Lukì 10:2 - Bible Dzùùngoo Unicode

² Tɔ̀un, è dzin è ra ci: «Shìmaan gaaramaà giri, ŋà faagoo fa reè dzyɛ̀n. Ye dzùtsià màfyɛ̀n, è faagoo fa reè tɛ̀y gaa be dzù rɔ̀n, y'à re shìmaan gaa.

Lukì 10:2 ပူးပေါင်းရင်းမြစ်များ

Matsiyù 20:1

Àyìwà Yesù yè gooma bɔɔ sɔn ka tàlen ban kɔn, nìi yɛ nèe ci: «Àwà Ŋaablà re Màsàbee boo dzùtsi sɔn ne, nìi bou gbishɛɛ̀mà nɔ̀n, è bè faagoofadzin ì gaa, ci yè bè faagoo fa wò re ɛ̀rɛ̀nzhɛ̀ndzu rɔ̀n.

Marikì 13:34

À ni a ci nèe kpir'lee raa goò kaatsi: à ci e ye bè jìì rà, è re gbàà goo rèè kùntsììbe sin to e re jòn nèè rà, è faagoo farama sìn è soo soo sapɛ ra. Dziɛ̀ kplatsuubaà, è dzin to tɔ̀ ra, ci è to tsùù e jaa ra.

Marikì 16:15

Tà sapɛ shɔùn, è kòmànà dzin è ra ci: «Ye bè dziɲantsiɛ min niì sapɛ, ye mòdzian sapɛ toro kɔ̀ Kùnàgoo Dziɔ̀ rà

Marikì 16:20

Kàràndzin neè sa yeè dɔ̀n be, yè bè Kùnàgoo Dziɔ̀ gbango beè min niì sapɛ. Tsìfaà na wɔɔ è ra faagoò doùn. À na dzi siɔ̀n è ra yè kabagoo goo reè faa, tɔ̀ y'a kpàdè, ci è re gooma reè sààben.]

Lukì 9:1

Twɛy goo rèè sapɛ shɔùn, Yesù yè e re kàràndzin teeŋ fii rèè sapɛ dzyeèmaa kiri. Tɔ̀un, è dzi ko fààn sin è ra, nìi dzia à to yè kwey rèè kaa bo kweykɔɔn reè kpɛyn, yè bà dzia ɲìnìnkɔɔn reè sa cɛrɛmabe.

Kɛɛradzin neè faadziɛ 11:19

Àyìwà, Etsiyɛnìn vuumaà shɔ̀ùn, Dzyèèsìbee mòdzin neè byɛnbe ɲaùn nìi jiu Yesù rè kàràndzin neè tsɛ, tɔ̀ na è vwɛ̀yn jeeŋna min niì sapɛ. È ɲan, swey bèu fɔ jàmàan sɔn ɲan, ci Fenisi, swey yè bè Shipùrù jàmàan nɔ̀n, swey yè bè wɔ̀ sɔn ɲan, ci Antsiyɔshì. Ŋà, Dzyèèsìbee mòdzin neè boshɔ̀ùn, è naà mòò kpɛrɛ toro kɔ̀ɔ Ŋaablà re goomaa nà waa.

Kɛɛradzin neè faadziɛ 13:2

Àyìwà, sii sɔn see, è na e ladzyèeŋnà yè bà mùn Tsìfaà blàbee, tɔ̀ y'a tàrà, è ni suàn nà. Tɔ̀un, Ŋaablà re Dzi Fɛnɛɛ yè dzin è ra ci: «Mun taa ni Barinabasì ko Sɔlì mà faagoo rìi rà, ye twɛy bo ji e si mun ne, yè tɔ̀ fa.»

Kɛɛradzin neè faadziɛ 13:4

Ŋaablà re Dzi Fɛnɛɛ Barinabasì ko Sɔlì kau tɔ̀ rii tsuru. Yè dɔ̀n be wɔ̀ sɔn ɲan, ci Selesi. Àwà, Shipùrù jàmaàn ni kòòyua shiɲaanfi dzɔ̀nxɔ sɔn tsɛ. È wɔu Selesi tɔ̀un do, yè konkoron bla sen mɔn, yè kòòyua fuu, yè dɔ̀n be wɔ̀ sɔn ɲan, ci Salaminìn, tɔ ni kòòyua dzii kpɛyn Shipùrù jàmàan nɔ̀n.

Kɛɛradzin neè faadziɛ 20:28

Tà doùn, ye e yɛrɛ kaàwɔ, ye Ŋaablà re sàà kur'là sa kaàwɔ, à re Dzi Fɛnɛɛ twɛy nìì reè kɛ̀ɛ̀yfau ye mà, ye yè bà è kààwɔbaa, ye yè è kuru kun. À yɛ̀r'la tsìɛn nì baraka ɲan, à yè è tàrà bàu e raa.

Kɛɛradzin neè faadziɛ 22:21

Tsìfaà yè dzin mun na tɔ̀un ci: "Bo wɔ̀ rèe doùn, a wa, mun nà wo ka bè jeenà kun kpɛrɛ mòdzin ì nì nè."»

Kɛɛradzin neè faadziɛ 8:4

Nìi reè na jeeŋna, twɛy na e ɲantsyeere beè gàne rèè ɲàn, yè mòdzian toro kɔ̀ beè Kùnàgoo Dziɔ̀ rà.

Korɛntsika reè jɔ̀naà 12:28

Tà tsuru, Ŋaabla mòdzin ì bou è tsùù ɲɛynamoo kur'là jɔun nìì reè yɛ: jɔ̀naà, tɔ kɛɛradzin neè, fiiraa, tɔ kɛɛra reè, zhììgìraa, tɔ kàrànfa rèè. Tà shɔ̀ùn, nìì reè kabagoo goo reè faa, ko ɲìn'nèè cɛrɛmabeè dzia siɔ̀n nìì reè rà, dzwɛ̀mà faa dzia, kurukuin faa dzia, ko kungooma kpɛrɛ dee dzia.

