Lukì 16:1

Tà shɔ̀ùn, Yesù yè nà dzin e re kàràndzin neè rà ci: «Nàfòròtsi sɔn na ni. À na kpiri sɔn tsuuŋnà e re nàfor'la tsɛ, ci tɔ̀ y'a goo rèè jaa boò. Yè nà dzin nàfòròtsià rà, ci kpir'la y'à re nàfor'la bar'la.

Lukì 16:3

Nàfòrò gòòjààbobaà tɔ̀ myɛ̀un min niì, tɔ̀ yeè dzin e duùn ci: "Mun kùntsiɛ̀ ci wò nà mun bàji bo e ree nàfor'la tsɛ. È mun bàji, mun nà fee rìì fa sa ? Fààn na ni mun na, min bà ni dzi fɛɛ fa. Mun to yè bà ni fyɛ̀yn fa, tɔ̀ seey ni mun na.

Ɔ̀rɔ̀mùnka reè 14:12

Tɔ̀ tsuru, mùn soo sookɔɔn sapɛ nà e re jaamabee kpunan bo Ŋaablà re.

Korɛntsika reè jɔ̀naà 1:11

È ɲɛn à tsɛ n neema ì, Klowè raa mòò rèè swey mun toro kɔ̀u ye kàjaa tsɛ, ci byɛ̀n na ni ye fi waa.

Korɛntsika reè jɔ̀naà 4:2

Tɔ̀ to y'à tàrà, nìi gaa goojaabobaà rè, tɔ̀ rii yɛ, mòò yè ɲɛn à ra.

Korɛntsika reè jɔ̀naà 4:5

Tà doùn, e maà kitsia kùnùn e waatsia jɔun waa. E maà à kùnùn, Tsìfaà nà bwey mà bà wɔɔ waa, tɔ̀ riì ye na nà, à nà tsitsii dzuun goo mɛnɛunma rèè sapɛ bo vyevyeè rà, è duungoo reè sapɛ bo da. Tɔ̀un mòdzian soo soo sapɛ wù tsoo dzi riì ka, è nà tɔ̀ tàrà Ŋaablà re.

Korɛntsika reè fiiraa 5:10

È ɲɛn à tsɛ, fɔ mùn sapɛ rii yè e tsiì Kirisà rè kitsikununmaà jaaterema mùn dzuun ye bo, mùn soo sookɔɔn sa yeè sàrà è kòrò mùn faadziɛ ka. E ba wùù faɔ̀ à y'a to gɔn nèe ɲan, e sàrà wùù ka. A to ye ba ɲaan ni faɔ̀ à y'à to gɔn nèe ɲan, e sàrà ɲaan ka.

Tsìmotè jɔ̀naà 4:14

Ŋaablà ɲanwùɔ kwɛ̀yge rìi sìun a ra, è ɲɛn kɛɛrabe goòmà tsɛ, ko ɲɛynamoo kur'là bɔɔ rèè si tsùuŋmaà a tsɛ, m'a tɔ̀ bo a si bònè waa.

Tsìmotè jɔ̀naà 5:24

Swey raa gooɲaan tɔ̀ boò suu sani à kitsi yeè kùnùn. Ŋà swey raa fauma shɔ̀ùn, à waatsi faa è kòmànà tɔ̀.

Piyɛrì jɔ̀naà 4:10

E sa kwɛ̀yge rìi tàraɔ̀ Ŋaablà re, y'a ka faagoò fa e si re. Tà tsuru, Ŋaablà re kwɛ̀ygeè kaatsi gir'là, e naà bà tɔ̀ goojaabobaa wùu ì.

Piyɛrì jɔ̀naà 4:5

Ŋà, Ŋaablà riì sɔn byɛɔ̀n è jaama reè ko fùn nèè sa kitsi, è nà nà kùn dey fa tɔ̀ ra.

Goo kpàdèuma rèè 20:12

Tà shɔ̀ùn kɔn, min mòdzin saunma rèè jà, modzin bla sen ɲɛn modzin kiɲaanin tsɛ, è tsìiŋnà màsà gbaaniɛn jaaterema. Sɛbɛn ì dzii yè san tɔ̀un. Sɛbɛn kpɛrɛ sa yeè san, nìi jaamabee sɛbɛɛn. Kitsia yè kùnùn mòdzin saunma rèè tsɛ è kòrò ko è faadziɛ ka, tɔ̀ niì sɛbɛɔ̀n sɛbɛn neè doùn.