Korɛntsika reè jɔ̀naà 15:10

Ŋà, mun nìi she, mun bàu tɔ̀, Ŋaablà ɲanwùɔ rìì baraka ɲan. À ɲanwùɔ to na ba goo maana mun kàjaa tsɛ waa, è ɲɛn à tsɛ, mun faagoò fau è geren è sapɛ tsɛ. À to na mun yɛ̀r'la waa, fɔ Ŋaablà ɲanwùù riì ni mun ka.

Korɛntsika reè fiiraa 6:1

Àwà ɲe ko Ŋaabla yeè e si faagoofasi nìi fa, è ɲɛn tɔ̀ tsɛ, ɲe ye màxɔ̀ɔn e maà à to à ɲanwùɔ yè bà goo maana waa.

Filipika reè 2:21

È sapɛ yeè e yɛr'la raa nàfaà rìì gaa, pɛn na Yesù Kirisà raà gaa waa.

Filipika reè 2:25

Ŋà m'a jaɔ̀ ci, nìi Epaforodzitsì, mun neemaa, mun faagoofasià ko mun dzwɛ̀mabaà kaà doùn, à wù min tɔ̀ sèè bàji be ye re, ye tɔ̀ niì kau mun màgòò ge reè ka, è nà wɔ mun na.

Filipika reè 2:30

È ɲɛn à tsɛ, Kirisà rè faagoò rìì kamà, à na gaa san. È xɔɔn sìun, gè riì ni à to ye fa ni dzi nìi fa mun ne waa, è tɔ̀ fa ye tsɔ̀saan ɲàn.

Kolosika reè 1:29

Tɔ̀ rii kamà, min bà n yɛrɛ siàn faagoò byɛnbee rà, min sikuan fa è kòrò à re faagoò ka mun ɲan, tɔ̀ niì faa dzibaabe ka.

Kolosika reè 4:12

Epafarasì, Yesù Kirisà rè faagoofadzian, è bà ye sɔn, tɔ ye tswàa. À re Ŋaabla mafyɛyn nèè doùn kudɛyn, à ni kaà rà ye kamà, gè riì ni à to ye sàn gbaunma yè to, ye dzii yè bà tsyɛɔ̀n, ye yè bà mɔɔ̀n Ŋaablà saɔ sapɛ doùn.

Tesalonikika reè jɔ̀naà 2:9

Àwà neema reè, ye taa ni ɲe re faagoo xɔɔ̀ ko ɲe re byɛnbee rè. Ɲe faagoò fau feèn ko bwèè sa, ɲe mà nà bà ye sɔn ne seyn waa, ɲe yè Ŋaablà re Kùnàgoo Dziɔ̀ dè ye ra.

Tesalonikika reè jɔ̀naà 5:12

Àwà neema ì, nìì reè byɛɛn faagoò rà ye fi, yè bà ni ye kùùn Tsìfaà ɲàn, yè bà ye latsia, ɲe y'à gaa ye re, ye è blàbe.

Tesalonikika reè fiiraa 3:1

Dòònuùn neema ì, arì she, ye Ŋaablà mafyɛ̀n mùn ne, gè riì ni à to, Tsìfaà rè goomaa yè bè jɔun tabe, blàbe yeè ɲɛn à tsɛ, a ci à faa ye re nìi tsuru.

Tsìmotè jɔ̀naà 4:10

Tɔ̀ rii y'à to ɲe ni faagoo xɔɔ̀ rà ko sikuan. È ɲɛn à tsɛ, ɲe yè e si ɲɛɔ̀n Ŋaablà jaamaa tsɛ, tɔ̀ niì mòdzian sapɛ Tsibaa, gooma na ni ɲɛynamoo rèè ma waa.

Tsìmotè fiiraa 4:5

Ŋà nìi wo, goò sapɛ doùn, bà mòdzin, nìi akiri ni e yɛr'le. Byɛnbee ku a ɲan, e Kùnàgoo Dziɔ̀ dè. A re faagoò fa, a dzii tsyɛn.

Filemɔ̀n 1:1

Mun Polì, Yesù Kirisà rè kàsòdzian ko Tsìmotè, mùn neema kpir'la, nèe ɲe re sɛbɛn, è sìn wo Filemɔ̀n nà, ɲe re kɛ̀niunmaà, ko ɲe faagoofasià.

Dzyèèsìbee mòdzin neè 3:6

Nìi Ŋaablà Jaara Modzìàn, à re dzin kpiribee doùn, tɔ̀ sa vusootsi à tsùuŋmaà doùn Fà Ŋaablà re mòò rèè sapɛ kuùn. Mùn kpɛ̀ynto à re mòò rèè, Ŋà, fɔ mìn to goo soo tsɛ, à wù mùn akiri yè bà tsùuŋnà, mùn si yè bà xɔ à tsɛ, tɔ̀ riì mùn wàsaà goò.

Goo kpàdèuma rèè 2:1

«Àwà ɲɛynamoo kur'lìi ni Efɛsì wɔ̀ rɔ̀n, sɛbɛn ka tɔ̀ mɛ̀rɛ̀kɛɛ̀ rè, a dè ci: "Swɛyn ɲɛ̀ɛ̀nuàn ni nìi sirama sia doùn, è bà jìɛ fìtsìnà ge sɛnuma ɲɛɛ̀nuàn fi, tɔ nìi dèe, tɔ̀ rii siin: